Elnur Aslanov (güləşçi)

Elnur Aslanov
Şəxsi məlumatlar
Tam adı	Elnur Aslanov
Vətəndaşlığı	Azərbaycan
Doğum tarixi	2 yanvar 1983(1983-01-02)
Doğum yeri	Sumqayıt, Azərbaycan SSR, SSRİ
Vəfat tarixi	2 iyun 2012(2012-06-02) (29 yaşında)
Vəfat yeri	Sumqayıt, Azərbaycan
Vəfat səbəbi	avtomobil qəzası[d]
Boyu	170 sm. (5 ft 6 in)
Çəkisi	74 kq
İdman növü	Güləş
Karyera illəri	1990—2006
Məşqçisi	Rövşən Süleymanov

Elnur Aslanov (2 yanvar 1983, Sumqayıt – 2 iyun 2012, Sumqayıt) — Azərbaycan sərbəst güləşçisi.

Karyerası

Elnur Aslanov 2000-ci ildə yeniyetmələr arasında Avropa Çempionatını 18-ci, 2001-ci ildə isə gənclər arasında Dünya Çempionatını 17-ci pillədə başa vurdu.

2002-ci ildə Tirana şəhərində (Albaniya) baş tutan gənclər arasında Avropa Çempionatının gmüş medalına sahib olan Elnur Aslanov 2003-cü ildə Dünya Çempionatını 8-ci pillədə başa vurdu.

Elnur Aslanov Azərbaycanı 2004-cü ildə Afina şəhərində (Yunanıstan) baş tutan XXVIII Yay Olimpiya Oyunlarında təmsil etdi. Elnur Aslanov qrup mərhələsində əvvəl Tacikistan nümayəndəsi Yusub Abdusalomova 4:8, sonra isə olimpiya çempionu Kanada nümayəndəsi Daniel İqaliya 1:8 hesabları ilə məğlub oldu və Afina Olimpiadasında mübarizəsini başa vurdu.

Olimpiadadan sonra Elnur Aslanov 2006-cı ildə Avropa Çempionatını 20-ci, Dünya Çempionatını 30-cu, Qızıl Qran-Pri beynəlxalq turnirini isə yeddinci pillədə başa vurduqdan sonra elə həmin ildə idmanla vidalaşdı.

Nəticələri

Sıra	İl	Yarış	Ev sahibi	Nəticə
1	2000	Yeniyetmələrin Avropa Çempionatı	Slovakiya	18.
2	2001	Gənclərin Dünya Çempionatı	Özbəkistan	17.
3	2002	Gənclərin Avropa Çempionatı	Albaniya	2.
4	2003	Dünya Çempionatı	ABŞ	8.
5	2004	Avropa Çempionatı	Türkiyə	18.
6		Olimpiya Oyunları	Yunanıstan	15.
6	2006	Avropa Çempionatı	Rusiya	20.
7		Qızıl Qran-Pri	Azərbaycan	7.
8		Dünya Çempionatı	Çin	30.