Fikrət Əfəndiyev
| Fikrət Əfəndiyev | |
|---|---|
| Əfəndiyev Fikrət Şərif oğlu | |
 | |
| Şəxsi məlumatlar | |
| Doğum tarixi | |
| Doğum yeri | Bərdə |
| Vəfat tarixi | (72 yaşında) |
| Vəfat yeri | Bakı |
Əfəndiyev Fikrət Şərif oğlu
Həyatı[redaktə | mənbəni redaktə et]
1926-cı il may ayının 5-də Azərbaycan Respublikası Bərdə rayonunun Lənbəran kəndində müəllim ailəsində anadan olmuşdur. Fikrət Əfəndiyev əmək fəaliyyətinə 1943-cü ildə başlamışdır. O, doğma kəndində klub müdiri, rabitə şöbəsinin müdiri və yerli məktəbdə müəllim işləmişdir. Fikrət Əfəndiyev 1947-ci ildə S.M.Kirov adına Azərbaycan Dövlət Universitetinin tarix fakültəsinə daxil olmuşdur. Burada oxuyarkən o, ictimai işlərdə fəal iştirak etmişdir.
Əfəndiyev Fikrət Şərif oğlu 1998-ci il noyabr ayının 10-da Bakı şəhərində vəfat etmişdir.[1]
Siyasi fəaliyyəti[redaktə | mənbəni redaktə et]
1952-ci ildə universiteti bitirdikdən sonra Fikrət Əfəndiyevi partiya işinə irəli çəkmişlər. O, Bakı Vilayət Partiya Komitəsi təşviqat bölməsinin təlimatçısı, Azərbaycan KP MK təbliğat və təşviqat şöbəsinin təlimatçısı, Azərbaycan KP Balakən Rayon Komitəsinin ikinci katibi olmuşdur.
1957-ci ildə onu Balakən Rayon İcraiyyə Komitəsinin sədri seçmişlər. 1958-1962-ci illərdə Fikrət Əfəndiyev Oğuz Rayon Partiya Komitəsinin birinci katibi, 1962-ci ildən isə Nuxa Kolxoz-Sovxoz Ərazi-İstehsalat İdarəsində Azərbaycan KP MK-nın partiya təşkilatçısı, Ağdaş İstehsalat İdarəsi partiya komitəsinin katibi olmuşdur.
Fikrət Əfəndiyev 1965-ci ildən Ağdaş Rayon Partiya Komitəsnin birinci katibi vəzifəsində işləmişdir. 1967-ci ildə o, Zərdab Rayon Partiya Komitəsnin birinci katibi seçilmişdir. 1980-ci ildən isə Fikrət Əfəndiyev Qasım-İsmayılov Rayon Partiya Komitəsnin birinci katibi seçilmişdir.
1981-ci ildə Azərbaycan Respublikası Kənd Təsərrüfatı Nazirliyində kadrlar şöbəsinin rəisi vəzifəsində çalışmışdır. 1990-cı ildən ömrünün sonuna kimi Azərbaycan Respublikası Maddi Mədəniyyət Abidələrinin Mühafizə Cəmiyyətinin sədr müavini vəzifəsində çalışmışdır.
Beş çağırış Azərbaycan SSR Ali Sovetinin deputatı seçilmişdir.
Fikrət Əfəndiyev bir sıra orden, medal və fəxri fərmanlarla təltif edilmişdir.
İstinadlar[redaktə | mənbəni redaktə et]
- 5 mayda doğulanlar
- 1926-cı ildə doğulanlar
- 72 yaşında vəfat edənlər
- 10 noyabrda vəfat edənlər
- 1998-ci ildə vəfat edənlər
- Əlifba sırasına görə dövlət xadimləri
- Bərdədə doğulanlar
- Vartaşen Rayon Partiya Komitəsinin birinci katibləri
- Ağdaş Rayon Partiya Komitəsinin birinci katibləri
- Qasım İsmayılov Rayon Partiya Komitəsinin birinci katibləri
- Azərbaycan SSR Ali Sovetinin deputatları
- Azərbaycan SSR Ali Sovetinin IX çağırış deputatları
- Balakən Rayon Partiya Komitəsinin ikinci katibləri
- Balakən Rayon Xalq Deputatları Soveti İcraiyyə Komitəsinin sədrləri
- Zərdab Rayon Partiya Komitəsinin birinci katibləri