Memar Sinan

Memar Sinan
türk. Mimar Sinan ərəb. قوجه معمار سنان آغا‎
Şəxsi məlumatlar
Doğum tarixi	təq. 1490
Vəfat tarixi	17 iyul 1588(1588-07-17)
Vəfat yeri	Konstantinopol, Osmanlı imperiyası
Dəfn yeri	Konstantinopol
İşləri və nailiyyətləri
İşlədiyi şəhərlər	İstanbul, Ədirnə, Qahirə, Hələb, İstanbul
Əsas tikililəri	Banya Başı məscidi, Şahzadə məscidi, Süleymaniyyə məscidi, Səlimiyyə məscidi, Drina körpüsü, Mostar körpüsü
Vikianbarda əlaqəli mediafayllar

Memar Sinan və ya Böyük Memar Sinan Ağa (Sinaneddin Yusuf – Abdulmennan oğlu Sinan) (Osmanlı Türkcəsi: قوجه معمار سنان آغا) (təq. 1490 – 17 iyul 1588, Konstantinopol) — Osmanlı memarıdır.

Həyatı

Mənbələrə görə Sinan, I Səlim sultan olduqdan sonra başlanılan və Rumelidə olduğu kimi Anadoludan da əsgər toplanmasını irəli sürən yeni bir tətbiqata görə 1512-ci ildə İstanbula gətirildi. Orduya əsgər hazırlayan Əcəmi Oğlanlar Ocağına verildi, 1514-cü ildə Çaldıran döyüşündə, 1516–1520-ci illər arasında da Misir səfərlərində iştirak etmişdir. İstanbula dönüncə Yeniçəri Ocağına qəbul olundu.

I Süleyman Qanuni dövründə 1521-ci ildə Belqrad, 1522-ci ildə Rodos səfərlərinə qatılmış və zabit rütbəsi almışdır. 1526-cı ildə qatıldığı Mohaç səfərindən sonra baş mühəndis oldu. 1529-cu ildə Vyana, 1529–1532-ci illər arasında Almaniya, 1532–1535-ci illər arasında da İraq, Bağdad, Təbriz səfərlərində iştirak etmişdir. Bu son səfər ərəfəsində Van gölünün üstündən keçəcək olan üç gəminin təmir işlərini müvəffəqiyyətlə yerinə yetirməsinə görə Ona "haseki" ünvanı verilmişdir. 1536-cı ildə Pulya səfərlərinə qatıldı. 1538-ci ildə iştirak etdiyi Karabuğdan (Moldova) səfəri ərəfsində Prut çayı üstündə inşa etdiyi bir körpü ilə hamının diqqətini öz üzərinə çəkdi. Bir il sonra Əcəm Əlinin ölümündən sonra onun yerinə, sarayın baş memarı oldu. Ömrünü axırına qədər bu vəzifədə qaldı.

Əsərləri

• [Süleymaniyyə məscidi]
• [Süleymaniyyə məscidi (Dəməşq)]

Xarici keçidlər

• Vikianbarda Memar Sinan ilə əlaqəli mediafayllar var.