Vətəndaş Həmrəyliyi Partiyası

Vətəndaş Həmrəyliyi Partiyası (VHP)
Sədri	Sabir Rüstəmxanlı
Qurucu	Sabir Rüstəmxanlı
Sədr müavinləri	Fəzail İbrahimli Nurəddin Mehdixanlı Elxan Mirzəyev Arif İsmayılbəyli Yusif Salmansoy
Quruluş tarixi	26 sentyabr 1992
Baş qərargah	Bakı şəh., Tbilisi pr. 76
İdeologiya	azadlıq, Solidarizm, bərabərlik, Liberal demokratiya, milli mühafizəkarlıq[d]
İdeoloji spektr	mərkəz sağ
Üzv sayı	20 min (2020)
Şüar	Nicatımız: Vətəndaş Həmrəyliyindədir!
Parlamentdə	VI 3 / 125
Bələdiyyədə	6 / 15.156
Avropa Parlamentində	1 / 648 AŞPA (1 təmsilçi)
Himn	Azadlıq Marşı
Mətbuat orqanı	Vətəndaş Həmrəyliyi qəzeti
Saytı	vhp.az

Vətəndaş Həmrəyliyi Partiyası - Azərbaycanda fəaliyyət göstərən siyasi təşkilatlardan biridir, 26 sentyabr 1992-ci ildə təsis edilib.

Haqqında

Azərbaycanın aparıcı və əsas siyasi partiyalarından biri olan Vətəndaş Həmrəyliyi Partiyası 26 sentyabr 1992-ci ildə təsis edilib, 03 noyabr 1992-ci ildə isə rəsmi dövlət qeydiyyatına alınıb.

Partiyanın təsis qurultayında Nizamnamə, Məramnamə qəbul edilmiş və ilk rəhbərlik seçilmişdir.

Azərbaycanın işğaldan azad edilməsi, qaçqın və köçkünlərin öz torpaqlarına qayıtması, ölkəmizdə insan haqqlarına, söz azadlığına dəyər verilən demokratik bir cəmiyyətin qurulması VHP-nin əsas hədəfi olaraq qalır. VHP -nin 80 rayon və 1 Muxtar Respublika təşkilatı var.Partiyanın bu günə kimi 5 (7) qurultayı keçirilib. VHP-nin ali orqanı Qurultaydır. Qurultayda sədr, Ali Məclis və Mərkəzi Nəzarət-Təftiş Komissiyası seçilir. Ali Məclisin sessiyalar arası dövründə əsas qərar verici orqan- Siyasi Şuradır.

Partiyanın mətbu orqanı- "Vətəndaş Həmrəyliyi" qəzeti, "Bakı Təbriz" jurnalı və "www.vhp.az" internet saytıdır.

Partiyanı Azərbaycan Milli Məclisinin VI çağırışında 3 millətvəkili- Fəzail İbrahimli, Rafael Hüseynov və Sabir Rüstəmxanlı təmsil edir. Partiya həmçinin Milli Məclisin sədarətində-Fəzail İbrahimli Milli Məclisin sədr müavini olaraq təmsil olunur.

Partiyanın MSK-dakı nümayəndəsi Almas Qəhrəmanlıdır.

Tarixi

Partiyanı təsis edənlər:

Sabir Rüstəmxanlı,Qəmbər Əsgərov, Cəbrayıl Əlinağıyev, Çingiz Əlioğlu, Nüsrət Kəsəmənli, Eyvaz Borçalı, Bəhmən Sultanlı, İslam Qəribli, Valeh Əliyev, Malik Mehdiyev, Elxan Mirzəyev, İbrahim Əliyev, Əjdər Qasımov, İdris Dadaşov, Aydın Səlimzadə, Məsiağa Məhəmmədi, Telman Vəlixanlı, Telman Qardaşov, Ənvər Əliyev, Nurəddin Mehdixanlı, İmamverdi İsmayılov, Zeydulla Ağayev, Şaban Şahbazov, Mədət Rüstəmxanlı, Rafiq Vəlizadə, Aslan Quliyev, Arkadi Şuyski, Sevinc Rüstəmova, Nadir İbadov, Sadıq Həşimov, Məmməd Kazım, Şəfi Danıyalov, İbrahim Yusifzadə və başqaları.

Rəhbərlik

Vətəndaş Həmrəyliyi Partiyasının Rəhbərliyi
	Fayl:Fəzail İbrahimli.jpg	Fayl:Nurəddin Mehdixanlı.jpg				Fayl:Rafiq Manaflı.jpeg
Sabir Rüstəmxanlı	Fəzail İbrahimli	Nurəddin Mehdixanlı	Elxan Mirzəyev	Arif Mirzəbəyli	Yusif Salmansoy	Rafiq Manaflı	Samir Əsədli
Sədr	İdeoloji məsələlər üzrə sədr müavini	Siyasi məsələlər üzrə sədr müavini	Beynəlxalq məsələlər üzrə sədr müavini	İctimai-siyasi məsələlər üzrə sədr müavini	Təbliğat məsələləri üzrə sədr müavini	Ali Məclisin sədri	Mərkəzi İcra Aparatının rəhbəri

VHP Gənclər Təşkilatı

VHP Gənclər Təşkilatı partiyanın aparıcı və əsas lokomtiv təşkilatlarından biridir. Ölkənin ictimai-siyasi həyatında fəal iştirak edir. VHP-nin Nizamnaməsini və Məramnaməsini əsas tutaraq öz fəaliyyətini qurur. Təşkilat öz konfransında gizli səs vermə yolu ilə sədrini və digər seçkili qurumlarını üzvlərini seçir. VHP Gənclər Təşkilatına müxtəlif vaxtlarda Müşfiq Talıblı, Talıb Əhədov, Samir Əsədli, Vasif Həsənli,Elçin İmanov, Pərviz Həsənov, Ceyhun Nəbiyev,Emil Bağırov, Baba Qamətli, Pünhan İmamlı, Tural Hüseynli, Amal Ata və Kamran Habiloğlu rəhbərlik ediblər. Hazırda Gənclər Təşkilatına Səlahəddin Əsgərdir rəhbərlik edir.

VHP rəmzləri

Loqo

VHP-nin loqosunun müəllifi Azərbaycanın tanınmış rəssam-heykəltaraşları Məzahir Afşardır.

• Ox dövlətin rəmzidir. Həmçinin bu Türk Dövlətçiliyini təmsil edir
• Üçü bir yerdə möhkəmliyi, sınmazlığı göstərir:Qanunvericilik, İcra və Məhkəmə orqanları
• Tərsinə çevrilmiş yayla birgə üç ox və onların üstündəki qalxan sülh, milli barış, həmrəyliyin ifadəsidir.
• Od Odlar Ölkəsini təmsil edir.

Rəng

Vətəndaş Həmrəyliyi Partiyasının rəngi ağ rəngdir. Ağ rəng həmrəyliyin, birliyin və vətəndaş sülhünün rəmzi sayılır.

Himn

AZADLIQ MARŞI
Yazar: Elçin Mirzəbəyli
Musiqi: Heyratı

Ey ulu Vətənim, doğma torpağım,
Var tükənməz odun, sönməz ocağın,
Azadlığa çıxmaq üçün qalxsın bayrağın.

Nəqarət:
Qalx ayağa millət,
Boğmasınlar səsimizi.
Bir bayraq altında
Birləşdir bizi

Biz ki, Vətən oğlu, millət oğlu, Odlar oğluyuq,
Biz ki, xalqa bağlı, yurda bağlı, elə bağlıyıq,
Biz ki, haqq yolunda andımızdan dönmərik heç vaxt,
Vuruş zülmə qarşı, ey ulu torpaq!

(Nəqarət)

Yad qılınc ilə qırıldıq yetər,
Zülmə qarşı qalxaq, qul olduq yetər!
Biz ayağa qalxsaq əgər, ayrılıq bitər!
(Nəqarət)

VHP seçkilərdə

VHP indiyədək bütün parlament, bütün bələdiyyə və 2003-cü il prezident seçkilərində iştirak edib.

Prezident seçkiləri

Seçkilər	Namizədi	Səslər	Faiz
2003-cü il Azərbaycan Respublikası prezidenti seçkiləri	Sabir Rüstəmxanlı	19.973	0.8%

Parlament seçkiləri

Seçkilər	Səslər	Faiz	Nəticə
1995-ci il Azərbaycan Respublikasının Milli Məclisinə seçkilər	-	-	1/125 yer
2000-ci il Azərbaycan Respublikasının Milli Məclisinə seçkilər	-	-	3/125 yer
2005-ci il Azərbaycan Respublikasının Milli Məclisinə seçkilər	-	-	3/125yer
2010-cu il Azərbaycan Respublikasının Milli Məclisinə seçkilər	46.512	1.9%	3/125 yer
2015-ci il Azərbaycan Respublikasının Milli Məclisinə seçkilər	37.516	1.3%	2/125 yer
2020-ci il Azərbaycan Respublikasının Milli Məclisinə seçkilər	24.295	0.97%	3/125 yer

Bələdiyyə seçkiləri

VHP-dən bələdiyyələrə 1999-cu ildə 500, 2004-cü ildə 304 və 2009-cu ildə isə 115 , 2019-cu ildə 6 nəfər üzv seçilib.

2019-cu il Bələdiyyə seçkilərinə qatılan VHP-nin 6 üzvü bələdiyyə üzvü seçilib.Onlar Sumqayıt, Bərdə, Göyçay, Neftçala şəhərləri, Bakının Qızıldaş və Beyləqanın Orta Əlinəzərli bələdiyyələrində təmsil olunmaq hüququ qazanıblar.

Həmçinin bax

Sabir Rüstəmxanlı
Fəzail İbrahimli
Rafiq Manaflı
Samir Əsədli