Qaranlıq mələyi (film, 1990)
| Qaranlıq mələyi | |
|---|---|
| ing. Dark Angel | |
.jpg) "Qaranlıq mələyi" filminin afişası | |
| Janr |
Elmi fantastika Döyüş filmi |
| Əsas mövzu | yerdən kənar həyat[d] |
| Rejissor | Kreyq R. Beksli |
| Prodüserlər |
Ceff Yanq Mark Deymon Rafael Ayzenman |
| Ssenari müəllifləri |
Conatan Taydor Leonard Maas kiçik Con Kemps |
| Baş rollarda |
Dolf Lundqren Mattias Hyuz Brayan Benben Betsi Brentli Cey Bilas Cim Heyni Devid Ekkroyd |
| Operator | Mark İrvin |
| Bəstəkar | Yan Hammer |
| Rəssamlar |
Filipp Leonard Cozef A. Porro |
| Montajçı | Mark Helfriç |
| İstehsalçı | Vision International |
| İlk baxış tarixi |
 28 sentyabr 1990 |
| Filmin növü | Bədii film |
| Müddət | 91 dəqiqə |
| Büdcə | $5-7 milyon[1][2] |
| Gəlir | $4,348,368 milyon (ABŞ)[3] |
| Ölkələr |
ABŞ |
| Dil | İngilis dili |
| İl | 1990 |
| Rəng | Rəngli |
| Çəkiliş yeri | Texas, Hyuston |
| IMDb | ID0099817 |
Qaranlıq mələyi (ing. Dark Angel)[4] — 1990-cı ildə ABŞ-də çəkilən fantastik filmlərdən biridir.[5] Bu adda əvvəl çəkilən (1925 və 1935) filmlərdən fərqləndirmək üçün filmə "Mən sülhlə gəlmişəm" (ing. I Come İn Peace) adı verilmişdir.[6][7] Lakin bu film "Qaranlıq mələyi" (ing. Dark Angel) və "Qara mələk" (ing. Black Angel) adları ilə də tanınır.[8] Filmin distribütori Triumph Films kinokompaniyasıdır.[9][10]
Film Texas ştatının Hyuston şəhərində çəkilmişdir. Filmin rejissoru Kreyq R. Bekslidir. Filmdə Dolf Lundqren, Mattias Hyuz, Brayan Benben, Betsi Brentli, Cey Bilas və Kevin Peyc kimi aktyorlar iştirak edir. "Qaranlıq mələyi" filmi az büdcəli olduğuna görə B filmləri kateqoriyasına aiddir.[11][12][13]
Filmin əsas şüarı[redaktə | mənbəni redaktə et]
- Mən sülhnən gəlmişəm (ing. I come in peace)
Məzmun[redaktə | mənbəni redaktə et]
Xəbərdarlıq: Yazının davamı əsərin məzmunu haqqında məlumat ehtiva edir.Filmin əvvəli Özgəplanetlinin (Mattias Hyuz) Kosmosdan Yerə gəlməsi ilə başlayır. Artıq Yeni il başlamışdır. Texas ştatının yollarının birində sürücü səhv nəticəsində kiçik qəza edir. Sürücü avtomobildən çıxan zaman avtomobilin üzərinə nə isə gəldiyini görür. Avtomobil partlayır. Bunu görən sürücü yanmış avtomobilə tərəf yaxınlaşır. Birdən alovun içərisindən Uzunboylu, sarı saçlı, ağ gözlü, qara geyimli və qorxunc sifətli bir insan ona tərəf yaxınlaşaraq deyir: Mən sülhnən gəlmişəm! (ing. I Come in Peace!)
Filmin əvvəlində Federal Təhqiqat Bürosunda (FTB) çalışan Polis Cek Keynin (Dolf Lundqren) dostu Svuip (Toni Brubeyker) "Ağ oğlanlar" (ing. The White boys) adlanan banda tərəfindən öldürüllür. Lakin "Ağ oğlanlar" bandası da öldürülürlər. Onlardan yalnız 2 nəfər sağ qurtula bilir. Cek Keyn "Ağ oğlanlar" bandasının işi ilə məşğul olmağa başlayır. Həmin bandadakı quldurlar qəribə silah ilə öldürülürlər. Məlum olur ki, insanların naməlum səbədən öldürülməsinə Heroin səbəb olur. Lakin bu insanlar narkoman deyillər. Əvvəlcə insanların qanına sinələrindən Qarmaq vasitəsilə böyük dozada Heroin yeridilir, sonra isə xammal kimi beyinlərindən Endorfin çıxarılır. Bu haqda ilk məlumatı Cek Keynin sevdiyi şəxs həkim Dayana (Betsi Brentli) çatdırır.
Cek Keyn hələ də insanların Yadplanetli tərəfindən öldürüldüyünü bilmir. Lakin onu "Yadplanetli üzrə polis" (Cey Bilas) təqib edir. "Yadplanetli üzrə polis" onu təqib edərək, Yer planetinə gəlir. Bir neçə dəfə yadplanetlini məhv etmək istəsə də, onun öhdəsindən gələ bilmir. Yadplanetli ilə sonuncu döyüşü zamanı "Yadplanetli üzrə polis" ağır yaralanır və Cek Keynin avtomobilinə yaralı halda əyləşir. Cek Keyn və onun yeni əməkdaşı Smitin (Brayan Benben) bu barədə xəbələri yox idi. Onlar polis maşınında olarkən Yadplanetli üzrə polisin ağır yaralandığını görürlər. "Yadplanetli üzrə polis" onlara çatdırır ki, yadplanetli endorfini almaq üçün çoxlu adam öldürəcək və çoxlu miqdarda endorfini toplayandan sonra kosmosda satacaqdır. Ardınca ondan ağ şüa çıxmağa başlayır. Bu zaman Cek Keyn və Smit avtomobili tərk edir və partlayış baş verir.
Partlayış baş verən zaman Smit Yadplanetli üzrə polisə məxsus silahı götürməyi bacarır. Bu müddət ərzində Smit gizli olaraq polis əməkdaşlarına çalışırdı. Bu səbəbdən Smit Cek Keyni hədələyir və silahı götürərək, buranı tərk edir. Silahı alan Smit onu polis əməkdaşına təhvil verir. Həmin polis əməkdaşı Smitin gözləmədiyi halda ona atəş açmaq istəyir. Bu zaman Cek Keyn peyda olaraq onu öldürür. Smit aldadıldığını başa düşür və Cek Keyn ilə əvvəlki kimi dost qalır. Məlum olur ki, yadplanetli haqqında gizli informasiya polislərin və onların əməkdaşlarının da xəbəri var. Onlar texnologiyanı almaq üçün həmin yadplanetli ilə əlaqə saxlamağa çalışırlar. Bu səbəbdən Cek Keyn həm Yadplanetliylə, həm də polislərlə mübarizə aparmalıdır.
Cek Keyn və Smit həkim Dayananı evindən götürərək, bu işi birgə həll etmək qərarına gəlirlər. Lakin bu zaman onlara polislər hücum edir. Atışma baş verir və gözlənilmədən Yadplanetli peyda olaraq onların hamısını öldürür. Cek Keyn, Smit və Dayana Yadplanetlinin hücumundan qurtulmaq üçün polis maşını ilə şəhərdə yerləşən fabrikə yola düşürlər. Bu zaman onları Yadplanetli təqib edir. Fabrikdə Cek Keyn ilə Yadplanetli arasında mübarizə baş verir. Sonda Cek Keyn ona atəş açır və Yadplanetli məhv olaraq, fabrikdə partlayış baş verir. Cek Keyn, Smit və Dayana fabriki tərk etməyə başlayırlar və bu müddətdə dincəlmək üçün Rio de Janeyroya getməyə hazırlaşdıqlarını qeyd edirlər.
Xəbərdarlığın sonu.Rollarda[redaktə | mənbəni redaktə et]
| Aktyor/aktrisa | Rol | Qeydlər |
|---|---|---|
| Dolf Lundqren | Cek Keyn | polis |
| Brayan Benben | Arvud "Larri" Smit | polislərə gizli işləyən agent |
| Betsi Brentli | Dayana Pallone | həkim, Cek Keynin sevgilisi |
| Mattias Hyuz | Talec | Yadplanetli |
| Cey Bilas | Azek | Yadplanetli üzrə polis |
| Şerman Hovard | Viktor Menninq | |
| Sem Anderson | Uorren | |
| Cim Heyni | Kapitan Malone | |
| Devid Ekkroyd | Müfəttiş Svitzer | |
| Mark Lovental | Brüs | kəsici diskin mexanizmini təyin etməyə çalışan elmi işçi |
| Maykl Con Pollard | Boner | |
| Cesse Vint | Mak Mörfi | |
| Aleks Morris | Rey Törner | |
| Nik Hecler | Beyll Bondsman | detektiv |
| Al Leonq | rolu yoxdur | Narkotik satıcısı |
| Mimi Koxren | rolu yoxdur | Mexanik qız |
| Toni Brubeyker | Garage Sweeper | Filmin əvvəlində öldürülən polis, Cek Keynin dostu |
| Kevin Peyc | rolu yoxdur | "Ağ oğlan" #1 |
| Betyu Pozi | rolu yoxdur | psixopat #1 |
| Aleksandr Conson | rolu yoxdur | psixopat #2 |
Maraqlı faktlar[redaktə | mənbəni redaktə et]
- Əslində, "Qaranlıq mələyi" filmi komediya janrında olmalı idi.
- Fransız tənqidçilərinə görə filmdə maraq doğuran personaj yalnız Dolf Lundqrendir.
- İlk dəfə filmdə yadplanetli rolunu Dolf Lundqrenə təklif edilməsi planlaşdırılmışdır.
- Alman tərcüməsində "Mən sülh ilə gəlmişəm" cümləsi "Mən hamınıza sakitlik gətirmişəm" cümləsi kimi tərcümə edilmişdir.
- Bu film ilk dəfə efirə çıxan zaman ABŞ-nin 1 milyon əhalisi filmi izləmişdir.
- Mattias Hyuz xüsusi platformanın hesabına Dolf Lundqrendən 20 funt hündür görsənirdi.[14]
- Bu film Stiven Kinqin ən sevdiyi filmlərindən biri olmuşdur.
- Özgəplanetlinin işlətdiyi super avtomat Calico M950 avtomatının dəyişdirilmiş formasıdır.
- Mattias Hyuz filmin 2-ci hissəsinin ssenariyasını yazmışdır. Lakin bu filmə sponsorluq edən olmamışdır.
- Film ABŞ prokatlarında öncə gələn filmlərin adları ilə qarışdırmamaq üçün "Mən sülhlə gəlmişəm" adı ilə satışa çıxarılmışdır.
İstehsalı[redaktə | mənbəni redaktə et]
Filmin çəkilişi[redaktə | mənbəni redaktə et]
"Qaranlıq mələyi" filmi 1989-cu ildə Texas ştatında Hyuston şəhərinin Tranquiliti parkı parkında çəkilmişdir. Film 4 aya (yanvar, fevral, mart və aprel) çəkilib başa çatmışdır.
Aktyorlar haqqında[redaktə | mənbəni redaktə et]
Filmdə baş rolu Dolf Lundqren ifa edir. Bu film Lundqrenin populyar filmlərindən hesab olunur. Filmdə Dolf Lundqrenin əməkdaşı rolunda oynayan Brayan Benben isə çox da məşhur olmayan aktyor olur. Bu film onun ən yaxşı filmlərindən birinə çevrilir. Dolf Lundqrenin sevgilisi Dayana rolunda Betsi Brentli ifa edir. Bu film onun ən populyar filmlərindən biri hesab olunur. "Yadplanetli üzrə polis" rolunda Cey Bilas ifa edir. Yadplanetli rolunu isə Mattias Hyuz ifa edir. Filmdə iştirak edən Dolf Lundqren və Mattias Hyuz döyüş sənətlərinin ustasıdırlar.
.JPG)
Film üzərində işləyənlər[redaktə | mənbəni redaktə et]
Filmin rejissoru Kreyq R. Beksli-dir.[15] Bu film rejissorun karyerasında ən yaxşı çəkdiyi filmlərindən biridir. Filmin musiqi müəllifi məşhur bəstəkar Yan Hammer-dir. Operator isə Mark İrvin-dir.[16]
Tənqidçilər[redaktə | mənbəni redaktə et]
Fransız tənqidçilərinə görə, bu filmdə yalnız Dolf Lundqrenin ifa etdiyi Cek Keyn roluna baxmaq olar.
Ev video buraxılışı[redaktə | mənbəni redaktə et]
1990-cı il 26 yanvarda kinozallarda göstərildikdən sonra Media Home Entertainment tərəfindən kasetlər və Lazerdisklər buraxıldı. Bu film heç vaxt ABŞ-də 1 DVD diskində buraxılmamışdır.[17] 2 enliekranlı buraxılışına ABŞ-də, Avropada, Yaponiyada və Avstraliyada baxmaq mümkündür.[18]
Saundtrek[redaktə | mənbəni redaktə et]
Filmdə, əsasən, XYZ, Bardeux, Shooting Star, The U-Krew qruplarının mahnıları səslənir. Filmin əvvəlində XYZ qrupunun "Maggy" mahnısı səslənir. Cek Keyn və Smit barda olan zaman Bardeux qrupunun "Thumbs up" mahnısı səslənir. Ardınca Shooting Star qrupunun "Touch me tonight", ardınca isə The U-Krew qrupunun "Ugly" mahnısı səslənir. Filmin sonunda yenidən "Touch me tonight" mahnısı səslənir. Bu mahnı Billboard Hot 100 hit-paradında 67-ci mövqe tutmuşdu.[19]
| Treklərin siyahısı | |||||||||
|---|---|---|---|---|---|---|---|---|---|
| № | Başlıq | İfaçılar | Müddət | ||||||
| 1. | Maggy | XYZ | 4:41 | ||||||
| 2. | Thumbs Up | Bardeux | 7:43 | ||||||
| 3. | Ugly | The U-Krew | 3:45 | ||||||
| 4. | Touch me tonight | Shooting Star | 4:07 | ||||||
Silahlar[redaktə | mənbəni redaktə et]
Filmdə istifadə olunan bir çox silahlar aşağıdakı cədvəldə verilmişdir. Filmdə istifadə olunan bəzi silahlar aşağıdakı cədvəldə verilmiş silahların dəyişdirilmiş formasıdır. Cədvəldə göstərilməyən silahlar bunlardır: Calico M950 (Yadplanetli), Heckler & Koch MP5K (Ağ oğlanlar) və Detonics Pocket 9 (İnspektor Svitzer)
- Silahlar
-
Mossberg 500 (filmin əvvəlində dükana girən psixopat #2 (Aleksandr Conson) əlindəki silah) -
Smith and Wesson 586-7 (Filmdə Hyuston polislərinin istifadə etdiyi tapança) -
Smith Wesson 686 (filmin əvvəlində dükana girən psixopat #1 (Betyu Pozi) əlindəki silah) -
Heckler & Koch P7 (Ağ oğlan #1 (Kevin Peyc) istifadə etdiyi silah)
Özgə dillərdə[redaktə | mənbəni redaktə et]
| Ölkə | Dil | Adı |
 Azərbaycan |
Azərbaycan dili | Qaranlıq mələyi |
| ABŞ |
İngilis dili | I Come In Peace (Yeni adı) |
| ABŞ |
İngilis dili | Lethal Contact (orijinal adı: Ölümcül əlaqə) |
 Fransa |
Fransız dili | Dark Angel |
.svg){kind=small} Böyük Britaniya |
İngilis dili | Dark Angel |
 Polşa |
Polyak dili | Mroczny anioł |
 İtaliya |
İtalyan dili | Arma non convenzionale |
 Almaniya |
Alman dili | Dark Angel — Tag der Abrechnung[20]. |
 Portuqaliya |
Portuqal dili | Anjo Negro |
 İspaniya |
İspan dili | Dark Angel — Ángel de la muerte |
 Yunanıstan |
Yunan dili | Dynami katastrofis |
 Macarıstan |
Macar dili | Sötét angyal |
 Rusiya |
Rus dili | Ангел Тьмы |
 Türkiyə |
Türk dili | Kara Melek[21][22] (Karanlık Melek[23][24] |
 Serbiya |
Serb dili | Tamni andjeo |
 Finlandiya |
Fin dili | Musta enkeli |
 Meksika |
İspan dili | El destructor mortal |
.svg){kind=small} Belçika |
Fransız dili | Dark Angel |
Filmin ölkələrdə çıxış tarixi[redaktə | mənbəni redaktə et]
Filmin ölkələrdə gəliri[redaktə | mənbəni redaktə et]
| Ölkə | Gəlir | Çıxış tarixi |
| ABŞ |
$1,912,421 | 30 sentyabr 1990 |
| ABŞ |
$4,348,368 | 15 noyabr 1990 |
| Birləşmiş Krallıq |
$1,386,858 | 30 avqust 1990 |
| Birləşmiş Krallıq |
$1,314,240 | 24 avqust 1990 |
| Almaniya |
$267,514 | 18 avqust 1990 |
Filmin ölkələrdə satışı[redaktə | mənbəni redaktə et]
| Ölkə | Satış |
| Fransa |
289,150 |
| Almaniya |
62,461 |
| İspaniya |
230,462 |
Həmçinin bax[redaktə | mənbəni redaktə et]
Ədəbiyyat[redaktə | mənbəni redaktə et]
- Charles Holland & Darryl Cobbs. I Come In Peace (comic adaptation). Greater Mercury Comics, Vol. 1, 1991
İstinadlar[redaktə | mənbəni redaktə et]
 | Bu məqalədəki istinadlar müvafiq istinad şablonları ilə göstərilməlidir. |
- ↑ Arrigo, Anthony. "Dark Angel (I Come in Peace) (Blu-ray)". Dread Central. 2013-08-19. 2014-01-04 tarixində arxivləşdirilib. İstifadə tarixi: 2014-01-03.
- ↑ "Dark Angel". The Numbers. 2019-02-04 tarixində arxivləşdirilib. İstifadə tarixi: 2014-07-16.
- ↑ "I Come In Peace". Box Office Mojo. 2019-03-27 tarixində arxivləşdirilib. İstifadə tarixi: 2014-01-03.
- ↑ Qaranlıq mələyi filmi Arxivləşdirilib 2012-06-22 at the Wayback Machine Yoxlanılıb: 25 oktyabr 2014
- ↑ "I Come In Peace". Rotten Tomatoes. 2022-06-24 tarixində arxivləşdirilib. İstifadə tarixi: 2014-01-03.
- ↑ Mən sülhlə gəlmişəm rusca Arxivləşdirilib 2012-08-28 at the Wayback Machine Yoxlanılıb: 25 oktyabr 2014
- ↑ Mən sülhlə gəlmişəm ingiliscə Arxivləşdirilib 2022-05-27 at the Wayback Machine Yoxlanılıb: 25 oktyabr 2014
- ↑ Barton, Steve. "Fox and MGM Opening their Vaults and Delivering the MOD Goods! Early Sneak Peek: Quatermass! I Come in Peace! Sugar Hill! And More!". Dread Central. 2011-08-26. 2014-01-04 tarixində arxivləşdirilib. İstifadə tarixi: 2014-01-03.
- ↑ Qaranlıq mələyi Movies.yahoo.com saytında Arxivləşdirilib 2012-09-27 at the Wayback Machine Yoxlanılıb: 25 oktyabr 2014
- ↑ Qaranlıq mələyi filmi Yoxlanılıb: 25 oktyabr 2014
- ↑ Qaranlıq çələyi filminin treyleri Arxivləşdirilib 2012-09-17 at the Wayback Machine Yoxlanılıb: 25 oktyabr 2014
- ↑ Qaranlıq mələyi 1channel.ch[ölü keçid] Yoxlanılıb: 25 oktyabr 2014
- ↑ Qaranlıq mələyi Tvtropes.org Arxivləşdirilib 2022-05-05 at the Wayback Machine Yoxlanılıb: 25 oktyabr 2014
- ↑ Maraqlı faktlar: Qaranlıq mələyi Arxivləşdirilib 2012-02-01 at the Wayback Machine Yoxlanılıb: 25 oktyabr 2014
- ↑ Qaranlıq mələyi Hd720.sokrytoe.com Yoxlanılıb: 25 oktyabr 2014
- ↑ Horror-movie-a-day.blogspot.com Arxivləşdirilib 2021-11-30 at the Wayback Machine Yoxlanılıb: 25 oktyabr 2014
- ↑ Johnson, David. "Dark Angel (Blu-ray)". DVD Verdict. 2013-08-01. 2014-01-03 tarixində orijinalından arxivləşdirilib. İstifadə tarixi: 2014-01-03.
- ↑ Jane, Ian. "Dark Angel". DVD Talk. 2013-08-27. 2016-12-24 tarixində arxivləşdirilib. İstifadə tarixi: 2014-01-03.
- ↑ Foy, Scott. "B-Sides: If I Come in Peace, Will You Touch Me Tonight?". Dread Central. 2012-04-07. 2014-01-04 tarixində arxivləşdirilib. İstifadə tarixi: 2014-01-03.
- ↑ Qaranlıq mələyi (film, 1990) Almanca Arxivləşdirilib 2007-09-30 at the Wayback Machine Yoxlanılıb: 25 oktyabr 2014
- ↑ Kara Melek filmi türkcə Arxivləşdirilib 2018-07-10 at the Wayback Machine Yoxlanılıb: 25 oktyabr 2014
- ↑ Kara Melek filmi Sinemalar.com saytında Arxivləşdirilib 2017-06-03 at the Wayback Machine Yoxlanılıb: 25 oktyabr 2014
- ↑ Karanlık Melek filmi türkcə Arxivləşdirilib 2011-12-16 at the Wayback Machine Yoxlanılıb: 25 oktyabr 2014
- ↑ Qaranlıq mələyi filmi Divxplanet.com saytında Arxivləşdirilib 2014-09-06 at the Wayback Machine Yoxlanılıb: 25 oktyabr 2014
- ↑ Mən sülhlə gəlmişəm Movies.yahoo.com Arxivləşdirilib 2012-09-27 at the Wayback Machine Yoxlanılıb: 25 oktyabr 2014
Xarici keçidlər[redaktə | mənbəni redaktə et]
- Qaranlıq mələyi — Internet Movie Database saytında.
- Qaranlıq mələyi Dolph-ultimate.com saytında (ing.)
- Mən sülhlə gəlmişəm Rotten Tomatoes saytında (ing.)
- Washington Post review (ing.)
- Deseret News review Arxivləşdirilib 2009-02-21 at the Wayback Machine (ing.)
- Spinning Image review (ing.)
- Moria review Arxivləşdirilib 2011-10-04 at the Wayback Machine (ing.)
- Time Out review Arxivləşdirilib 2011-06-06 at the Wayback Machine (ing.)
- Opis filmu na stronie dolph-ultimate.com (ing.)
- Dark Angel VOX ab 16 — FSK 18 DVD (ing.)
 Kreyq R. Bekslinin filmləri | |
|---|---|
| 1980-cı illər | |
| 1990-cı illər | |
| 2000-cı illər | |