Bakı Dövlət Universitetinin Tətbiqi riyaziyyat və kibernetika fakültəsi

Vikipediya, açıq ensiklopediya
(BDU Tətbiqi riyaziyyat və kibernetika fakültəsi səhifəsindən istiqamətləndirilmişdir)
Keçid et: naviqasiya, axtar

Tətbiqi riyaziyyat və kibernetika fakültəsi Bakı Dövlət Universitetinin ən müasir fakültələrindən biridir.

Tətbiqi riyaziyyat və kibernetika fakültəsi 1972-ci ildə Ümummilli liderimiz Heydər Əliyevin ölkəyə rəhbərliyinin birinci dövründə onun şəxsi göstərişi ilə yaradılmışdır. Fakültənin ilk dekanı dos. Mustafa Alı oğlu Vəliyev (1972-1989) olmuşdur. Hazırda fakültə dekanı AMEA-nın müxbir üzvü, prof. Məhəmməd Fərman oğlu Mehdiyevdir. Fakültədə elmi-pedaqoji fəaliyyətlə məşğul olan 80 əməkdaşdan 53-ü elmlər namizədi, dosent, 19-u isə elmlər doktoru, professordur. Professorlardan ikisi – Qasımov Mirabbas Göycə oğlu və Allahverdiyev Cəlal Eyvaz oğlu AMEA-nın həqiqi üzvü (akademik), dördü – Məmmədov Yusif Əbülfət oğlu, Mehdiyev Məhəmməd Fərman oğlu, Hacıyev Asəf Hacı oğlu və Hüseynov Rauf Vəli oğlu AMEA-nın müxbir üzvüdür. Akademik Məcid Rəsulov Lətif oğlu fakültə yarandığı gündən Riyazi fizika tənlikləri kafedrasına rəhbərlik etmiş və elmi kadrların yetişdirilməsində böyük xidmətlər göstərmişdir. Fakültənin əsas elmi-tədqiqat istiqamətləri aşağıdakılardır: operator diferensial tənliklər və onlarla bağlı spektral məsələlər; diferensial operatorların spektral təhlilinin düz və tərs məsələləri; riyazi fizika məsələlərinin təqribi həll üsulları və onların yığılma məsələləri; adi diferensial tənliklərin spektral nəzəriyyəsi; xüsusi törəməli xətti və qeyri-xətti diferensial tənliklər üçün sərhəd məsələlərinin öyrənilməsi; kompüter şəbəkələrində tətbiqi proseslərin qarşılıqlı əlaqəsinin nəzəri və praktiki məsələləri; diskret və kəsilməz dinamik sistemlərin və ardıcıllıq maşınlarının analizi və sintezi; diskret optimallaşdırma, optimal idarəetmə və oyunlar nəzəriyyəsi; qeyri-xətti sistemlərin optimal identifikasiyası; funksional analizin bəzi modelləri və üsulları; bütöv mühit mexanikasının riyazi məsələləri; iqtisadi və sosial proseslərin sistemli analizi. Fakültədə 1281 nəfər bakalavr, 70 magistrant, 30 aspirant (onlardan biri Türkiyə Respublikasının, 18-i isə İran İslam Respublikasının vətəndaşıdır) və 4 dissertant var.

Fakültədə 11 kafedra, 46 elmi-tədqiqat laboratoriyası, 1 kitabxana, 1 konfrans salonu, 3 kompüter zalı fəaliyyət göstərir. Təhsil Azərbaycan, rus və ingilis dillərində aparılır.

Kafedraları[redaktə | əsas redaktə]

  • 1. İnformasiya texnologiyaları və proqramlaşdırma
  • 2. Riyazi iqtisadiyyat və ekoloji sistemlərin riyazi modelləşdirilməsi
  • 3. Ehtimal nəzəriyyəsi və riyazi statistika
  • 4. İqtisadi informatika
  • 5. İnformatika
  • 6. Tətbiqi riyaziyyat
  • 7. Optimallaşdırma və optimal idarəetmə
  • 8. Əməliyyatlar tədqiqi və riyazi modelləşdirmə
  • 9. Riyazi Kibernetika
  • 10. Tətbiqi analizin riyazi üsulları
  • 11. Riyazi fizika tənlikləri

Bakalavr ixtisasları[redaktə | əsas redaktə]

Magistratura ixtisasları[redaktə | əsas redaktə]

Xarici keçidlər[redaktə | əsas redaktə]

Bakı Dövlət Universitetinin tətbiqi riyaziyyat və kibernetika fakültəsinin rəsmi internet səhifəsi