Yaşayış binası (Nizami küçəsi, dalan 5, ev 33)

Vikipediya, azad ensiklopediya
Naviqasiyaya keçin Axtarışa keçin
Yaşayış binası
Evin fransız səyyah və arxeoloq Jozef de Bay tərəfindən 1900-cü ildə çəkilmiş fotosu. Jak Şirak Branli muzeyi, Paris.
Ölkə  Azərbaycan
Şəhər Gəncə
Yerləşir Nizami küçəsi, dalan 5, ev 33
Tikilmə tarixi XVIII əsrin II yarısı
Üslubu Arran memarlıq məktəbi
İstinad nöm.3923
Kateqoriyayaşayış binası
ƏhəmiyyətiYerli əhəmiyyətli

Nizami küçəsi, dalan 5, ev 33 ünvanında yerləşən yaşayış binası – Gəncə şəhərində yerləşən yerli əhəmiyyətli tarix-memarlıq abidəsi. Gəncə üçün xarakterik olan "Günbəzli ev"lərin dövrümüzə çatmış azsaylı nümunələrindən biridir.

Memarlıq xüsusiyyətləri[redaktə | mənbəni redaktə et]

Evin fasadları sadə və lakonikdir. Fasad divarı gəclə üzlənmişdir; sonradan əlavə edilmiş və bütün fasad boyunca uzanan taxta veranda yaxşı işlənmiş detalları ilə diqqət cəlb edir.

Evin planı kifayət qədər sadədir. O, orta örçülü bir otaqdan ibarətdir. Xidməti otaqlar ehtimal ki, əlavə tikililərdə yerləşmişdir. Evin interyeri, fasadla müqayisədə daha zəngin həll edilmişdir. İnteryerdə divarlar yerli mənşəli açıq tonlu gəc məhlulu ilə üzlənmişdir; kəsişmə yerlərində tünd xəttlər keçir ki, bu da tağın konstruksiyasını vurğulayır. [1]

Otağın bütün perimetri boyunca "ləmə" adlandırılan tağçalar yerləşdirilmişdir. Pəncərə və qapı yerləri tağça və cumaxudan adlanan nişlər vardır. Ləmənin altında geniş divar rəsmi sırası keçir. Divar rəsmi təkrarlanan nəbati naxışdan ibarətdir. Təkrarlanan elementlər arasında yerləşdirilmiş tağlarn içində nar və qızılgül tumurcuqları arasında quş təsvirləri verilmişdir. Bu xəttən yuxarıda oxşar nəbati naxışlı daha bir xətt keçir. Niş və girişlər arasındakı divarlar da oxşar naxışlı divar rəsmləri ilə bəzədilmişdir. [1]

İnteryerin tamamlanmasında ləmə və camaxudanlara düzülən rəngarəng qab-qacaq, tağçalara yığılan gözəl tikməli ipəklərlə üzlənmiş yorğan-döşək və parlaq rəngli palazlardan istifadə edilirdi. [1]

  • Evin günbəz kəmərini bəzəyən nəbati naxış
    Evin günbəz kəmərini bəzəyən nəbati naxış
  • Evin planı
    Evin planı
  • Evin yan kəsimi
    Evin yan kəsimi
  • Evin ümumi fasadının L. Bretanitskiy və Ə. Salamzadənin "Kirovabad" kitabında verilmiş təsviri.
    Evin ümumi fasadının L. Bretanitskiy və Ə. Salamzadənin "Kirovabad" kitabında verilmiş təsviri.

İstinadlar[redaktə | mənbəni redaktə et]

  1. ↑ 1,0 1,1 1,2 Джеванширова, 1950. səh. 67

Ədəbiyyat[redaktə | mənbəni redaktə et]

  • Джеванширова, Н.А. Жилые дома Кировабада XVII-XIX веков. Баку: Памятники архитектуры Азербайджана. 1950.
Mənbə — "https://az.wikipedia.org/w/index.php?title=Yaşayış_binası_(Nizami_küçəsi,_dalan_5,_ev_33)&oldid=7459386"