Serj Sarkisyan

Vikipediya, açıq ensiklopediya
(Serj Sarqsyan səhifəsindən istiqamətləndirilmişdir)
Keçid et: naviqasiya, axtar
Serj Sarkisyan
erm. Սերժ Ազատի Սարգսյան
Sezh Sargsyan EPP Summit, 28 June 2012.jpg
Doğum tarixi: 30 iyun 1954 (1954-06-30) (60 yaş)
Doğum yeri: Stepanakert
Flag of Azerbaijan SSR.svg Azərbaycan SSR
Atası: Azat Sarkisyan (1929-2013)[1]
Həyat yoldaşı: Rita Sarkisyan
Uşağı: Anuş və Satenik

Serj Sarkisyan (erm. Սերժ Ազատի Սարգսյան – Serj Azati Sarqsyan) — Ermənistan Respublikasının prezidenti.

Həyatı[redaktə]

Serj Sarkisyan 1989-cu ildən 1993-cü ilə kimi separatçı "Dağlıq Qarabağ Respublikası"nın özünümüdafiə qüvvələri komitəsinə rəhbərlik edib. 1993-1995-ci illərdə Ermənistanın müdafiə naziri olub. 1995-1996-cı illərdə əvvəlcə dövlət təhlükəsizliyi departamentinin başçısı, daha sonra milli təhlükəsizlik naziri vəzifəsində çalışıb. Növbəti 3 ildə isə Ermənistanın daxili işlər və milli təhlükəsizlik naziri olub. 2000-2007-ci illər arasında yenidən müdafiə naziri işləyib. 4 aprel 2007-ci ildən 19 fevral 2008-ci ilə qədər baş nazir, 19 fevral 2008-ci ildən isə Ermənistan Respublikasının prezidentidir. Ermənistanda əhali seçkilərin saxtalaşdırılmasına görə kütləvi mitinqlərə başlayır. Martın 1-də səkkiz nəfərin öldürülməsi və 20 günlük fövqəladə vəziyyətdən sonra aprel ayından prezident kimi fəalliyyətə başlayıb.

Ailəsi[redaktə]

Sarkisyanın Anuş və Satenik adlı iki qızı var. Böyük qızı Anuş Sarkisyan ixtisasca hüquqşünasdır və Ermənistanın Vatikandakı səfiri Mikayıl Minansyanla evlidir. Ermənistan prezidentinin kiçik qızı Satenik Sarkisyan isə ixtisasça iqtisadçıdır. O, anası Rita Sarkisyanın qohumu və Ermənistanın Konstitusiya məhkəməsinin sədri Qalik Arutunyanla evlidir.

Fəaliyyəti[redaktə]

Xocalı soyqırımında iştirakı[redaktə]

Serj Sarkisyan 1992-ci ildə Xocalı soyqırımını törədən qüvvələrə komandanlıq edib, bu qüvvələri təşkilatlandıraraq yüzlərlə insanın ölüm əmrini verib və soyqırımında birbaşa iştirak edib. Bü səbəbdən Serj Sarkisyan Avropa İnsan Haqları Məhkəməsinə verilmişdir [2] [3] [4].

Tomas de Vaalın Xocalı soyqırımı haqqında nə düşünürsünüz sualına Sarkisyan belə cavab verib:

" Xocalıya qədər Azərbaycan tərəfi elə bilirdi ki, bizim ilə zarafat eləmək olar. Onlar elə düşünürdülər ki, ermənilər mülki əhaliyə qarşı əl qaldıracaq insanlar deyil. Biz bu anlayışa (stereotipə) son qoyduq. Baş verən hadisə də bu idi[5][6] "

İstinadlar[redaktə]

  1. Sarkisyanın atası öldü — lent.az
  2. Avropa Məhkəməsi Serj Sarkisyanın Xocalı soyqırımında iştirakını araşdırır
  3. Serj Sarkisyan Xocalı qırğınına görə Avropa Məhkəməsinə verilmişdir
  4. European Court of Human Rights launches probe into Armenian President’s hand in Khojaly massacre
  5. Том де Ваал. Глава 11. Август 1991 – май 1992 гг. Начало войны. Главы из русского издания книги "Черный сад". Дни независимости.
  6. De Waal, Thomas. Black garden: Armenia and Azerbaijan through peace and war. New York: New York University Press. 2003. səh. 172

Xarici keçidlər[redaktə]

Həmçinin bax[redaktə]

Məqalə ilə əlaqəli digər Vikimedia səhifələri:

Vikisitatda Serj Sarkisyan ilə əlaqəli məlumatlar var.