EL TV

ARB Aran
Loqonun şəkli
Ölkə	Azərbaycan
Dil	Azərbaycan dili
Baş qərargah	Heydər Əliyev prospekti 14, Yevlax, Azərbaycan
Yaranma tarixi	17 iyul 2009
Keçmiş adları	Yevlax TV (2006 - 17 iyul 2009) El TV (17 iyul 2009 - 19 sentyabr 2016)
Şüar	Elimizin Kanalı
Qardaş kanallar	ARB ARB Kəpəz ARB Ulduz ARB Şimal ARB Cənub ARB Şəki ARB 24 ARB Günəş Kəpəz FM
Sayt	arbtv.az

ARB Aran — 2009-cu ildə "El TV" adıyla Yevlax şəhərində yayıma başlayan televiziya kanalı.

Tarixçə

El Televiziya Şirkəti 2 mart 2009-cu ildə yaradılmış, 17 iyul 2009-cu il tarixində isə yayıma başlamışdır. Kanalın əsas məqsədi yayımın əhatə dairəsində yerləşən regionların sosial-iqtisadi və mədəni həyatında baş verən hadisələrin işıqlandırılması, əhaliyə göstərilən informasiya xidmətinin səviyyəsinin yüksəldilməsidir. Ötən 5 il ərzində EL TV bölgənin ictimai həyatında aktiv iştirak edən KİV kimi öz mövqeyini möhkəmləndirib. Telekanalın auditoriyasına bütün yaş kateqoriyasında olan tamaşaçılar daxildir. "ARB Aran" kanalının efir vaxtı 19 saatdır. Yayımının 73,3%-ni şəxsi istehsalı olan, 8,3%-ni digər yerli telekanallar və prodüser mərkəzləri tərəfindan istehsal olunan, 18,4%-ni isə xaricdə istehsal olunan proqramlar təşkil edir. Xəbər verilişlərin sayi, vaxtı, uzunluğu – 5 dəfə, 09:00 (səhər proqramının içində, 15 dəq.), 13:30, 16:30, 20:30 (əsas buraxılış, 30 dəq), 23:30 buraxılışları 15 dəqiqə həcmindədir. Kanalın efir vaxtının 6 %-i xəbərlərdən, 17,6%-i musiqili ə əyləncəli verilişlərdən, 33,1%-i idrak və informasiya verilişlərindən, 2,2 %-i postprodakşn proqramlarından, 1,8%-i seriallardan, 18,4 %-i xarici bədii filmlərdən, 1,1 %- Azərbaycan filmlərindən, 3,7 %-i sənədli filmlərdən, 7,5 %-i İctimai – siyasi və sosial proqramlardan, 1,5 %-i uşaq verilişləridən, 3,3 %- cizgi filmlərdən, 1,1 %-i idman proqramlarından, 2,7 %-i isə digər proqramlardan ibarətdir.

19 sentyabr 2016-cı il tarixində "El TV" olan telekanalın adı dəyişdirələrək "ARB Aran" olmuşdur.

• El TV adıyla yayımlandığı müddətdə istifadə etdiyi loqo
  El TV adıyla yayımlandığı müddətdə istifadə etdiyi loqo