Mıxlıqovaq

Vikipediya, açıq ensiklopediya
Keçid et: naviqasiya, axtar
MIXLIQOVAQ
Xəritə
Qəbələ rayonu
Qəbələ rayonu
Məlumatlar
Koordinatlar
İnzibati İdarə
Ölkə Azərbaycan
Rayon Qəbələ

MıxlıqovaqAzərbaycan Respublikasının Qəbələ rayonunun inzibati ərazi vahidində kənd.

Tarixi[redaktə | əsas redaktə]

Kəndin adının Mıxlıqovaq olmasının səbəbi illər əvvəl hələ kənd mövcud olmadığı dövrdə burada qovaq ağacının yerləşməsi idi.Belə ki,illər əvvəl bu kəndin ərazisindən keçən yolçular burada yerləşən qovaq ağacının yanında istirahət edərdilər. Bu zaman öz atlarını həmin nəhəng qovaq ağacına mıx çalaraq ora bağlarmışlar. Elə o zamanlardan da bu yeri Mıxlıqovaq adlandırmağa başlamışlar. Daha sonralar burada kənd salındığı zaman da yerin adına uyğun olaraq kəndin adı Mıxlıqovaq adlanmışdır.[Mənbə göstərin]

Mıxlıqovaq kəndinin yaranışı ilə bağlı müxtəlif fərziyyələr səslənir. Bəzi alimlər qeyd edir ki, karvan yolunun üstündə olan bu ərazidə tacirlər hündür qovaq ağaclarının dibində dincini alarmış. Qovaq ağaclarına mıx vurub digərinə yola düşdüyünü nişan verərmiş. Elə xalq arasında da, belə söylənilir. Toponimika elminə görə isə keçmişdə gövdəsinə çoxlu mıx vurulmuş və sitayiş obyekti olan qovaq ağacından ərazinin adı götürülüb. Kəndin yuxarı hissəsində “Pir Seyid” deyilən yer var və buradakı qovaqlıq bəlkə də ehtimal olunan yerdir. “Gəlin yolu” deyilən tarixi cığır isə daha yaxın zamanlara aiddir. Mıxlıqovaq rayondan 27 km. aralı Alazan-Həftəran vadisindədir.[1]

Buranı keçmişdə iki dəfə sel aparıb. Kənddə daşlıq deyilən ərazi və yol boyu iri daşlar kənardan gələnlərə möcüzəli görsənir. Əhali buranı tərk etsə də, yenidən ata-baba yurduna qayıdaraq kənddə yaşayışı bərpa ediblər. Sel təhlükəsi isə indi tamamilə dəf edilib. Yuxarıda qurulan bənd əhalinin seldən mühafizəsini təmin edir.[2]

Coğrafiyası və iqlimi[redaktə | əsas redaktə]

Kənd öz təbiətinin gözəlliyinə görə yay turizminə tam yararlıdır. Kənd dağ ətəyində yerləşmişdir.

Əhalisi[redaktə | əsas redaktə]

Kənddə təxminən 2-3 min əhali yaşayır. Kənddə yaşayan əhalinin əksəriyyətini azərbaycanlılar təşkil edir.[3]

Hazırda 3700 nəfər insan yaşayır.[4]

İqtisadiyyat[redaktə | əsas redaktə]

Əvvəlki illərlə müqayisədə kəndin görkəmi, dolanışığı xeyli dəyişib. Əhalinin həyat səviyyəsi yüksəlib. Əmlak artımı, fərdi evlərin çoxalması müşahidə olunur. Hər bir ailə sayğac vasitəsilə işlətdiyi enerjinin haqqını ödəyir və fasiləsiz işıqla təmin edilir.[5]

İstinadlar[redaktə | əsas redaktə]

  1. Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
  2. Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
  3. Кабалинские говоры лезгинского языка
  4. Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
  5. Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.