Baxış bəy Səbur

Baxış bəy Səbur
Baxış bəy Əsəd bəy oğlu Vəzirov
Doğum tarixi	27 avqust 1863(1863-08-27)
Doğum yeri	Mirzəcamallı, Şuşa qəzası, Bakı quberniyası, Rusiya imperiyası
Vəfat tarixi	1931
Vəfat yeri	Daşkənd, Özbəkistan SSR, SSRİ
Atası	Əsəd bəy Vəzir
Anası	Tutu xanım
Fəaliyyəti	şair
Üzvlüyü	Məclisi-üns, Məclisi-fəramuşan

Baxış bəy Səbur (27 avqust 1863, Mirzəcamallı, Şuşa qəzası – 1931, Daşkənd) — XIX əsrin ikinci yarısı, XX əsrin birinci yarısında fəaliyyət göstərmiş şair, Şuşada fəaliyyət göstərən Məclisi-Fəramuşan ədəbi məclisinin üzvü. Baxış bəy Qarabağın məşhur bəy ailələrindən olan Vəzirovlar nəslinin nümayəndəsi idi.

Həyatı

Baxış bəy Səbur 27 avqust 1863-cü ildə Şuşa qəzasının Vərəndə sahəsinin Mirzəcamallı (Şərifbəyli) obasında anadan olmuşdu. Şuşa real məktəbini bitirmişdi. Bir neçə dil bilirdi. Baxış bəy bir sürə Şuşa və Bakı şəhərlərində dövlət idarələrində çalışdıqdan sonra Özbəkistanın Daşkənd şəhərinə köçmüşdü. Daşkənd şəhərində Salman Mümtazın yazdığına görə "maarif və mədəniyyətə dəyərli köməyi olmuşdur".

Baxış bəy Səbur 1931-ci ildə Daşkənd şəhərində vəfat edib.

• Əsəd bəy Vəzirin oğludur.

Mir Möhsün Nəvvab öz ünlü təzkirəsində yazır:

Baxış bəy Əsəd bəyin oğludur. Qarabağın Şuşa əhalisindəndir. Bəhram bəy Fədainin kiçik qardaşı, Asinin bacısı oğlu və Zakirin nəvəsidir. 28 yaşlı xoşəhval bir cavandır. Farsca və rusca savadı var. Şeirdə təzədir. Aşağıdakı şeirlər onundur. Təxəllüsü Səburdur.

Ailəsi

Atası Əsəd bəy Vəzirov Mirzə Camal Cavanşir Qarabağinin qardaşı oğlu olmuşdur. Baxış bəyin Bəhram bəy Fədai, İsgəndiyar bəy Gülçin adlı qardaşları olmuşdur. Baxış bəyin dayısı Abdulla bəy Asi də şair idi. Baxış bəy Qasım bəy Zakirin nəvəsi idi. Adı keçən bütün şəxslər həm də şairliklə məşğul olmuşdurlar.

Həmçinin bax

• Vəzirovlar

Mənbə

• Nəvvab, Mir Möhsün, Təzkireyi-Nəvvab (PDF), Baku: Azərnəşr, 1995
• Çingizoğlu, Ənvər, Hacılılar, Baku: Soy, №6, 2004