Gəncə Dövlət Kukla Teatrı

Gəncə Dövlət Kukla Teatrı
Ümumi məlumatlar
Teatrın tipi	Kukla teatrı
Əsası qoyulub	18 sentyabr 1986
Teatr binası
Memarlıq üslubu	Eklektika
Tikilib	1885
Heyət
Direktor	Mahirə Haqverdiyeva
Yerləşməsi
40°40′14″ şm. e. 46°21′39″ ş. u.
Ölkə	Azərbaycan
Yerləşir	Azərbaycan, Gəncə şəhəri
Ünvan	Əhməd Cəmil küçəsi, 105
Telefon	(022) 256-97-10
Gəncə Dövlət Kukla Teatrı
Vikianbarda əlaqəli mediafayllar

Gəncə Dövlət Kukla Teatrı — Gəncə şəhərində yerləşən teatr. Kukla teatrı 18 sentyabr 1986-cı il tarixində yaradılmışdır.

Tarixi

Gəncə Dövlət Kukla Teatrı Azərbaycan SSR Nazirlər Sovetinin 18 sentyabr 1986-cı il tarixli 299 saylı əmrinə əsasən yaradılmışdır. Bu müddət ərzində teatrda 100-ə yaxın tamaşa hazırlanmışdır. Teatrda ildə 250 tamaşa oynanılır. Hər il proqnoz üzrə 4 tamaşa hazırlanır. Repertuarda Azərbaycan yazıçıları ilə bərabər dünya xalqlarının əsərlərinə də üstünlük verilir.

Gəncə Dövlət Kukla Teatrı bir çox Beynəlxalq festivallarda da iştirak edib. Teatrın kollektivi Şərq Xalqları Kukla Teatrları Festivalında (Almatı, 1994), Birinci Beynəlxalq Kukla Teatrları Festivalında (Kutaisi, 1996), Kukla və Kölgə Oyunları Festivalında (İzmir, 1999, 2001, 2003), "Ən Yaxşı Uşaq Tamaşaları" Festivalında (Bakı, 2000), Beynəlxalq Qaragöz Kukla və Kölgə Teatrları Festivalı (Bursa, 2001), "Sehrli pərdə" Uşaq Tamaşaları Festivalı (Torqoviş, 2005), "Milli Klassiklər Kukla Teatrlarının Səhnəsində" Festivalında (İvano-Frankovsk, 2005), Kukla Teatrları Həftəsi (Bakı, 2008) Azərbaycan Respublikasını təmsil etmişdir.

Teatr binası

Bina 1885-ci ildə almanlar tərəfindən lüteran kilsəsi kimi inşa edilmişdir. Tikintidə əsasən tuf daşından istifadə olunmuşdur.

Binanın ümumi sahəsi 650 m²-dir. 1 zal, 1 foye və 15 otaqdan ibarətdir. Əhməd Cəmil küçəsində yerləşən, xristian dini abidələr sırasına daxil edilir.

Həmçinin bax

• Gəncə Dövlət Dram Teatrı

Xarici keçidlər

• Gəncə Dövlət Kukla Teatrı (GDKT) - azteatr