Azərbaycan şairi Nizami (Rəsulzadə)

Vikipediya, azad ensiklopediya
Jump to navigation Jump to search
Azərbaycan şairi Nizami
Azərbaycan şairi Nizami (Rəsulzadə, 2019).jpg
Müəllif(lər) Məhəmməd Əmin Rəsulzadə
Janr Ədəbiyyatşünaslıq
Orijinalın dili Türk dili
Orijinalın nəşr ili 1951[1]
Nəşriyyat Milli Eğitim Basımevi (1951)
Azərnəşr (1991)
Çıraq (2008)
Təknur (2011)
Bakı Kitab Klubu (2019)
Səhifə 520 (2011)
370 (2019)
Tiraj 100 (2019)[2]
isbn ISBN 978-9952-445-12-63

"Azərbaycan şairi Nizami"Məhəmməd Əmin Rəsulzadənin Nizami Gəncəvinin 800 illik yubileyi münasibətilə 1941-ci ildə yazdığı, ilk dəfə 1951-ci ildə Ankarada nəşr olunan əsəri.

M. Ə. Rəsulzadənin Nizami haqqında bu kitabı mühacirət ədəbi fikrinin, xüsusilə nizamişünaslığın ən dəyərli uğurlarından biri hesab edilir.[3]

Haqqında[redaktə | əsas redaktə]

Məhəmməd Əmin Rəsulzadə monoqrafiyanı 1941-ci ildə Nizami Gəncəvinin anadan olmasının 800 illiyi münasibətilə yazıb, İkinci Dünya müharibəsi və həyatının çətinlikləri səbəbilə[4] ilk dəfə 1951-ci ildə Türkiyənin paytaxtı Ankarada Milli Eğitim Basımevində nəşr edilib.

“Azərbaycan şairi Nizami” kitabını Azərbaycanda ilk dəfə Pr. Dr. Rüstəm Əliyev kiril qrafikalı Azərbaycan əlifbası ilə, yarımçıq da olsa, Bakıda 1991-ci ildə çap etdirmişdir. Fəlsəfə elmləri doktoru Yadigar Türkel onu 2008-ci ildə, yarısı Rüstəm Əliyevin, yarısı Ankara nəşrindən olmaqla, latın qrafikalı Azərbaycan əlifbası ilə yayımlamışdır.

Yadigar Türkel 2011-ci ildə “Azərbaycan şairi Nizami” kitabının 1951-ci il, Ankara nəşrinə əsaslanaraq, növbəti nəşrini yayımlamışdır.

2019-cu il Bakı Kitab Klubu nəşrinin daha geniş oxucu üçün düşünüldüyü nəzərə alınaraq, 2011-ci il çapındakı (“Bax: 15-ci s.”) kimi yerlər çıxarılmış, Nizami Gəncəvinin poemalarının Ərəb yazısı ilə çapından ancaq bir səhifə verilmişdir.

Nəşr və tərcümə[redaktə | əsas redaktə]

Kitab ilk dəfə 1951-ci ildə Türkiyənin paytaxtı Ankarada Milli Eğitim Basımevində, Azərbaycanda ilk dəfə Bakıda kiril qrafikalı Azərbaycan əlifbası ilə 1991-ci ildə Azərnəşrdə, latın qrafikalı Azərbaycan əlifbası ilə 2008-ci ildə Çıraq, 2011-ci ildə Təknur nəşriyyatında, 2019-cu ildə Bakı Kitab Klubunda 370 səhifədə, 100 tirajla nəşr edilib.[5][6]

İstinadlar[redaktə | əsas redaktə]

  1. Londonda Y.Bertelsin “Böyük Azərbaycan şairi Nizami” kitabının ilk dəfə ingilis dilinə edilən tərcüməsinin təqdimatı keçirilib (FOTO)
  2. Böyük öndər Məhəmməd Əmin Rəsulzadənin “Azərbaycan şairi Nizami” kitabı gün üzü görüb
  3. AZƏRBAYCANIN ƏDƏBİYYAT ELMİ MÜHACİRƏTDƏ
  4. Nizami Gəncəvinin milli və ədəbi kimliyinə Rəsulzadə baxışı
  5. "Azərbaycan şairi Nizami"(azərb.)). bbclub.az. 2020-02-01 tarixində orijinalından arxivləşdirilib. İstifadə tarixi: 2020-02-01.
  6. Böyük öndər Məhəmməd Əmin Rəsulzadənin “Azərbaycan şairi Nizami” kitabı gün üzü görüb

Həmçinin bax[redaktə | əsas redaktə]

Xarici keçidlər[redaktə | əsas redaktə]