Norbert Viner

Norbert Viner
ing. Norbert Wiener
Doğum tarixi:	26 noyabr 1894(1894-11-26)
Doğum yeri:	ABŞ
Vəfatı:	18 mart 1964 (69 yaşında)
Vəfat yeri:	Stokholm, İsveç

Norbert Viner (ing. Norbert Wiener; d.26 noyabr, 1894, ABŞ – ö.18 mart, 1964, Stokholm, İsveç) — ABŞ riyaziyyatçısı, kibernetikanın əsas müddəalarını qısa və dürüst ifadə etmişdir. "Kibernetika" əsərinin müəllifidir. Riyazi analiz və ehtimal nəzəriyyəsi sahələrində də çalışmışdır.

Həyatı

Norbert Viner 26 Noyabr 1894-cü ildə Kolumbiya şəhərciyində doğulmuşdur. Atası poliqlot, slavist, ədəbiyyat bilicisi, tərcüməçi idi. Viner kiçik yaşlarından qədim dilləri, təbiət elmlərini öyrənir, çox mütaliə edirdi. O, fövqəladə istedada malik idi: orta məktəbi 11, ali məktəbi isə 14 yaşında bitirmişdi (onda elmlər bakalavrı dərəcəsini almışdı). 17 yaşında incəsənət magstri olmuş, 18 yaşında isə riyazi məntiq sahəsində fəlsəfə doktoru adını almışdır. Harvard universitetinin təqaüdünü alan Viner Kembric və Gyottingen universitetlərdinə təcrübə keçirdi. o, Bertran Rassel, Qodfri Hardi, Edmund Landau, David Hilbert və başqa tanınmış riyaziyyatçılar ilə tanış idi.

Ədəbiyyat

• "Uşaqlar üçün ensiklopediya. Riyaziyyat.", Bakı, "Şərq-Qərb", 2008. səh.612
• "Uşaqlar üçün ensiklopediya. İnformatika.", Bakı, "Şərq-Qərb", 2008, səh.67

Həmçinin bax

• Lütfi Zadə
• Entoni Staford Bir