Ancela Devis

Vikipediya, azad ensiklopediya
Jump to navigation Jump to search
Ancela Devis
ing. Angela Davis
Angela Davis pic.jpg
Doğum tarixi 26 yanvar 1944(1944-01-26)[1][2][3] (77 yaş)
Doğum yeri
Vətəndaşlığı
Təhsili
Fəaliyyəti yazıçı, insan hüquqları fəalı, müəllimə, filosof, avtobioqraf[d], universitet müəllimi[d], siyasətçi, feminist[d]
Mükafatları Star of People's Friendship “Vladimir İliç Leninin anadan olmasının 100 illiyi ilə əlaqədar rəşadətli əməyə görə” medalı Order of Playa Girón
Lenin sülh mükafatı

Amerika Kitab Mükafatı (1998)

Vikianbarın loqosu Vikianbarda əlaqəli mediafayllar

Ancela İvonna Devis (ing. Angela Yvonne Davis; 26 yanvar 1944[1][2][3], Birminqem, Alabama) — Amerikalı hüquq müdafiəçisi, kommunist hərəkatının nümayəndəsi, sosioloq, yazıçı, Qara Pantera partiyası və Tələbə Qeyri-zorakı Koordinasiya Komitəsi ilə əlaqələri olan siyasi aktivist və universitet professoru. Devis Mülki Hüquqlar Uğrunda Hərəkat dövründə tanınmış aktivistlərdən biri, ABŞ Kommunist Partiyasının üzvü və onun siyasi namizədi olmuşdur. 90-cı illərin əvvəllərində Kommunist Partiyasını tərk etdikdən sonra özünü demokratik sosialist kimi tanıdır və hal-hazırda Demokratiya və Sosializmə Uyğunluq Komitələrinin üzvüdür.

Fəaliyyəti[redaktə | mənbəni redaktə et]

O, ümumdünya şöhrətini 7 avqust 1970-ci ildə 17 yaşlı Conatan Ceksonun 2 yoldaşı ilə birlikdə öz qardaşı da daxil olmaqla 3 qaradərili cinayətkarı azad etmək məqsədilə məhkəmə zalına etdiyi hücum və polisin bundan sonra həyata keçirdiyi azadetmə əməliyyatı nəticəsində hakim Harold Heylinin qətli ilə bağlı qazanmışdı. Belə ki, cinayətdə istifadə olunan odlu silah Devisin adına qeydə alınmışdı və cinayətin baş verdiyi Kaliforniya qanunlarına görə silahın sahibi cinayətin iştirakçısı hesab olunurdu.

Devis polisdən qaçmağa çalışsa da, 2 ay sonra gərgin axtarışlar nəticəsində Nyu-Yorkda yaxalandı, həbs edildi və məhkəməyə cəlb olundu. Sonda isə müasir ABŞ tarixindəki ən məşhur məhkəmə proseslərindən birində bəraət qazandı. Onun Kommunist Partiyasının üzvü olması başda SSRİ olmaqla bütün dünyadakı Kommunist partiyası fəallarının kəskin etirazlarına və nümayişlərə səbəb olmuşdu.

Ancela Devis FTB-nin axtarışında

Həbsdən azad olunduqdan sonra Ancela Devis ABŞ Kommunist Partiyası Mərkəzi Komitəsinə üzv seçilmiş və 1980, 1984-cü illərdə bu partiyadan ABŞ vitse-prezidenti vəzifəsinə namizəd kimi irəli sürülmüşdür. O, SSRİ-də səfərdə olmuş və Leonid Brejnevlə görüşmüşdür.

2008-ci ilin yazında Kaliforniya Universitetindəki vəzifələrindən ayrılmışdır. Hal-hazırda irqi, cinsi bərabərlik və həbsxanaların ləğvi uğrunda mübarizə sahəsində fəaliyyət göstərir.

Maraqlı faktlar[redaktə | mənbəni redaktə et]

  • Con Lennon 1972-ci ildə Some Time in New York City albomundakı Angela mahnısını Ancela Devisə həsr etmişdir.
  • Həmçinin, onun şərəfinə Rolling Stones qrupu Sweet Black Angel sinqlini bəstələmişdir.

İstinadlar[redaktə | mənbəni redaktə et]

  1. 1 2 Angela Davis // Encyclopædia Britannica (ing.)
  2. 1 2 Angela Davis // filmportal.de — 2005.
  3. 1 2 Angela Y. Davis // Internet Speculative Fiction Database (ing.) — 1995.

Xarici keçidlər[redaktə | mənbəni redaktə et]