Allahşükür Paşazadə

ALLAHŞÜKÜR PAŞAZADƏ
Doğum tarixi:	26 avqust 1949-cu il (1949-08-26)
Doğum yeri:	Azərbaycan SSR, Lənkəran, Cil

Paşazadə Allahşükür Hümmət oğlu (Hacı Allahşükür Paşazadə) — Şeyxülislam və Qafqaz Müsəlmanları İdarəsi Ruhani başçısı.

Allahşükür Paşazadə, Rusiya prezidenti Dmitri Medvedyev, Bakı Rus pravoslav kilsəsi yepiskopu Aleksandr və Azərbaycanın dağ yəhudiləri dini icmasının sədri Semyon İxiilov. Bakı, 3 iyul 2008

Həyatı

Allahşükür Paşazadə və Rusiya baş naziri Vladimir Putin. Bakı, 3 yanvar 2001.

Allahşükür Paşazadə 26 avqust 1949-cu ildə Lənkəran rayonunun Cil kəndində anadan olmuşdur. İlk dini təhsilini yerli din adamlarından almışdır. 1968-ci ildə Buxarada "Mir-Ərəb" mədrəsəsinə daxil olmuş və dini təhsilini 1975-ci ildə Daşkənd İslam Universitetində bitirmişdir. 1975-ci ildən Qafqaz Müsəlmanları İdarəsinin məsul katibi, Təzəpir məscidinin axundu, idarə sədrinin müavini olmuşdur. 1980-ci ildə Qafqaz Müsəlmanları İdarəsinin sədri seçilmiş və Şeyx-ül-islam dərəcəsinə yüksəlmişdir. 1986-cı ildə İordaniya Kral Akademiyasının üzvü seçilmişdir. Bakı Dövlət Universitetinin professoru, tarix elmləri doktorudur.

1992-ci ildə Azərbaycanın, Dağıstanın, Kabardino-Balkariyanın, Gürcüstanın, İnquşetiyanın, Çeçenistanın, Qaraçay-Çerkesiyanın, Adıgeyin dini xadimləri tərəfindən Qafqaz xalqlarının Ali Dini Şurasının sədri seçilmişdir.

Ümumdünya İslam Konqresinin İdarə Heyətinin, Avrasiyanın İslam Şurasının İdarə heyətinin və bir sıra başqa beynəlxalq təşkilatların üzvüdür. 2004-cü ildə Müstəqil Dövlətlər Birliyinin Dinlərarası Şurasının həmsədri, 2009-cu ildə MDB müsəlmanları Məşvərət Şurasının sədri seçilib.

Elmi məqalələri

• "Qafqazda İslam"
• "İslamda şəhidlik"
• "Milli münasibətlər və din"
• "İslamda xalq və cəmiyyət"

Mükafatları

• SSRİ Xalqlar arasında dostluq ordeni (1988)
• Misir Əl elm va əməl ordeni (1992)
• Misir Şöhrət ordeni (1994)
• Azərbaycan İstiqlal ordeni (1999)
• Rusiya I Dərəcə Müqəddəs Vladimir ordeni (2001), (Rus Pravoslav Kilsəsi tərəfindən)
• Gürcüstan Şərəf ordeni (2001)
• Rusiya Şərəf ordeni (2009)