Əli Əliyev (siyasətçi)

Vikipediya, azad ensiklopediya
Jump to navigation Jump to search
Əli Əliyev
Əli Nadir oğlu Əliyev
Əli Əliyev (siyasətçi).jpg
Doğum tarixi 19 avqust 1967 (1967-08-19) (52 yaş)
Doğum yeri Bakı, Azərbaycan SSR, SSRİ
Fəaliyyəti siyasətçi

Əli Əliyev (tam adı:Əli Nadir oğlu Əliyev) — biologiya elmləri namizədi, Vətəndaş və İnkişaf Partiyasının sədri. 2013-cü il Azərbaycan Respublikası Prezident seçkilərində iştirak üçün Mərkəzi Seçki Komissiyasına müraciət edib.

Həyatı[redaktə | əsas redaktə]

Əli Əliyev 1967-ci il avqustun 19-da Bakı şəhərində anadan olub. 1974-84-cü illərdə Bakı şəhəri Nərimanov rayonu 45 saylı orta məktəbdə təhsil alıb. 1984-cü ildə Azərbaycan Dövlət Tibb İnstitutuna (indiki Azərbaycan Dövlət Tibb Universitetinə (AzTU)) daxil olub, həmin institutu 1991-ci ildə fərqlənmə diplomu ilə bitirib[1].

1991-ci ildə AzTU-nun Biokimya Kafedrasında əmək fəaliyyətinə başlayıb. Hal-hazırda AzTU-nun müəllimi, biologiya elmləri namizədidir. Milli-azadlıq hərəkatının fəal iştirakçısı və 1989-91-ci illərdə Azərbaycan Xalq Cəbhəsinin (AXC) üzvü olub. 1992-ci ildə Azərbaycan Milli İstiqlal Partiyasının (AMİP) qurulmasında yaxından iştirak edib. AMİP Gənclər Təşkilatının sədri, partiya sədrinin təşkilati məsələlər üzrə müavini olub. 2005-ci ildə AMİP-in qurultayında partiyanın sədri seçilib[1].

Partiyadakı fikir ayrılığına görə, Ə.Əliyev 2006-cı il mayın 28-də Vətəndaş və İnkişaf Partiyası (VİP) təsis edib. O, 2006-cı ildə Xalq Cəbhəsi (AXCP) Demokrat (ADP), Liberal (ALP) və VİP-in iştirakı ilə yaradılan və 2010-cu ilə qədər fəaliyyət göstərən “Azadlıq” siyasi blokunun həmtəsisçisi və həmsədri olub[1].

2010-cu il parlament seçkiləri çərçivəsində yaradılmış (VİP, ALP və Yaşıllar partiyası) “İnsan Naminə” seçki blokuna rəhbərlik edib. Ə.Əliyev 2013-cü ildə keçirilmiş prezident seçkilərində namizədliyini irəli sürsə də, MSK onun namizədliyinin qeydə alınmasından imtina edib[1].

İstinadlar[redaktə | əsas redaktə]

  1. 1 2 3 4 "Əli Əliyev 47-yə çatdı". Aznews (azərb.). aznews.az. 19.08.2014 12:03. İstifadə tarixi: 2014-09-14.