Turhan Feyzioğlu

Turhan Feyzioğlu
türk. Turhan Feyzioğlu
Türkiyə Böyük Millət Məclisinin üzvü, 11, 12, 13, 14, 15 və 16-cı dövr deputatı
27 oktyabr 1957 – 12 sentyabr 1980
Seçki dairəsi	Sivas - 1957 Kayseri - 1961 Kayseri - 1965 Kayseri - 1969 Kayseri - 1973 Kayseri - 1977
Türkiyənin Milli Təhsil Naziri
5 yanvar 1961 – 7 fevral 1961
Baş nazir	Camal Gürsəl
Əvvəlki	Bədrəddin Tuncəl
Sonrakı	Əhməd Taxtaqılınc
Türkiyənin Dövlət Naziri
20 noyabr 1961 – 25 iyun 1962
Baş nazir	İsmət İnönü
25 iyun 1962 – 25 dekabr 1963
Baş nazir	İsmət İnönü
Əvvəlki	Əli Akif Əyidoğan
Sonrakı	Kamal Sətir
Türkiyə Respublikasının 11, 19, 22-ci Baş nazirinin müavini
31 mart 1975 – 21 iyun 1977
Baş nazir	Süleyman Dəmirəl
Türkiyə Baş nazirinin müavini
5 yanvar 1978 – 18 sentyabr 1978
Əvvəlki	Nəcməddin Ərbaxan Alparslan Türkəş
Sonrakı	Faruk Sükan Orxan Əyyuboğlu
12 sentyabr 1980 – 12 sentyabr 1980
Əvvəlki	Süleyman Dəmirəl
Sonrakı	Bülent Ulusu
Şəxsi məlumatlar
Doğum tarixi	1922
Doğum yeri	Kayseri, Kayseri ili, Türkiyə
Vəfat tarixi	24 mart 1988(1988-03-24)
Vəfat yeri	Ankara, Ankara ili, Türkiyə
Vəfat səbəbi	ürək tutması
Dəfn yeri	Cəbəci Əsri qəbiristanlığı
Partiya	CHP
Təhsili	İstanbul Universitetinin Hüquq bölməsi, Qalatasaray Ali Məktəbi[d]
Fəaliyyəti	siyasətçi

Turhan Feyzioğlu (1922, Kayseri – 24 mart 1988, Ankara) — Türkiyəli akademik və siyasətçi

Həyatı

Turhan Feyzioğlu Türkiyənin Kayseri şəhərində anadan olub. İbtidai məktəbi Kayseridə bitirdikdən sonra Galatasayar liseyində, daha sonra is və İstanbul Universitetinin Hüquq fakültəsində təhsil alıb. Böyük Britaniyada magistratura təhsili aldıqdan sonra Türkiyəyə qayıdıb və Ankara Universitetinin professoru olub. 1955-ci ildə o, Ankara Universitetinin Siyasi elmlər fakütləsinin dekanı seçilib. Həmçinin o, məktəbin bülletenində məqalələr yazmağa başlayıb, lakin onun məqalələri Demokrat Partiyası hökumətini qıcıqlandırıb və o istefa verib. 1960–1961-ci illərdə qısa müddətə akademik sahəyə qayıdaraq Ankarada Orta Şərq Texniki Universitetinin rektoru olaraq çalışıb, amma onun əsas maraq dairəsi siyasət olub.

Siyasi fəaliyyəti

1957-ci ildə o, siyasətə atılıb və Cümhuriyyət Xalq Partiyasının üzvü olub. Eyni ildə Sivas vilayətinin millət vəkili seçilib. 1960-cı ildə (ODTÜ-də işlədiyi müddətdə) təsis məclisində də çalışıb və I Gürsəl Kabinetində Təhsil Naziri təyin edilib. Daha sonra 1961-ci ildə keçirilən seçkilərdə öz bölgəsi olan Kayseri vilayətindən millət vəkili seçilib. O, ilkində dövlət naziri olaraq, ikincisində isə baş nazirin müavini kimi İsmət İnönünün iki hökumətində çalışıb. Turhan Feyzioğlu partiyada əsas simalardan biri olub, lakin 1965-ci ildən başlayaraq partiyanın əsas katibi Bülənd Ecevit İsmət İnönü tərəfindən dəstəklənən partiyada onun nüfuzuna xələl gətirməyə başlayıb. Turhan Feyzioğlu Bülənd Ecevitin "ortanın solu" şüarına qarşı mübarizə aparıb.

1967-ci il 12 mayda Turhan Feyzioğlu və onun parlamentdəki 47 tərəfdarı Cümhuriyyət Xalq Partiyasından ayrılıb Güvən Partiyası adlı yeni partiya yaradıblar. Yeni partiyanın sədri Feyzioğlu olub. 1971-ci ilin 29 yanvarında partiyanın adı dəyişdirilərək Milli Güvən Partiyası, 1973-cü il 4 mayda isə Respublikaçılar Partiyası adlandırılıb. Cümhuriyyət Xalq Partiyasından ayrılan başqa bir partiya isə Milliyyətçi Güvən Partiyasına birləşdirilib. Bu dəyişiklikdən sonra partiyanın adı Respublikaçı Güvən Partiyasına dəyişdirilib və Turhan Feyzioğlu Respublikaçı Güvən Partiyasında fəaliyyətini davam etdirib.

Respublikaçı Güvən Partiyasının fəaliyyəti 1980-ci ildə Turhan Feyzioğlunun Kayseri vilayətindən millət vəkili olan vaxtadək davam edib. Onun partiyası dəstəyini itirsə də, o, 2 dəfə iki dəfə koalisiya hökumətlərində baş nazirin müavini vəzifəsində xidmət edib: 1975-ci ildə Süleyman Dəmirəl kabinetində və 1978-ci ildə Bülənd Evevitin kabinetində. (Kabinet IV Dəmirəl və Kabinet III Ecevit).

Ailə həyatı

Turhan Feyzioğlu Leyla Cınqıllıoğlu ilə ailə həyatı qurub. Onların qızı Səidə Mehmet Buçukoğlu ilə evlənsə də, amma o, 1969-cu il iyulun 7-də Mətin adlı oğlunu dünyaya gətirdikdən iki saat sonra vəfat edib. Mətin nənə və babası tərəfindən övladlığa götürülüb Feyzioğlu soyadını alıb. O, cinayət hüququ professoru olub, 2013-cü il may ayında isə Türkiyə Vəkillər Kollegiyaları Birliyinin sədri seçilib.

Vəfatı

1980-ci ildən sonra Turhan Feyzioğlu, siyasətdən gedib. O, 1988-ci ilin 24 martında Ankarada 66 yaşında infaktdan vəfat edib.

Kitabları

Turhan Feyzioğlunun kitablarının siyahısı aşağıdakılardır. Onlardan beşi türk, biri isə fransız dilindədir.

• Qanunların Konstitusiyaya uyğunluğunun təsadüfən yoxlanılması (1951)

• Demokratiya və diktatura haqqında (1957)

• Dövlət xadimi Atatürk (1963)

• Atatürk ve Milliyətçilik

• Türk Milli Mücadiləsinin və Atatürkçülüyün əsas prinsiplərindən biri olaraq Millət suverenliyi

• Atatürk Yolu

• Dahi xilaskar və yenilikçi Kamal Atatürk (Un Liberateur et un Modernisateur Genial Kemal Atatürk)

Sələfləri  Bedrettin Tuncel	Türkiyənin Milli Təhsil Naziri 6 yanvar 1961 - 7 fevral 1961	Xələfləri  Ahmet Tahtakılıç
Sələfləri  Hayri Mumcuğlu Adnan Erzi Sitkı Ulay Ali Nasır Zeytinoğlu	Türkiyənin Dövlət Naziri 20 November 1961 – 25 June 1962	Xələfləri  Hıfzı Oğuz Bekata Şevket Raşit Hatiboğlu Ali Şakir Ağanoğlu Vefik Piriçcioğlu
Sələfləri  Ali Akif Eyidoğan	Türkiyə Baş nazirinin müavini 25 iyun 1962 - 25 dekabr 1963	Xələfləri  Ali Akif Eyidoğan
Sələfləri  Zeyyat Baykara	Türkiyə Baş nazirinin müavini 31 mart 1975 - 21 iyun 1977	Xələfləri  Turan Güneş Orhan Eyüpoğlu
Sələfləri  Necmettin Erbakan Alparslan Türkeş	Türkiyə Baş nazirinin müavini 5 yanvar 1978 - 18 iyun 1978	Xələfləri  Faruk Sükan Orhan Eyüpoğlu
Sələfləri  Yoxdur	Orta Şərq Texniki Universiteti 17 avqust 1960 - 8 fevral 1961	Xələfləri  Seha Meray