Riçard Nikson

Vikipediya, açıq ensiklopediya
Keçid et: naviqasiya, axtar
Riçard Milhaus Nikson
Richard Milhous Nixon
Riçard Milhaus Nikson
Bayraq
Amerika Birləşmiş Ştatlarının 37-ci prezidenti
Bayraq
20 yanvar 1969 — 9 avqust 1974
Vitse-prezident: Spiro Aqnyu (1969-1973)
olmayıb (oktyabr-dekabr 1973)
Cerald Ford (1973-1974)
Sələfi: Lindon Conson
Xələfi: Cerald Ford
Bayraq
Amerika Birləşmiş Ştatlarının 36-cı vitse-prezidenti
Bayraq
20 yanvar 1953 — 20 yanvar 1961
Prezident: Duayt Eyzenhauer
Sələfi: Olben Barkli
Xələfi: Lindon Conson
 
Partiya: Respublikaçılar partiyası
İxtisası: Hüquqşünas
Dini: Protestant-kvaker
Təvəllüdü: 9 yanvar 1913(1913-01-09)
Yorba-Linda, Kaliforniya, ABŞ
Vəfatı: 22 aprel 1994 (81 yaşında)
Nyu-York, Nyu-York ştatı, ABŞ
Atası: Frensis Nikson
Anası: Hanna Milhaus Nikson
Həyat yoldaşı: Pet Nikson
Uşaqları: Trişiya Nikson Koks
Culi Nikson Eyzenhauer
 
İmzası: İmzası

Riçard Milhaus Nikson (ing. Richard Milhous Nixon; 9 yanvar 1913, Yorba-Linda, Kaliforniya, ABŞ22 aprel 1994, Nyu-York, Nyu-York ştatı, ABŞ) — Amerika Birləşmiş Ştatlarının 37-ci prezidenti (1969-1974) və 36-cı vitse-prezidenti (1953-1961).

1953-1961-ci illərdə prezident Duayt Eyzenhauerin kabinetində vitse-prezident vəzifəsini tutan Nikson, 1960-cı il seçkilərində prezidentliyə namizədliyini irəli sürmüş, lakin Con Kennediyə məğlub olmuşdur. 1962-ci ildə Kaliforniya ştatının qubernatoru vəzifəsinə namizədliyini versə də, burada da məğlub olmuş və bundan sonra siyasətdən getdiyini açıqlamışdır. Lakin 1968-ci ildə Respublikaçılar partiyası onu prezidentliyə namizəd kimi irəli sürmüş və Nikson bu seçkidə qalib gələrək ABŞ-ın 37-ci prezidenti olmuşdur. 1972-ci il seçkilərində də qələbə qazanan Nikson, həm vitse-prezident, həm də prezident vəzifəsini iki dəfə tutmuş yeganə şəxsdir.

Onun hakimiyyət dövrü Çinlə əlaqələrin yaxşılaşdırılması, SSRİ ilə Strateji silahların məhdudlaşdırılması barədə müqavilənin imzalanması, Ay proqramının uğurla başa çatması və Vyetnam müharibəsinə son qoyulması ilə xarakterizə olunur.

Riçard Nikson istefa vermiş yeganə ABŞ prezidentidir. O, bu addımı Uotergeyt qalmaqalı ilə bağlı ona qarşı impiçment prosedurunun başlanması ilə əlaqədar atmışdır.