Namiq Məmmədov (ictimai xadim)

Vikipediya, açıq ensiklopediya
Jump to navigation Jump to search
Picto infobox character.png
Namiq Məmmədov
azərb. Məmmədov Namiq Məsim oğlu
Namiq Məmmədov (2010)
Namiq Məmmədov (2010)

Doğum tarixi
1 fevral 1976 (1976-02-01) (42 yaş)
Doğum yeri Arçut, Quqark rayonu,
Pəmbək mahalı,
Qərbi Azərbaycan
AtasıMəsim
VətəndaşlıqFlag of the Soviet Union.svg SSRİ
Flag of Azerbaijan.svg Azərbaycan
PeşəsiAlim
MilliyyətiAzərbaycanlı
İxtisasıHüquq
TəhsiliAzərbaycan Dövlət İqtisad Universiteti,
Bakı Dövlət Universiteti,
Moskva Dövlət Hüquq Universiteti
Fəaliyyətiİctimai xadim,
Biznesmen,
Mesenat
Fəaliyyət illəri1992 – indi
Mükafatları"Tərəqqi" medalı
VikiAnbarda Commons-logo.svg əlaqəli mediafayllar

Namiq Məmmədov (Məmmədov Namiq Məsim oğlu; d. 1 fevral 1976. Arçut, Quqark rayonu, Pəmbək mahalı, Qərbi Azərbaycan) — Azərbaycanlı iş adamı, mesenat, ictimai xadim. "Caspel" MMC şirkətinin idarə heyətinin sədri. Yeni Azərbaycan Partiyasının üzvü (2004), İctimai Televiziya və Radio Yayımları Şurasının üzvü (2009), "Tərəqqi" medalı laureatı (2014).

Həyatı[redaktə | əsas redaktə]

Namiq Məmmədov 1 fevral 1976-cı ildə Ermənistan SSR–in Quqark rayonunun Arçut kəndində (tarixi Qərbi Azərbaycanın Pəmbək mahalı) müəllim ailəsində anadan olmuşdur.[1]

Azərbaycanlıların Ermənistandan deportasiyası nəticəsində 1988-ci ildə doğulduğu kənddən ailəsi ilə birlikdə Bakı şəhərinə köçmüşdür.[2]

Təhsili[redaktə | əsas redaktə]

Namiq Məmmədov 19831988-ci illərdə M.F.Axundov adına Arçut kənd orta məktəbində, 19881992-ci illərdə Bakı şəhəri 115 nömrəli tam orta məktəbdə oxumuş, 19921993-cü illərdə isə Bakı şəhərindəki 43 saylı Gənc İstedadlar Liseyində məktəb təhsilini başa vurmuşdur.

1993-cü ildə Xəzər Universitetinin "İqtisadiyyat və İdarəetmə" fakültəsinə daxil olmuş, sonradan köçürmə yolu ilə ali təhsilini Azərbaycan Dövlət İqtisad Universitetində "Mühəndis İqtisadiyyatı və İdarə olunması" fakültəsində davam etdirmiş, 2003-cü ildə ali təhsilini bitirmişdir.

2004-2008-ci illərdə Bakı Dövlət Universitetinin hüquq fakültəsində təhsilinə davam etmiş, oranı hüquqşünas ixtisası üzrə bitirmişdir. Daha sonra O.Y.Kutafin adına Moskva Dövlət Hüquq Universitetində (MDHU) hüquq təhsili almışdır.

Hal-hazırda hüquq üzrə fəlsəfə doktoru (Phd) səviyyəsində təhsilini davam etdirir. 4 elmi məqaləsi nəşr edilmişdir.

"Rusiya Federasiyasında və Azərbaycan Respublikasında elektron hökumətin fəaliyyətinin məlumat-hüquqi təminatı (müqayisəvi-hüquqi araşdırma)" mövzusunda elmi dissertasiya üzərində işləyir.

Azərbaycan, rus, türkingilis dillərində sərbəst danışır.

Əmək fəaliyyəti[redaktə | əsas redaktə]

  • 1992-ci ildə “Marko Computer Technologies” şirkətində elektron hesablama maşınlarının (EVM) nizamlayıcısısı.[3]
  • 1999-cu il həqiqi hərbi xidmətdən sonra “Caspian American Telecom” birgə müəssisəsində satış üzrə menecer.
  • 2000-ci il “Caspian American Telecom” satış və marketinq departamentinin müdiri.
  • 2001-2002-ci illərdə “R.I.S.K.” elm-istehsalat şirkətində satış üzrə məsul menecer.
  • 2002-2005-ci illərdə “Caspian Eleсtronics” şirkətində baş menecer.
  • 2005-ci ildə “Caspel” MMC şirkətində baş direktor.
  • 2008-ci ildən hal-hazıra kimi isə beynəlxalq holdinq olan “Caspel” MMC şirkətində İdarə Heyətinin sədri.[3]

Nailiyyətlər[redaktə | əsas redaktə]

İlham Əliyev Minskdə Azərbaycan Ticarət Evində (ən sağda Namiq Məmmədov) (19 noyabr 2018)

Namiq Məmmədovun rəhbərliyi altında bir sıra mühüm layihələr həyata keçirilmişdir. O cümlədən:

  • Proqram təminatı xətləri hazırlanıb tətbiq edilmişdir. Bu, biznes-proseslərin avtomatlaşdırılması, rəqabətli üstünlüklərin yaradılması və müəssisələrin idarəedilməsinin effektivliyinin əhəmiyyətli dərəcədə artırılması yollarının əldə edilməsinə imkan vermişdir.
  • “Caspel APP” (“CLAPP”) proqram xətti Azərbaycanın bir çox kommersiya, maliyyə müəssisə və təşkilatlarında və dövlət qurumlarında müvəffəqiyyətlə tətbiq edilmişdir.
  • Azərbaycanın bir neçə şəhəri arasında fibro-optik kommunikasiya xətləri çəkilmişdir. Ümumilikdə bu, Azərbaycanda kommunikasiya sisteminin keyfiyyətinin artırılmasına imkan vermişdir.
  • Həyata keçirilmiş layihələrdən biri də respublikada fəlakətə-davamlı ehtiyat sistemlərinin yaradılmasıdır. Azərbaycanın müxtəlif seysmik aktiv zonalarında quraşdırılmış bu sistem, həm əməliyyat sistemi kimi, həm də məlumatların qorunub saxlanması sistemi kimi fəaliyyət göstərir ki, bu da dövlət maliyyə və kommersiya institutlarının fasiləsiz işləməsinə imkan verir.
  • Yaradıcı mühəndis qrupu tərəfindən Azərbaycan Respublikası Vergilər Nazirliyi üçün “Vahid pəncərə” sistemi işlənib hazırlanmışdır. Bu sistem artıq bir neçə ildir ki, uğurla fəaliyyət göstərməkdədir. Azərbaycanın minlərlə sahibkar və iş adamı tətbiq edilmiş sistemin üstünlüklərini qiymətləndirməyə imkan qazanmışdır.[3]
  • Su hövzələrində və çaylarda suyun səviyyəsini avtomatik qaydada nizamlayan unikal sistemlər tətbiq edildi. Bu zaman şlüz qapılarının yuxarı qaldırılma və aşağı salınmasını nizamlayan yeni həllər işləndi, müasir mühərriklərin quraşdırılması və diaqnostikası həyata keçirildi. Köhnə güc kabellərinin yeniləri ilə əvəz edilməsinin və güc kontaktorları üçün hermetik şkafların qoyulması nəticəsində su bəndinin əməkdaşlarının şlüz qapılarında və dispetçer otağında elektrik cərəyanı ilə vurulmaları ehtimalı azaldı. Bütün bunlar keyfiyyətin və təhlükəsizlik texnikasının beynəlxalq standartlarına müvafiq halda yerinə yetirildi. Bununla da daşqınların qarşısının alınmasında əhəmiyyətli nailiyyətlər əldə edilmiş oldu.
  • “Oğuz-Qəbələ-Bakı” su borusu xəttinin çəkilişi zamanı su kəməri sisteminin əsas borusunun tam avtomatlaşdırılması həyata keçirildi, su sərfiyyatını ölçən, səviyyəölçənlər və həmçinin təzyiq və temperatur ötürücüləri sistemi quraşdırıldı. Həmçinin, su kəmərinin bütün uzunluğu boyunca optik-lifli kabel sistemi çəkildi, sistemin mərkəzləşdirilmiş qaydada idarə edilməsi üçün SCADA nəzarət sistemi quruldu. Bütün bu layihə Azərbaycan Prezidenti İlham Əliyevə uğurla təqdim edildi.
  • Namiq Məmmədov ilk rəqəmsal bank olan Zamzam bankın müşavirlərindən biridir. N. Məmmədov Zamzam bankda strateji tərəfdaşlığın inkişafına cavabdeh olan məsul şəxsdir, hansı ki, vergi mərkəzinin tətbiqi bura daxildir. Həmçinin, Məmmədov bankın davamlı artım və inkişafında və Azərbaycan bazarında genişlənməsində dəstəyi, müxtəlif şirkətlərin prezidentləri ilə əlaqələrin qurulması, önəmli qərarların qəbul edilməsində xüsusi iştirakı ilə layihənin inkişafına əvəzolunmaz töhfə vermiş və verəcəkdir.[3][4]

İctimai fəaliyyəti[redaktə | əsas redaktə]

Namiq Məmmədov 2004-cü ilin yanvar ayından Yeni Azərbaycan Partiyasının üzvüdür.

2009-cu ilin aprel ayından isə Azərbaycan Respublikası Milli Məclisinin Qərarına əsasən, İctimai Televiziya və Radio Yayımları Şirkəti Yayım Şurasının üzvü seçilmişdir.[5][6][7][8][9][10]

Mükafatları[redaktə | əsas redaktə]

6 fevral 2014-cü ildə Azərbaycan Respublikası Prezidentinin fərmanı ilə "Tərəqqi" medalı ilə təltif edilmişdir.[11][12][13][14][15]

Ailə vəziyyəti[redaktə | əsas redaktə]

Namiq Məmmədov ailəlidir, 2 övladı var.

Elmi əsərləri[redaktə | əsas redaktə]

  1. Мамедов Н.М., «Развитие информационного законодательства Азербайджанской Республики». Информационное право: Актуальные проблемы теории и практики. Сборник докладов научно-практической конференции. Москва, МГЮА. 3 апреля 2015 г. Стр. 60-62.
  2. Мамедов Н.М., «Об открытости деятельности государственных органов». Информационное право: Актуальные проблемы теории и практики. Сборник докладов Международной научно-практической конференции. Москва, МГЮА. 7 апреля 2016 г. Стр. 68-72.
  3. Мамедов Н.М., «Развитие електронного правительства в Азербайджанской Республике». Стратегия национального развития и задачи юридической науки. Сборник докладов. Москва, МГЮА. 2016 г. Стр. 56-58.

İstinadlar[redaktə | əsas redaktə]

  1. Məmmədov, Əflatun (2015). Eminlər tayfasının şəcərəsi (az). Bakı: "Caşıoğlu".
  2. Məmmədov, Əflatun (2014). Məsim müəllimin şərəfli ömür yolu (az). Bakı: "Caşıoğlu".
  3. 3,0 3,1 3,2 3,3 SanZoldyck (2018-09-30). "Namig Mamedov — New technical advisor to Zamzam"(ing.)). golos.io. Arxivləşdirilib: [1] saytından 2018-12-03 tarixində. https://archive.is/GliaC. İstifadə tarixi: 2018-12-03.
  4. "Advisors"(ing.)). zam.io. Arxivləşdirilib: [2] saytından 2018-12-06 tarixində. https://web.archive.org/web/20181206141725/https://zam.io/en/team. İstifadə tarixi: 2018-12-06.
  5. "14 aprel 2009-cu il tarixli 788-IIIQR nömrəli Azərbaycan Respublikasının Milli Məclisinin Qərarı ilə Aşağıdakı şəxslər 6 il müddətinə İctimai Televiziya və Radio Yayımları Şirkəti Yayım Şurasının üzvləri seçilsinlər"(azərb.)). meclis.gov.az. 2009-04-15. Arxivləşdirilib: [3] saytından 2018-10-01 tarixində. https://web.archive.org/web/20181001223849/http://www.meclis.gov.az/?/az/stenoqram/170. İstifadə tarixi: 2018-11-13.
  6. "İctimai Televiziya və Radio Yayımları Şirkəti Yayım Şurası üzvlərinin seçilməsi haqqında Azərbaycan Respublikası Milli Məclisinin 15 mart 2005-ci il tarixli, 866-IIQR nömrəli qərarı"(azərb.)). e-qanun.az. 2005-03-15. Arxivləşdirilib: [4] saytından 2017-05-24 tarixində. https://web.archive.org/web/20170524105148/http://www.e-qanun.az/framework/14678. İstifadə tarixi: 2017-05-24.
  7. Murtuz Ələsgərov (2018-04-25). "İctimai Televiziya və Radio Yayımları Şirkəti Yayım Şurası üzvlərinin seçilməsi haqqında 15 mart 2005-ci il tarixli Qərar"(azərb.)). ntrc.gov.az. Arxivləşdirilib: [5] saytından 2018-11-13 tarixində. https://web.archive.org/web/20180425081951/http://www.ntrc.gov.az/az/content/news/239.html. İstifadə tarixi: 2018-11-27.
  8. Oqtay Əsədov (2009-04-14). "İCTİMAİ TELEVİZİYA VƏ RADİO YAYIMLARI ŞİRKƏTİ YAYIM ŞURASININ TƏRKİBİNDƏ DƏYİŞİKLİKLƏR EDİLMƏSİ HAQQINDA AZƏRBAYCAN RESPUBLİKASI MİLLİ MƏCLİSİNİN QƏRARI"(azərb.)). azertag.az. https://azertag.az/xeber/ICTIMAI_TELEVIZIYA_VA_RADIO_YAYIMLARI_SIRKATI_YAYIM_SURASININ_TARKIBINDA_DAYISIKLIKLAR_EDILMASI_HAQQINDA_AZARBAYCAN_RESPUBLIKASI_MILLI_MACLISININ_QARARI-438302. İstifadə tarixi: 2018-11-28.
  9. “Azərbaycan” qəzeti, 15 aprel 2009-cu il, № 79
  10. Azərbaycan Respublikası Milli Məclisin Məlumatı 2 fevral-14 aprel 2009-cu il, №1
  11. İlham Əliyev (2014-02-06). "Azərbaycan Respublikasında informasiya-kommunikasiya və kosmik sənaye sahələrində çalışan şəxslərin təltif edilməsi haqqında Azərbaycan Respublikası Prezidentinin Sərəncamı" (az). president.az. Arxivləşdirilib: [6] saytından 2017-05-19 tarixində. https://web.archive.org/web/20170519115736/http://president.az/articles/10963. İstifadə tarixi: 2017-05-19.
  12. İlham Əliyev (2014-02-06). "Azərbaycan Respublikasında informasiya-kommunikasiya və kosmik sənaye sahələrində çalışan şəxslərin təltif edilməsi haqqında Azərbaycan Respublikası Prezidentinin Sərəncamı". Azərbaycan. Arxivləşdirilib: [7] saytından 2018-11-27 tarixində. https://archive.is/5PSJ5. İstifadə tarixi: 2018-11-13.
  13. "Prezident rabitə işçilərini təltif etdi - SİYAHI"(azərb.)). lent.az. 2014-02-06. Arxivləşdirilib: [8] saytından 2018-03-19 tarixində. https://web.archive.org/web/20180319071939/http://news.lent.az:80/news/154758. İstifadə tarixi: 2018-11-13.
  14. İlham Əliyev (2014-02-06). "Prezident İlham Əliyev 26 nəfərə "Tərəqqi" medalı verib (SİYAHI)"(azərb.)). xeberservis.az. Arxivləşdirilib: [9] saytından 2016-04-02 tarixində. https://archive.is/V1LkA. İstifadə tarixi: 2018-11-13.
  15. İlham Əliyev (2014-02-06). "Prezident rabitəçilərlə bağlı sərəncam verdi"(azərb.)). mia.az. Arxivləşdirilib: [10] saytından 2018-11-13 tarixində. https://archive.is/B8CCu. İstifadə tarixi: 2018-11-27.

Həmçinin bax[redaktə | əsas redaktə]

Vikianbarda Namiq Məmmədov (ictimai xadim) ilə əlaqəli mediafayllar var.

Xarici keçidlər[redaktə | əsas redaktə]