Firəngiz Əlizadə

Vikipediya, açıq ensiklopediya
Keçid et: naviqasiya, axtar
FİRƏNGİZ ƏLİZADƏ
Firengiz Elizade.JPG
Ümumi məlumatlar
Tam adı Firəngiz Əliağa qızı Əlizadə
Doğum tarixi 28 may 1947 (1947-05-28) (66 yaş)
Bakı
Peşəsi Bəstəkar

Firəngiz Əliağa qızı Əlizadə (28 may, 1947 Bakı) – Azərbaycan Respublikasının əməkdar incəsənət xadimi (1990), professor (1999), Azərbaycan Respublikasının xalq artisti (2000). [1]

Həyatı[redaktə]

Firəngiz Əlizadə Azərbaycan Dövlət Konservatoriyasını (1970, U.Xəlilovun fortepiano sinfini, 1972; Q.Qarayevin bəstəkarlıq sinfini) bitirmişdir. Fortepiano sonatasının (1970), fortepiano ilə ork. üçün konsertin (1972), simli kvartet (1974), simfoniya (1976), "Vətən haqqında nəğmələr" oratoriyası (N.Xəzrinin sözlərinə), violonçel ilə fortepiano üçün "Habilsayağı" (1979), orqan üçün fantaziya (1982), "Ağ atlı haqqında əfsanə" rok-operası (1985), "Üç akvarel" vokal silsiləsi (N.Rəfibəylinin sözlərinə), simli kvartet üçün "Dilogiya-1" (1988), "Dilogiya-II" (1989), "Boş beşik" (1993) baletinin, "Dərviş" (Nəsiminin sözlərinə, 2000) əsərinin, kinofilmlərə musiqi və s.-nin müəllifidir. Bir çox müasir musiqi festivallarında iştirak etmişdir (İtaliya, İsveç, Qərbi Berlin, Meksika, ABŞ, İngiltərə, Hollandiya). 20 əsr bəstəkarlarından A.Şönberq, A.Berq, O.Messian, C.C.Keys, A.Şnitke, S.Qubaydulina, E.Denisov, V.Silvestrov və b.-nın, həmçinin öz əsərlərini pianoçu kimi böyük ustalıqla ifa edir. 1970 ildən Azərb. Dövlət Konservatoriyasında (indiki Bakı Musiqi Akademiyası) dərs deyir. Ə. 1990 ildən Azərb. Bəstəkarlar İttifaqı İdarə Heyətinin katibidir. [2] [3]

ƏSƏRLƏRİ[redaktə]

Operalar
Balet
  • Boş beşik (1993) - Nicat Cüməlinin poeması əsasında iki pərdəli balet
Vokal-instrumental əsərləri
  • Nazim Hikmətin sözlərinə bariton, xor və kamera ansamblı üçün "Ölümsüzlüyə yolculuq" Oratoriyası (1997);
  • İ.Takubokunun sözlərinə 3 ifaçı – soprano, fleyta, piano/vibrafon/çelesta üçün vokal silsilə (1990);
  • A.S.Puşkinin sözlərinə tenor və simli kvartet üçün "Vlasth krasotı" Romansı (1999);
  • Müəllifin sözlərinə soprano və kamera ansamblı üçün "İtirilmiş zaman axtarışında" (1999);
  • Azərbaycan şairlərinin və Y.V.Qotyenin "Şərq-Qərb Divanı" poemasından sözlərinə kiçik həcmli xor, orqan, arfa və zərb alətləri üçün "Gottes ist der Orient" /alman və azərb. dil./ (2000);
  • Qiraətçi, solo-violonçel və ansambl üçün "Dərviş" Septeti (2000);
İnstrumental əsərləri
  • Piano üçün 2 saylı Sonata (1990)
  • 2 ifaçı – klarnet və vibrafon /çelesta/ üçün "Crossing-I" /"Çarpazlaşma-I"/ (1991)
  • 11 ifaçı üçün "Crossing-II" /"Çarpazlaşma-II"/ (1992)
  • Simli kvartet, zərb alətləri və sintezator üçün "Muğamsayağı" (1993)
  • violonçel və fortepiano üçün “Habilsayağı”
  • Solo-gitara üçün "Fantaziya" (1994)
  • Fleyta, iki gitara və zərb alətləri üçün "Azərbaycan pastoralı" (1998)
  • Simfonik orkestr üçün "Sturm und Drang" (1998)
  • Zərb alətləri və kamera orkestri üçün "Silkout road" Konserti (1999)
  • "İpək yolu" silsiləsi: ud və kamera ansamblı üçün "Miraj" (1998); Solo-violonçel üçün "Eşq havası" (1998); simli kvartet və maqnit yazısı üçün "Oazis" (1999);
  • Piano /prepare/ və simli kvartet üçün "Abşeron" kvinteti (2001)
  • Vokal kişi kvarteti üçün "Bayatılar" (2001); İki arfa və maqnit. yazısı üçün "Deyişmə" (2001)
  • Marimba və simli orkestri üçün Konsert (2001).
Kitablar
  • Qara Qarayev fotoalbomu /Q.Qarayevin 80-illiyinə həsr edilib/ (azərb., ing. və rus dillərində). B., 1997;
  • Azərbaycanın simfonik musiqisi. B., "Şur", 1998.

Filmoqrafiya[redaktə]

  1. Əbədiyyət yolu (film, 1987)
  2. Əlaqə (film, 1989)
  3. Firəngiz Əlizadə. Lüsern-99 (film, 1999)
  4. Gələcəyin qurucuları (film, 1982)
  5. Həyat mübarizədir (film, 1987)
  6. İlk zirvələr (film, 1988)
  7. İntizar (film, 1986)
  8. Səfillər (film, 1985)
  9. Son söz (film, 1981)
  10. Spartakiadanın startları (film, 1983)
  11. Şeir mənim üçün bir kainatdır (film, 1984)
  12. Hüdudsuz muğam aləmi (film, 2009)

Mənbə[redaktə]

  1. Firəngiz Əlizadə
  2. Bioqrafiya bankında Firəngiz Əlizadə
  3. Muğam Ensiklopediyası - Firəngiz Əlizadə
  4. Firəngiz Əlizadə: “Azərbaycanda müasir opera yox dərəcəsindədir”
  5. "Səs" qəzeti - “Sənin adın Dənizdir” operasının premyerası olub

Videolar[redaktə]

Həmçinin bax[redaktə]

Portalkino.jpg
Azərbaycan kino sənəti portalı