Əli Nağıyev (siyasətçi)

Əli Nağıyev
Azərbaycan Respublikasının Belarus Respublikasındakı Fövqəladə və Səlahiyyətli Səfiri
15 may 2006 – 20 aprel 2011
Azərbaycanın Əmək və Əhalinin Sosial Müdafiəsi naziri
5 noyabr 1996 – 7 fevral 2006
Azərbaycan Respublikası Milli Məclisinin I çağırış deputatı
24 noyabr 1995 – 5 noyabr 1996
Seçki dairəsi	1995 — Proporsional seçki
Əvvəlki	Vəzifə təsis edildi.
Sonrakı	Murtuz Ələsgərov
Əlincə Xeyriyyə Cəmiyyətinin sədr müavini
199? – 199?
Sədr	Fəraməz Maqsudov
Şəxsi məlumatlar
Doğum tarixi	15 mart 1954(1954-03-15) (70 yaş)
Doğum yeri	Naxçıvan, Naxçıvan MSSR, Azərbaycan SSR, SSRİ
Partiya	Azərbaycan Xalq Cəbhəsi (–1992), Yeni Azərbaycan Partiyası (1992–)
Fəaliyyəti	siyasətçi
Təltifləri

Əli Nağıyev (tam adı: Əli Teymur oğlu Nağıyev; 15 mart 1954, Naxçıvan) — azərbaycanlı dövlət və siyasi xadim; Azərbaycan Milli Məclisinin I çağırış üzvü.

Həyatı

Əli Nağıyev 1954-cü il martın 15-də Naxçıvan şəhərində anadan olub. S. Kirov adına Azərbaycan Dövlət Universitetində tətbiqi riyaziyyat üzrə ali təhsil alıb. Professordur. Rus dilini bilir. Yeni Azərbaycan Partiyasının (YAP) qurucu üzvü və sədr müavini olub.

Əli Nağıyev ailəlidir, 2 övladı var.

Fəaliyyəti

1995-ci il noyabrın 12-də baş tutan Parlament seçimlərində Yeni Azərbaycan Partiyasının (YAP) siyahısı üzrə 4-cü sırada olan Əli Nağıyev, I çağırış Milli Məclisin deputatı seçildi. 1995-ci il noyabrın 24-dən səlahiyyətlərinin icrasına başlayan Əli Nağıyev, Milli Məclisin Sosial siyasət Daimi Komissiyasının üzvü, Azərbaycan—Ukrayna parlamentlərarası əlaqələr üzrə işçi qrupunun isə rəhbəri oldu.

Əli Nağıyev Azərbaycan Prezidenti İlham Əliyevin 15 may 2006-cı il tarixli 1454 nömrəli Sərəncamı ilə Azərbaycanın Belarusda Fövqəladə və Səlahiyyətli Səfiri vəzifəsinə təyin edildi. 5 il sonra isə o, İlham Əliyevin 20 aprel 2011-ci il tarixli 1148 nömrəli Sərəncamı ilə Azərbaycanın Belarusda Fövqəladə və Səlahiyyətli Səfiri vəzifəsindən azad edildi.