Herbert Huver

Vikipediya, açıq ensiklopediya
Keçid et: naviqasiya, axtar
Herbert Klark Huver
ing. Herbert Clark Hoover
Herbert Klark Huver
Bayraq
Amerika Birləşmiş Ştatlarının 31-ci prezidenti
Bayraq
4 mart 1929 — 4 mart 1933
Vitse-prezident: Çarlz Körtis
Sələfi: Kalvin Kulic
Xələfi: Franklin Delano Ruzvelt
 
Partiya: Respublikaçılar partiyası
Təhsili: Stenford Universiteti
İxtisası: Mühəndis, biznesmen
Dini: Kvaker
Təvəllüdü: 10 avqust 1874(1874-08-10)
Vest Branç, Ayova, ABŞ
Vəfatı: 20 oktyabr 1964 (90 yaşında)
Nyu-York, Nyu-York ştatı, ABŞ
Atası: Сes Huver
Anası: Hulda Mintorn Huver
Həyat yoldaşı: Lu Huver
Uşaqları: Herbert Klark Huver
Alan Henri Huver
 
İmzası: İmzası

Herbert Klark Huver (ing. Herbert Clark Hoover; 10 avqust 1874, Vest Branç, Ayova, ABŞ - 20 oktyabr 1964, Nyu-York, Nyu-York ştatı, ABŞ) — Amerika Birləşmiş Ştatlarının 31-ci prezidenti (1929-1933).

Həyatı[redaktə]

Alman əsilli ailədə dünyaya gəlmişdir. Atasının ilkin soyadı Huber olmuşdur. 1880-ci ildə, 6 yaşında ikən atasını, 10 yaşında isə anasını itirən Herbert Huver əvvəlcə 18 ay əmisi Allen Huverin, 1885-ci ilin noyabrından isə öz oğlu bir il əvvəl vəfat edən dayısı Con Mintornun yanında yaşayır.

1891-ci ildə o vaxt yeni yaradılmış Stenford Universitetinə qəbul olmuş və 1895-ci ildə geoloq-mühəndis ixtisası üzrə buranı bitirmişdir.

Sonralar ixtisası üzrə AvstraliyadaÇində işləmişdir.

1914-cü ildə Birinci dünya müharibəsinin başlaması ilə Londonda 120 000 ABŞ vətəndaşının Avropadan çıxarılmasının təşkili ilə məşğul olur. 1917-ci ildə ABŞ-ın müharibəyə qatılmasından sonra prezident Vudro Vilson tərəfindən ABŞ Ərzaq Xidmətinin rəhbəri təyin olunur.

1928-ci il prezident seçkilərində rəqibi Alfred Smit üzərində kəskin fərqlə qalib gələrək prezident seçildi. Hamı yaxşı menecer kimi tanınan Huverin prezidentliyindən daha böyük iqtisadi inkişaf gözlədiyi halda 1929-cu ilin oktyabrında Nyu-York Birjasında başlayan geriləmə və bunun ardından başlayan "Böyük Depressiya" ABŞ tarixində ən böyük iqtisadi itkilərlə müşahidə olunmuşdur. Bu proses Herbert Huverin imicinə ciddi zərər vurmaqla yanaşı, həm də 1932-ci il seçkilərində Franklin Delano Ruzveltə uduzması ilə nəticələndi.

Huver 1964-ci il oktyabrın 20-si saat 11:35-də, hakimiyyətdən getdikdən 31 il 7 ay sonra vəfat etmişdir. Bu göstərici ilə o, eks-prezident statusunda ən uzun müddət qalmış ABŞ prezidentidir. Onun üçün rəsmi dəfn mərasimi keçirilmiş və özündən 20 il əvvəl vəfat edən xanımı ilə birlikdə Vest-Brançda (Ayova) dəfn edilmişdir.

Media[redaktə]

Herbert Huverin video görüntüləri

VikiAnbarda Herbert Huver ilə əlaqəli mediafayllar var.