Moxave (səhra)

Vikipediya, açıq ensiklopediya
Keçid et: naviqasiya, axtar

Moxave
isp. Mojave
Mojave Pinnacles.jpg
35°0.5′N 115°28.5′W / 35.0083°N 115.4750°W / 35.0083; -115.4750Koordinatlar: 35°0.5′N 115°28.5′W / 35.0083°N 115.4750°W / 35.0083; -115.4750
Ölkə Flag of the United States.svg ABŞ
Regionlar Kaliforniya, Yuta, Nevada, Arizona
Sahəsi 35.000 km²
Yanvarda orta t. 0  °C
İyulda orta t. 50  °C
İllik yağıntı 150  mm
Waterbody.svg
Moxave
Moxave (səhra) (ABŞ)
Moxave (səhra)
Mojave Desert map.svg
Commons-logo.svg Moxave Commonsda

Moxave (isp. Mojave yerli Moxave tayfasının adı ilə) — Amerika Birləşmiş Ştatlarının cənub-qərbində səhra. Cənubi Kaliforniyanın böyük hissəsini tutur. Yuta ştatının cənub-qərbində, Nevada ştatının cənubunda və Arizona ştatının şimal-qərbində yerləşir.

Səhranın sahəsi 35 000 km²-dən yuxarıdır. Səhra şimal-şərqdə Texaçapi dağ massivi ilə (ing. Tehachapi Mountains), cənubda isə San-Qabriyela və San-Bernardino dağ silsilələri ilə məhdudlaşmışdır. Dağların sərhədləri kifayət qədər aydın seçilir, çünki bu dağlar iki böyük geoloji sınma ilə ayırılmışdır: San-Andreas və Qarlok. Böyük Hövzənin axını olmayan sahəsi səhranın şimalıboyu, cənubda daha isti Sonora səhrası istiqamətində uzanır. Əsas bitkisi ağacaoxşar Yucca brevifolia palmasıdır. Səhrada 1 750 bitkinin 2 000-ə qədər müxtəlif növlərinə rast gəlmək olar.

İqlimi[redaktə | əsas redaktə]

Səhranın şərq hissəsi.

Səhradakı ilboyu çöküntülərin miqdarı 150 mm-dən az, ancaq dağlarda — 1 000- 2 000 mm-ə qədər təşkil edir. Səhranın ərazisində Moxave milli qoruğu və Coşua-Tri milli parkı yerləşdirmişdir. Həmçinin Şimali Amerikanın ən aşağı və ən isti yeri — Ölüm dərəsi milli parkı yerləşir, hansı ki, burada iyul-avqust ayında temperatur +50 °C-ə qalxır. Səhranın, Böyük Hövzə, Kolorado platosu və Yuta ştatının sərhədində Zayon milli parkı yerləşir. Quraqlıq iqlimə baxmayaraq, səhrada (xüsusi halda, cənub-qərbdə Antilop vadisi) uzun müddət qrunt sularının və Kaliforniya su kəmərinin köməyi ilə suvarılan torpaqlarda medicago bitkisi əkilir.

Yayda Moxave səhrasının vadilərində temperatur 49 °C və düzən ərazilərdə 54 °C-ə qədər qalxır. Səhra dağlarında qışda qar yağır. Qarlar bəzən avtomagistralların bağlanmasına səbəb olur. Qış ayının orta temperaturu — 0 °C-ə çatır.

İqlimə təsir edən amillərdən biri də küləkdir. Əgər səhranın şərqində yerləşmiş Las-Veqas şəhərində küləkli hava nisbətən az olursa, onda qərbdə küləkli hava hər gün müşahidə edilir və küləyin gücü 80 km/saat-dan çox olur. Texaçapi aşırımı ərazisində elektrik istehsal edən yel turbinləri qurulmuşdur.