Dizaxlı
Dizaxlı | |
---|---|
40°51′32″ şm. e. 47°41′45″ ş. u. | |
Ölkə |
![]() |
Rayon | Qəbələ rayonu |
Tarixi və coğrafiyası | |
Mərkəzin hündürlüyü | 352 m |
Saat qurşağı | |
Əhalisi | |
Əhalisi | 483 (2009) nəfər |
Rəqəmsal identifikatorlar | |
Poçt indeksi | AZ3614[1] |
Dizaxlı — Azərbaycan Respublikasının Qəbələ rayonunun inzibati ərazi vahidində kənd.
Tarixi[redaktə | mənbəni redaktə et]
- Kənd 1999-cu ildə yaradılmışdır.
Coğrafiyası[redaktə | mənbəni redaktə et]
- Dızaxlı kəndi maraqlı relyefi ilə könül oxşayan yerlərdəndir. Kürəyini Kov Murad dağına söykəyən kəndin heyrətamiz gözəlliyi var.[2]
Ümumi məlumat[redaktə | mənbəni redaktə et]
Ləzgi və azərbaycanlılardan ibarət olan sakinlər heyvandarlıqla, əsasən də qoyunçuluqla məşğul olur. Vaxtilə köçəri olan kənd əhalisi son illərdir ki, ancaq fərdi qoyunçuluq təsərrüfatını genişləndirirlər. Əlavə kənd təsərrüfatı məhsullarının da əkilməsi geniş vüsət alıb. Səhər açılandan üzü axşama doğru hamı iş başında, kişilər qoyun, sürü hörüşündə, qızlar, gəlinlər isə ağartı tədarükündə, yun yumağında və sairə işlərlə ömür sürürlər. Həftə bazarına çıxarılan məhsulların əksəriyyəti də bu kəndin təsərrüfatlarına məxsusdur. Suvarmada heç bir çətinlikləri yoxdur. Çünki buradan axan kanal köməklərinə çatır, bundan əlavə kəndə təmiz su xətti də çəkilib. Hər ailə su ilə təmin edilib. İndi kənddə qaz və telefon xidməti də var. İctimai iaşə obyektləri ilə zəngindir.[2]
Toponimikası[redaktə | mənbəni redaktə et]
Dizaxlı oyk, düz. Qəbələ r-nunun eyniadlı i.ə.v.-də kənd. Alazan-Əyriçay çökəkliyindədir. Oykonim ilk dəfə Cəfərqulu xan Xoylunun 1806-cı ilə aid fərmanında qeydə alınıb. Dizaq/Dizak Qarabağın qədim əyalətlərindən birinin adı olmuşdur. N.Gəncəvinin əsərlərində Dizaknak kimi xatırlanır. Orta Asiya ərazisində də Dizak (Cizak) adlı şəhər var. Oykonim "Dizak mahalından çıxanlar, dizaqlılar məskunlaşan kənd" mənasındadır.[3]
Əhalisi[redaktə | mənbəni redaktə et]
- 2009-cu ilin siyahıyaalınmasına əsasən kəndə 483 nəfər əhali yaşayır.[4]
Din[redaktə | mənbəni redaktə et]
Kənddə Dızaxlı kənd məscidi dini icması fəaliyyət göstərir[5].
Həmçinin bax[redaktə | mənbəni redaktə et]
Xarici keçidlər[redaktə | mənbəni redaktə et]
- İnzibati Ərazi Vahidləri Arxivləşdirilib 2017-07-29 at the Wayback Machine
İstinadlar[redaktə | mənbəni redaktə et]
- ↑ Azərpoçt. "İndekslər" (az.). www.azerpost.az. 2016-04-19 tarixində arxivləşdirilib. İstifadə tarixi: 2016-04-19.
- ↑ 1 2 Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
- ↑ Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
- ↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
- ↑ MÜSƏLMAN DİNİ İCMALAR - 2018-ci ildə qeydiyyatdan keçənlər. scwra.gov.az (az.)
![]() |
Qəbələ rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
![]() |
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |