Fallout Shelter

Vikipediya, açıq ensiklopediya
Jump to navigation Jump to search
Fallout Shelter

FalloutShelter-Cover-Art.png
"Fallout Shelter" video oyununun rəsmi afişası

Oyun haqqında
Hazırlayan(lar) Bethesda Game Studios
Behaviour Interactive
Nəşr edən(lər) Bethesda Softworks
Dizayner(lər) Emmanuel Hardi-Senekal
Tomas Henrikez
Cenik Nevü
Ssenarist(lər) Emil Paqliarulo
Rəssam(lar) İştvan Peli
İlya Nəzərov
Ceymi Villa
Seriya Fallout
Anons tarixi 14 iyun 2015
Buraxılış tarix(lər)i iOS
Ümumdünya 14 iyun 2015
Android
Ümumdünya 13 avqust 2015
Microsoft Windows
Ümumdünya 14 iyul 2016
Xbox One
Ümumdünya 7 fevral 2017
PlayStation 4, Nintendo Switch
Ümumdünya 10 iyun 2018
Platforma(lar) iOS
Android
Microsoft Windows
Xbox One
Mühərrik Unity
Janr(lar) Free-to-play
simulyasiya
Oyun rejim(lər)i Birnəfərli oyun
Yaş
reytinq(lər)i
ESRB: TTeen
Texniki Məlumatlar
Daşıyıcı(lar) Rəqəmsal dağılım (App Store, Play Store, Steam, Xbox Live)
Sistem
tələbləri
Apple Store logo.svg iOS:
iPhone 5, iPad 3, iPad mini 2 və ya daha yaxşısı

Android robot.svg Android:
Android 4.1 və ya daha yenisi


Antu computer.svg PC:
261,7 MB boş disk sahəsi


Xbox one logo.svg Xbox One:
1.41 GB boş disk sahəsi


PlayStation logo.svg PlayStation 4:
1.4 GB boş disk sahəsi


Nintendo Switch Logo (without text).svg Nintendo Switch:
1.4 GB boş disk sahəsi

İdarəetmə Klaviaturasiçan
qeympad
sensor ekran
Vebsaytı

Fallout Shelter (azərb. Radioaktiv-yağıntı sığınacağı) — "Bethesda Game Studios" və "Behaviour Interactive" tərəfindən hazırlanan və "Bethesda Softworks" tərəfindən nəşr olunan free-to-play simulyasiya video oyunu. "Fallout" video oyun seriyasının bir parçası olaraq dünya səviyyəsində 14 iyun 2015-ci iliOS platforması, 13 avqust 2015-ci ilAndroid platforması, 14 iyul 2016-cı ilMicrosoft Windows platforması, 7 fevral 2017-ci ilXbox One platforması və son olaraq 10 iyun 2018-ci ilPlayStation 4Nintendo Switch platformaları üçün buraxılmışdır. "Fallout Shelter" oyunçulara öz sığınacaqlarını (ing. Vault) tikmək və təşkil etmək tapşırığını verir.

Buraxılmasından sonra "Fallout Shelter" əsasən müsbət rəylər almışdır. Tənqidçilər oyunun "Fallout" kainatının bir uzadılması olmasını, əsas qeympleyini və vizual üslubunu tərifləmişdir. Adi tənqidlər arasında oyunda dərinlik azlığının olması, lazımsız mikro-ödənişlərdən istifadəsi və sonluq azlığı var idi. Oyun buraxılışının ilk iki həftəsində mikro-ödənişlərlə 5.1 milyon ABŞ dolları qazanmışdır.

Qeympley[redaktə | əsas redaktə]

Burada, çöllük vətəndaşları sığınacağa girmək üçün cərgədə dururlar.
Burada, sakin arsenalda iş görür. Həmin sakinin statistikası şəkilin sol hissəsində verilib.
Oyun formikarium (qarışqa bağı) perspektivi üzrə qurulmuşdur. Sığınacaq barədə olan məlumatlar ekranın yuxarı hissəsində göstərilir. Soldan sağa — sığınacaq səviyyəsi, xoştbəxtlik dərəcəsi, elektrik sayğacı, qida sayğacı, su sayğacı, butulka qapaqları, bildirişlər.

"Fallout Shelter" bir simulyasiya oyunudur və burada oyunçular bir Nəzarətçi (ing. Overseer) – sığınacağın rəhbəri və kordinatoru olaraq öz sığınacaqlarını tikir və təşkil edirlər. Oyunçular vətəndaşları çöllükdən qurtarırlar və onları öz sığınacaqlarına yönəldirlər, əsas ehtiyaclarla — elektrik, qidasu ilə təmin edirlər.[1][2] Oyunda irəliləmək üçün oyunçu öz sığınacaqlarının həcmini yeni otaqlar əlavə edərək və ya otaqları inkişaf etdirərək artırmalıdır.

Sığınacaq otaqları[redaktə | əsas redaktə]

"Fallout Shelter"da sakinlərin sayının çoxaldılması ilə açılan tam 23 tikiləbilən otaq var. Bu otaqlar iki kateqoriyaya — istehsal və məşq kateqoriyalarına bölünürlər.[3] Oyunda 25 mərtəbə var və bu mərtəbələrin hər birində maksimal olaraq 8 otaq tikmək olur. Hər bir otağa məhdud sayda sakin təyin etmək olar və hər bir istehsal otağının idarə edilməsi üçün ən azı bir sakinə etiyacı var.[4] Hər otaq birinci mərhələdən başlayır və üçüncü mərhələyə qədər inkişaf edilə bilər.[5] Hər bir otaq maksimal effektivlikdə işləmək üçün müəyyən bir "S.P.E.C.I.A.L." (azərb. G.Q.D.X.A.U. — "Güc, Qavrama, Dözümlülük, Xarizma, Ağıl, Cəldlik və Uğur" sözləri üçün bir abreviatura) bacarığını tələb edir. Otaqları eyni otaqları yan-yana yerləşdirərək birləşdirmək olar.[6] Birləşdirilmiş otaqlar daha böyük olurlar, ehtiyat yaratmaq üçün daha çox vaxt sərf edirlər və inkişaf etdirmək dəyəri daha çoxdur, ancaq effektivlik dərəcəsi daha yüksəkdir.[5]

Sakinlər[redaktə | əsas redaktə]

Sığınacaq sakinləri oyunun mühüm bir hissəsidirlər və istehsal otaqlarının idarə edilməsi, reproduksiya, sığınacağın düşmən hücumlarından qorunması və çöllüyün araşdırılmasında fəaliyyət göstərirlər. Hər bir sakinin öz "S.P.E.C.I.A.L." profili onların fərqli-fərqli ehtiyat əmələ gətirməyinə təsir edir.[7] Bundan əlavə olaraq oyunçular həmin personajların "S.P.E.C.I.A.L." statistikasını təlim otaqlarında inkişaf etdirə bilərlər. Sakinlər vaxtilə yeni səviyyə qazanırlar, bu isə həmin sakinlərin sağlamlığını artırır və onlar daha keyfiyyətli silahları və əşyaları daşıya bilərlər.[1] Sakinlərin sayı çöllükdən gələcək vətəndaşları gözləməklə artırıla bilər. Sakinlərin sayının artırılmasının başqa bir yolu kişi və qadın sakinləri cütləşdirməkdir.[2][3]

Nahar qutuları[redaktə | əsas redaktə]

Oyunçular müəyyən tapşırıqları bitirərək və ya mikro-ödənişlərdən istifadə edərək nahar qutuları (ing. lunchboxes) ilə mükafatlandırıla bilərlər.[8] Hər bir nahar qutusunda beş kart olur, bu kartlarda isə sakinlər, silahlar, geyimlər, ehtiyatlar, butulka qapaqları, zibil məmulatlar, Kvant Nüvə-Kolalar, ev heyvanları və ya "Cənab Köməkçi"lər (ing. Mister Handy) olur.[9] Oyunçular nahar qutularından "adi" (ing. common), "nadir" (ing. rare) və "əfsanəvi" (ing. legendary) sakinlər əldə edə bilərlər.[10]

İstehsal və buraxılış[redaktə | əsas redaktə]

Todd Hovard 2009-cu ildə "Engadget" ilə keçirdiyi bir müsahibədə iOS üçün çıxarılacaq mümkün bir "Fallout" oyunu haqda danışan zaman Hovard "Fallout" oyunlarının “hər hansı bir platformaya tərcümə edilə biləcək qədər xüsusi” olduğunu deyərək bir neçə mobil Fallout oyun dizaynlarının hazırlanmış olduğunu və bunların ləğv edildiklərini bildirmişdir.[11]

5 noyabr 2009-cu il tarixində vaxtilə "id Software"də işləmiş Con Karmak rəsmi olmasa da, iPhone üçün olan bir "Fallout" oyunu barədə konseptlər olduğunu demişdir. Karmak digər layihələr üzərində işləməyinə baxmayaraq, oyunun hazırlanmasında özünün də iştirak edəcəyinə inandığını demişdir. O, daha sonra “ən azından mən onları kodlarla təmin edəcəyəm” demişdir.[12]

"Fallout Shelter" "Bethesda Softworks" tərəfindən 14 iyun 2015-ci il tarixində "Electronic Entertainment Expo" press konfransında açıqlamışdır.[1] Oyun "Behaviour Interactive" şirkətinin əlavə dəstəyi ilə[13] və "Unity" oyun mühərrikindən istifadə edərək hazırlanmışdı.[14] Oyun 13 avqust 2015-ci il tarixində Android qurğuları üçün buraxılmışdır.[15]

"Bethesda"nın vitse-prezidenti Pit Haynsın dediyinə görə, oyun "Little Computer People", "Progress Quest", "XCOM", "SimCity" və "FTL: Faster Than Light" kimi digər video oyunlarından ilhamlanmışdır.[16][17]

Yeniləmələr[redaktə | əsas redaktə]

30 iyun 2015-ci il tarixində oyuna ilk dəfə olaraq "Fallout 4"-dən bir personaj əlavə edilmişdir.[18] Preston Qarvi — "Kommonuelt Xalq Milis Əsgərləri"nin (ing. Commonwealth Minutemen, translit. Kommonuelt Minutmen) rəhbəri və onun şəxsi silahı olan və digər sakinlər tərəfindən istifadə edilə bilən lazer muşketi oyuna nahar qutularından çıxan bir hədiyyə olaraq əlavə edilmişdir.[19] 10 iyul 2015-ci il tarixində oyuna bir neçə texniki problemi aradan qaldıran və oyuna yeni "Şəkil modu" əlavə edən ilk rəsmi yeniləmə gəlmişdir.[20] 13 avqust 2015-ci il tarixində oyunun iOS versiyasına mühüm bir yeniləmə gəlmişdir. Bu yeniləmədə oyuna yeni düşmənlər, yəni köstəbək siçovulları və ölüm pəncələrini (ing. deathclaw) əlavə etmişdir.[21] Bu yeniləmə oyuna reyderlərin sadəcə ehtiyat yox, bultulka qapağı da oğurladığı yeni bir xüsusiyyət və yalnız nahar qutularından çıxan "Cənab Köməkçi" (ing. Mister Handy) əlavə edilmişdir.[22]

15 oktyabr 2015-ci ildə oyunun iOS versiyasına bulud yaddaşı sistemi, sağ qalmaq modu, rus dili dəstəyi və Fallout 4 personajı olan və yalnız nahar qutularından çıxan Payper Uraytı[23] əlavə edən 1.2 nömrəli yeniləmə gəlmişdir.[24] Yeniləmə oyuna statistika səhifəsini, öyrədici proqramı keçə bilmək və sığınacaq sakinlərinin ölü reyderlərin təchizatını götürə bildikləri yeni bir qeympley xüsusiyyəti əlavə edilmişdir.[25] Oktyabr ayının sonlarında oyuna hellouin mövzulu bir yeniləmə gəlmişdir. Bu yeniləmə oyuna hellouin bayramıyla bağlı əşyalar və dekorasiyalar əlavə edir, çöllüyə səyahətə göndərilə bilən sakinlərin say limitini artırır.[26]

22 noyabr 2015-ci il tarixində oyuna Şükran günü mövzulu bir yeniləmə gəlmişdir.[27] Yeniləmə oyuna yeni geyimlər və dekorasyalar əlavə etmişdir.[28] 10 dekabr 2015-ci il tarixində oyuna Doqmit kimi ev heyvanları, sığınacaq sakinlərini qovmaq, inventardakı bütün əşyaları aradan qaldırmaq üçün "hamısını sil" funksiyası və sığınacaq sakinləri üçün yeni söhbətlər əlavə edən 1.3 nömrəli yeniləmə gəlmişdir.[29] Bu yeniləmə oyuna qarMilad bayramı mövzulu dekorasiyalar əlavə etmişdir.[30]

2016-cı ilin mart ayında oyuna yeni kraftinq sistemi, otaqlar, yeni ev heyvanları və bərbərxana əlavə edən 1.4 nömrəli yeniləmə buraxılmışdır.[31] 2016-cı ilin aprel ayında oyuna sığınacaq sakinlərini özəlləşdirmək üçün yeni seçimlər, istənilməyən əşyaları məhv etmək funksiyasını və 3D Touch dəstəyi əlavə edən 1.5 nömrəli yeniləmə buraxılmışdır.[32] 14 iyul 2016-cı il tarixində oyuna tapşırıq sistemi, iki yeni düşmən (xortdanlar və radskorpionlar) və mağazaya iki yeni əşya əlavə edən 1.6 nömrəli yeniləmə buraxılmışdır. Əlavə olaraq, bu yeniləmədə döyüş sisteminə kiçik dəyişikliklər edilmişdir.[33]

Oyunun PC versiyasının və 1.6 nömrəli yeniləməsinin iyul ayında çıxarılacağı Bethesda tərəfindən 12 iyun 2016-cı ildə "Electronic Entertainment Expo 2016"-dan əvvəl keçirilən press konfransında açıqlanmışdır.[34] Oyunun PC versiyası və 1.6 nömrəli yeniləməsi 14 iyul 2016-cı il tarixində Bethesda.net platformasında çıxarılmışdır. 7 fevral 2017-ci il tarixində "Fallout Shelter"in Xbox One versiyası çıxarılmışdır. 28 mart 2017-ci il tarixində oyunun PC versiyası "Steam" satış platformasından çıxarılmışdır.[35]

"Bethesda Softworks" şirkətinin 10 iyun 2018-ci il tarixində, E3 2018 tədbirində keçirdiyi nümayişdə oyunun PlayStation 4Nintendo Switch platformaları üçün elə həmin gün buraxılacağı açıqlanmışdır.[36]

Məhkəmə işi[redaktə | əsas redaktə]

21 iyun 2018-ci ildə "Bethesda Softworks" şirkəti "Behaviour Interactive" studiyasını və "Warner Bros." şirkətini müəllif hüquqları və müqavilə pozuntusu iddialarına görə məhkəməyə vermişdir.[37] "Bethesda" bu şirkətlərin "Fallout Shelter" oyununun buraxılış-əvvəli kodundan əsaslanaraq "Qərb dünyası"-mövzulu bir video oyunu buraxdıqlarını iddia etmişdir. Bu müəllif hüquqlarının pozuntusuna oyunun qeympleyi, animasiyaları və interfeys dizaynı kimi amillərinin "Fallout Shelter"dəki ekvivalentlərinə çox bənzəməsi daxildir.[38]

Qəbul[redaktə | əsas redaktə]

Tənqidçilərin mövqeyi[redaktə | əsas redaktə]

Qəbul
Yekun xal
ToplayıcıXal
MetacriticiOS: 71/100[39]
PC: 63/100[40]
Tənqidi xallar
NəşriyyatXal
Destructoid7/10[45]
Game Informer7/10[41]
Game Revolution3.5 5 dən ulduz3.5 5 dən ulduz3.5 5 dən ulduz3.5 5 dən ulduz3.5 5 dənulduz[42]
GamesTM6/10[43]
IGN6.8/10[44]
New York Daily News3 5 dən ulduz3 5 dən ulduz3 5 dən ulduz3 5 dənulduz3 5 dənulduz[46]
Financial Post7.5/10[47]
Gamezebo4 5 dən ulduz4 5 dən ulduz4 5 dən ulduz4 5 dən ulduz4 5 dənulduz[48]
Pocket Gamer7/10[49]
VentureBeat95/100[50]

Rəy toplayıcısı "Metacritic"ə əsasən "Fallout Shelter" bütün platformalarda "qarışıq" rəylər almışdır.

Rəyçilər ümumiyyətlə oyunun qeympleyini tərifləmiş, ancaq dərinlik azlığını tənqid etmişdilər. "Pocket Gamer" heyətinin üzvü Herri Sleyter “bu, ən həyəcanverici post-apoloptika oyunu deyil, ancaq gündəlik oyunları sevirsinizsə, burada xoşlaya biləcəyiniz çox şey var”[49] demişdir. "Destructoid" heyətinin üzvü Kris Karter “Mən bunu hər gün oynamaq istəmirəm, fəqət sözsüz ki, oyun üzərində xərclədiyim bütün vaxta dəyər”[45] yazmışdır. "IGN" heyətinin üzvü Castin Deyvis oyun haqda “"Fallout Shelter"in ümidsizcə oyunsonu hədəflərə və ya maneələrə ehtiyacı var”[44] demişdir.

Oyunun vizualları da təriflənmişdir. "Game Informer" heyətinin üzvü Daniel Tek oyunun vizuallarını “tanınmış Volt-Boy estetikasında səliqəli”[41] olaraq cəmləmişdir. Kris Karter “vizual baxımından, Fallout Shelter bazardakı digər resurs-menecment oyunlarından daha çox təsirlidir”[45] demişdir. "Gamezebo" heyətinin üzvü Ceyson Faulkner oyun qrafikalarının “mənalı” olduğunu və “kiçik şirin sığınacaq sakinlərinin aydın, "Fallout"a sadiq bir stildə təqdim edilməsi bir yana, sığınacağın özü olduqca heyrətləndiricidir”[48] demişdir.

Rəyçilərin mikro-ödənişlər haqda olan fikri müxtəlif idi. "Game Revolution" heyətinin üzvü Ceb Hayt “post-apoliptika miksinə mikro-ödəniş üstünlüyünü əlavə edəndə, nəticə ağzıma turş bir dad verir”[42] demişdir. Daniel Tek claimed that “bu free-to-play oyunundakı pul mağazası seçimi tamamilə qeyri-obtrusiv və lüzumsuzdur”[41] demişdir. Fərqli olaraq, Castin Deyvis oyundakı mikro-ödənişlar barədə “faktiki olaraq, bütün digər qeympley elementləri köhnəsayaq mobil yoluyla – sadəcə gözləməklə qazanılır”[44] demişdir.

Satışlar[redaktə | əsas redaktə]

"Fallout Shelter" buraxılışının ilk günündə ABŞBirləşmiş Krallıqdakı ən məşhur pulsuz iOS applikasiyası,[51] 26 iyun 2015-ci il tarixində isə ən məşhur iOS oyunu olmuşdur.[52] 12 iyun 2016-cı ildə "Fallout Shelter"in 50 milyondan çox oyunçusu var idi.[53] "Bethesda Game Studios"un baş direktoru və icraçı prodüseri Todd Hovard 2017-ci ilin fevral ayından etibarən oyunun təxminən 75 milyondan çox oyunçusu olduğunu demişdir. "Fallout Shelter"in müvəffəqiyyətinə görə, "Bethesda Game Studios" ikinci bir mobil oyun üzərində işləyir.[54]

"Fallout Shelter" buraxılışının ilk günündə iOS-un App Store virtual mağazasındakı ən çox yüklənilən üçüncü oyun olmuşdur.[51] Oyun 16 iyul 2015-ci il tarixində, yəni buraxılışının ilk ikinci həftəsində mikroödənişlərlə 5.1 milyon ABŞ dolları qazanmışdır.[55]

Mükafatlar[redaktə | əsas redaktə]

Mükafatlar və nominasiyaların siyahısı
Mükafat Kateqoriya Nəticə İstinad
LXIV Qızıl Coystik Mükafatları Ən yaxşı mobil oyun Qalib [56]
Oyun Mükafatları (2015) Ən yaxşı mobil oyun Nominasiya [57]
XIX İllik D.I.C.E. Mükafatları İlin mobil oyunu Qalib [58]

İstinadlar[redaktə | əsas redaktə]

  1. 1,0 1,1 1,2 Hilliard, Kayl (14 iyun 2015). "Fallout Shelter-Management Mobile Game Out Now On iOS". Game Informer. GameStop. http://www.gameinformer.com/b/news/archive/2015/06/14/fallout-shelter-management-mobile-game-coming-to-ios-and-android-tonight.aspx?. İstifadə tarixi: 27 mart 2018.
  2. 2,0 2,1 Yin-Pol, Uezli (15 iyun 2015). "Surprise! Fallout Shelter iOS game out now". Eurogamer. Gamer Network Ltd.. http://www.eurogamer.net/articles/2015-06-15-surprise-fallout-shelter-ios-game-out-tonight. İstifadə tarixi: 27 mart 2018.
  3. 3,0 3,1 Dotson, Karter (15 iyun 2015). "'Fallout: Shelter' Hands-on impressions: Tiny Vault". Touch Arcade. http://toucharcade.com/2015/06/15/fallout-shelter-hands-on-impressions-tiny-vault/. İstifadə tarixi: 27 mart 2018.
  4. Köniq, Andrea. "Fallout Shelter: Room & Building Guide" (en). GameSkinny. Arxivləşdirilib: [1] saytından 27 aprel 2017 tarixində. https://web.archive.org/web/*/https://www.gameskinny.com/vaadp/fallout-shelter-room-building-guide. İstifadə tarixi: 2018-04-05.
  5. 5,0 5,1 "IGN" heyəti (18 yun 2015). "Rooms" (en). IGN. Arxivləşdirilib: [2] saytından 1 oktyabr 2017 tarixində. https://web.archive.org/web/20171001230851/http://www.ign.com/wikis/fallout-shelter/Rooms. İstifadə tarixi: 2018-04-05.
  6. Messi, Reymond (8 fevral 2017). "Game Discussion: Fallout Shelter Forum" (en). trueachievements.com. https://www.trueachievements.com/forum/viewthread.aspx?tid=885916. İstifadə tarixi: 2018-04-05.
  7. Koziara, Endru (18 iyun 2015). "'Fallout Shelter' Guide – Strategies, Tips and Tricks for the Industrious Post-Apocalypse Vault Overseer". Touch Arcade. http://toucharcade.com/2015/06/18/fallout-shelter-guide-tips-tricks-cheats/. İstifadə tarixi: 27 mart 2018. "Vice Versa, people in training rooms only increase stats, and don't level up."
  8. Karmali, Lyuk (14 iyun 2015). "E3 2015: Fallout mobile game Fallout Shelter available now". IGN. j2 Global. http://www.ign.com/articles/2015/06/15/e3-2015-fallout-mobile-game-fallout-shelter-available-now. İstifadə tarixi: 28 mart 2018.
  9. Duell, Ron (14 iyun 2015). "Fallout Shelter lets you create your own fallout vault, available tonight". TechnoBuffalo. http://www.technobuffalo.com/2015/06/14/fallout-shelter-lets-you-create-your-own-fallout-vault-available-tonight/. İstifadə tarixi: 28 mart 2018.
  10. "IGN" heyəti (25 iyun 2015). "Legendary Dwellers" (en). IGN. Arxivləşdirilib: [3] saytından 5 oktyabr 2018 tarixində. https://web.archive.org/web/20171005162813/http://www.ign.com/wikis/fallout-shelter/Legendary_Dwellers. İstifadə tarixi: 2018-04-05.
  11. Mek Elroy, Castin (5 iyun 2009). "Bethesda has designed iPhone versions of Fallout 3". Engadget. AOL. https://www.engadget.com/2009/06/05/bethesda-has-designed-iphone-versions-of-fallout-3/. İstifadə tarixi: 2 aprel 2018.
  12. Kresent, Brayn (5 noyabr 2009). "Carmack on iPhone Fallout, Quake Live and Elves and Orcs". Kotaku. Gawker Media. http://kotaku.com/5397350/carmack-on-iphone-fallout-quake-live-and-elves-and-orcs. İstifadə tarixi: 2 aprel 2018.
  13. Takahaşi, Din (17 iyul 2015). "The DeanBeat: Fallout Shelter is a rare free-to-play mobile gaming hit". GamesBeat. VentureBeat. https://venturebeat.com/2015/07/17/the-deanbeat-fallout-shelter-is-a-rare-free-to-play-hardcore-mobile-gaming-hit/. İstifadə tarixi: 2 aprel 2018.
  14. Deyl, Laura Keyt (6 iyul 2015). "Unity – does indie gaming's biggest engine have an image problem?". The Guardian. Scott Trust Limited. https://www.theguardian.com/technology/2015/jul/06/unity-indie-gamings-biggest-engine-john-riccitiello. İstifadə tarixi: 2 aprel 2018.
  15. "Fallout Shelter now available on Android". GameSpot. CBS Corporation. 13 avqust 2015. http://www.gamespot.com/articles/fallout-shelter-available-now-on-android/1100-6429720/. İstifadə tarixi: 2 aprel 2018.
  16. Plunkett, Lyuk (14 iyun 2015). "Fallout Shelter announced, out tonight". Kotaku. Gawker Media. http://kotaku.com/fallout-shelter-announced-out-tonight-1711317184. İstifadə tarixi: 15 iyun 2015.
  17. Starr, Mişel (14 iyun 2015). "Surprise! Fallout mobile game arrives for iOS". CNET. CBS Corporation. http://www.cnet.com/news/surprise-fallout-mobile-game-arrives-for-ios/. İstifadə tarixi: 2 aprel 2018.
  18. Pereyra, Kris (30 iyun 2015). "First Fallout 4 Character Comes to Fallout Shelter Today". GameSpot. CBS Corporation. http://www.gamespot.com/articles/first-fallout-4-character-comes-to-fallout-shelter/1100-6428546/. İstifadə tarixi: 1 aprel 2018.
  19. O'Brayn, Luci (30 iyun 2015). "Fallout Shelter adds its first Fallout 4 character". IGN. j2 Global. http://www.ign.com/articles/2015/07/01/fallout-shelter-adds-its-first-fallout-4-character. İstifadə tarixi: 1 aprel 2018.
  20. Sirani, Cordan (10 iyul 2015). "First Fallout Shelter Update Adds Photo Mode". IGN. j2 Global. http://www.ign.com/articles/2015/07/10/first-fallout-shelter-update-adds-photo-mode. İstifadə tarixi: 1 aprel 2018.
  21. Qrant, Kristofer (13 avqust 2018). "Fallout Shelter is now available for Android, update available for iOS". Polygon. Vox Media. http://www.polygon.com/2015/8/13/9147619/fallout-shelter-android. İstifadə tarixi: 1 aprel 2018.
  22. Quruin, Qeyb (13 avqust 2015). "Fallout Shelter gets a huge update, hits Android". Digital Trends. http://www.digitaltrends.com/gaming/fallout-shelter-hits-android/. İstifadə tarixi: 1 aprel 2018.
  23. Xuri, Albert (19 oktyabr 2015). "Fallout Shelter Update 1.2 Includes Piper from Fallout 4 – Digital Trends". Digital Trends. http://www.digitaltrends.com/gaming/fallout-shelter-update-introduces-good-and-bad/.
  24. Lazarid, Tazos (15 avqust 2015). "'Fallout Shelter' Gets Updated to 1.2, Introduces a 'Fallout 4' Character, But Not All is Well". TouchArcade. http://toucharcade.com/2015/10/15/fallout-shelter-gets-updated-to-1-2-introduces-a-fallout-4-character-but-not-all-is-well/.
  25. Uilyams, Keyti (15 oktyabr 2015). "New Fallout Shelter Update Adds Survival Mode, Cloud Saves, and More". IGN. http://www.ign.com/articles/2015/10/15/new-fallout-shelter-update-adds-survival-mode-cloud-saves-and-more.
  26. Harbison, Kemi (27 oktyabr 2015). "Fallout Shelter 1.2.1 Halloween Update Removes Explorer Cap, Adds Costumes, Decorations And Other Spooky Finds". iDigitalTimes.com. Arxivləşdirilib: [4] saytından 1 aprel 2018 tarixində. https://web.archive.org/web/20151117032508/http://www.idigitaltimes.com/fallout-shelter-121-halloween-update-removes-explorer-cap-adds-costumes-decorations-486073.
  27. Makuç, Edi (22 noyabr 2015). "Fallout Shelter Gets Thanksgiving Update, See the New Content Here". GameSpot. CBS Corporation. http://www.gamespot.com/articles/fallout-shelter-gets-thanksgiving-update-see-the-n/1100-6432515/. İstifadə tarixi: 2 aprel 2018.
  28. Frank, Alleqra (23 noyabr 2015). "Fallout Shelter asks dwellers to give thanks in latest holiday update". Polygon. Vox Media. http://www.polygon.com/2015/11/23/9784830/fallout-shelter-thanksgiving-update. İstifadə tarixi: 2 aprel 2018.
  29. Harbison, Kemmi (10 dekabr 2015). "New Fallout Shelter Update: Get Pets, Evict Slackers, Meet New Objectives And More In Bethesda’s Latest iOS And Android Game Update". iDigitalTimes. IBT Media. http://www.idigitaltimes.com/new-fallout-shelter-update-get-pets-evict-slackers-meet-new-objectives-and-more-496891. İstifadə tarixi: 2 aprel 2018.
  30. Porter, Mett (10 dekabr, 2015). "Fallout Shelter Update Adds New Features". IGN. j2 Global. http://www.ign.com/articles/2015/12/10/fallout-shelter-update-adds-new-features. İstifadə tarixi: 2 aprel 2018.
  31. Bat, Aditya (1 mart 2016). "'Fallout Shelter' update 1.4: 'Biggest update' released; adds crafting, new rooms, pets". International Business Times. IBT Media. http://www.ibtimes.co.in/fallout-shelter-update-1-4-biggest-update-released-adds-crafting-new-rooms-pets-668835. İstifadə tarixi: 3 aprel 2018.
  32. Paget, Met (21 aprel 2016). "Fallout Shelter Update Adds New Customization Options, 3D Touch". GameSpot. CBS Corporation. http://www.gamespot.com/articles/fallout-shelter-update-adds-new-customization-opti/1100-6439065/. İstifadə tarixi: 3 aprel 2018.
  33. Makuç, Edi (14 iyul 2016). "Fallout Shelter's Huge Update Out Now, Here's What It Adds". GameSpot. CBS Corporation. http://www.gamespot.com/articles/fallout-shelters-huge-update-out-now-heres-what-it/1100-6441807/. İstifadə tarixi: 3 aprel 2018.
  34. Sançez, Miranda (12 iyun 2016). "E3 2016: FALLOUT SHELTER COMING TO PC". IGN. j2 Global. http://www.ign.com/articles/2016/06/13/e3-2016-fallout-shelter-coming-to-pc. İstifadə tarixi: 3 aprel 2018.
  35. Famuluro, Cessika (14 iyul 2016). "Fallout Shelter Now Available On PC". Rock, Paper, Shotgun. https://www.rockpapershotgun.com/2016/07/14/fallout-shelter-pc-released/. İstifadə tarixi: 3 aprel 2018.
  36. "E3 2018: Fallout Shelter Comes To Nintendo Switch And PS4 Tonight". 10 iyun 2018. https://www.gamespot.com/g00/articles/e3-2018-fallout-shelter-comes-to-nintendo-switch-a/1100-6459652/?i10c.encReferrer=aHR0cHM6Ly93d3cuZ29vZ2xlLmNvbS8%3D&i10c.ua=4. İstifadə tarixi: 14 iyun 2018.
  37. Makuertor, Maykl (22 iyun 2018). "Bethesda sues Warner Bros, calls its Westworld game ‘blatant rip-off’ of Fallout Shelter". Polygon. Arxivləşdirilib: [5] saytından 24 iyun 2018 tarixində. https://web.archive.org/web/20180624003936/https://www.polygon.com/2018/6/22/17492806/bethesda-lawsuit-warner-bros-westworld-mobile-game-fallout-shelter. İstifadə tarixi: 24 iyun 2018.
  38. (2018) COMPLAINT FOR BREACH OF CONTRACT, INDUCEMENT TO BREACH OF CONTRACT, COPYRIGHT INFRINGEMENT, MISAPPROPRIATION OF TRADE SECRETS, AND UNFAIR COMPETITION (PDF) (en), Rokvil, Merilend: Bethesda Softworks.
  39. "FALLOUT SHELTER iOS" (en). Metacritic. http://www.metacritic.com/game/ios/fallout-shelter. İstifadə tarixi: 2018-04-05.
  40. "FALLOUT SHELTER PC" (en). Metacritic. http://www.metacritic.com/game/pc/fallout-shelter. İstifadə tarixi: 2018-04-05.
  41. 41,0 41,1 41,2 Tek, Daniel (1 iyul 2015). "Fallout Shelter review on Game Informer". Game Informer. GameStop. http://www.gameinformer.com/games/fallout_shelter/b/ios/archive/2015/07/01/easygoing-post-apocalyptic-management.aspx. İstifadə tarixi: 5 aprel 2018.
  42. 42,0 42,1 Hayt, Ceb (1 iyul 2015). "Fallout Shelter review on Game Revolution". Game Revolution. Net Revolution Inc.. http://www.gamerevolution.com/review/fallout-shelter. İstifadə tarixi: 5 aprel 2018.
  43. "Fallout Shelter review on GamesTM". GamesTM. Imagine Publishing. 14 avqust 2015. http://www.gamestm.co.uk/reviews/fallout-shelter-review/. İstifadə tarixi: 5 aprel 2018.
  44. 44,0 44,1 44,2 Deyvis, Castin (26 iyun 2015). "Fallout Shelter review on IGN". IGN. j2 Global. http://www.ign.com/articles/2015/06/26/fallout-shelter-review. İstifadə tarixi: 5 aprel 2018.
  45. 45,0 45,1 45,2 Karter, Kris (15 iyun 2015). "Fallout Shelter review on Destructoid". Destructoid. http://www.destructoid.com/review-fallout-shelter-293960.phtml. İstifadə tarixi: 5 aprel 2018.
  46. Semyuel, Ebenezer (16 iyun 2015). "Fallout Shelter is grounded in fun: video game review". New York Daily News. Daily News, L.P.. http://www.nydailynews.com/entertainment/tv/fallout-shelter-grounded-fun-video-game-review-article-1.2259680. İstifadə tarixi: 13 aprel 2018.
  47. Seyfiya, Çed (16 iyun 2015). "Fallout Shelter review: Bethesda’s survival sim is fun, but doesn’t escape free-to-play mechanics as much as they claim". Financial Post. Postmedia Network. http://business.financialpost.com/fp-tech-desk/post-arcade/fallout-shelter-review-bethesdas-survival-sim-is-fun-but-doesnt-escape-free-to-play-mechanics-as-much-as-they-claim. İstifadə tarixi: 5 aprel 2018.
  48. 48,0 48,1 Faulkner, Ceyson (18 iyun 2015). "Fallout Shelter Review: The Cutest Apocalypse". Gamezebo. http://www.gamezebo.com/2015/06/18/fallout-shelter-review-cutest-apocalypse/. İstifadə tarixi: 5 aprel 2018.
  49. 49,0 49,1 Sleyter, Herri (15 iyun 2015). "Fallout Shelter – Probably not the one you wanted". Pocket Gamer. Steel Media. http://www.pocketgamer.co.uk/r/iPad/Fallout+Shelter/review.asp?c=65891. İstifadə tarixi: 5 aprel 2018.
  50. Kilhem, İvan (15 iyun 2015). "Fallout Shelter makes living in a postapocalyptic bunker adorable and totally free". GamesBeat. VentureBeat. https://venturebeat.com/2015/06/15/fallout-shelter-makes-living-in-a-postapocalyptic-bunker-adorable-and-totally-free/. İstifadə tarixi: 5 aprel 2018.
  51. 51,0 51,1 Filds, Sara. "'Fallout Shelter' is Beating 'Candy Crush Saga' in Profits & iOS App Store Rank". Game Rant, LLC. http://gamerant.com/fallout-shelter-beat-candy-crush-saga-app/. İstifadə tarixi: 10 aprel 2018.
  52. Uayt, Uilyam (26 iyun 2015). "Fallout Shelter: The New Most Popular Game in App Store". InvestorPlace Media, LLC. http://investorplace.com/2015/06/fallout-shelter-app-store/. İstifadə tarixi: 10 aprel 2018.
  53. Makuç, Edi (12 iyun 2016). "Fallout Shelter Reaches 50 Million Players". GameSpot. CBS Corporation. http://www.gamespot.com/articles/fallout-shelter-reaches-50-million-players/1100-6440745/. İstifadə tarixi: 10 aprel 2018.
  54. Devidson, Con (18 fevral 2017). "Bethesda's Todd Howard Hints at 3 New Games". Glixel. http://www.glixel.com/news/bethesdas-todd-howard-hints-at-3-new-games-w467778. İstifadə tarixi: 10 aprel 2018.
  55. Prell, Sem (16 iyul 2015). "Fallout Shelter rakes in $5.1 mil in two weeks – that's a lot of bottlecaps". Future US. http://www.gamesradar.com/fallout-shelter-sales-51-million-two-weeks/. İstifadə tarixi: 8 aprel 2018.
  56. Leon Harli (30 oktyabr 2015). "The Golden Joystick Awards: all the winners this year". Future plc. http://www.gamesradar.com/golden-joysticks-all-winners-year/. İstifadə tarixi: 8 aprel 2018.
  57. "Nominees | The Game Awards 2015". Ola Balola. 12 noyabr 2015. Arxivləşdirilib: [6] saytından 14 noyabr 2015 tarixində. https://web.archive.org/web/20151114024126/http://thegameawards.com/nominees/. İstifadə tarixi: 8 aprel 2018.
  58. "The 2016 DICE Award Winners [UPDATED"]. CBS Corporation. 19 fevral 2016. http://www.gamespot.com/articles/the-2016-dice-award-winners-updated/1100-6434830/. İstifadə tarixi: 8 aprel 2018.

Xarici keçidlər[redaktə | əsas redaktə]