Rövşən Cavadov

Vikipediya, açıq ensiklopediya
Keçid et: naviqasiya, axtar
Rövşən Cavadov
Cavadov Rövşən Bəxtiyar oğlu
Ровшан Джавадов.jpg
Doğum tarixi: 19 oktyabr 1951(1951-10-19)
Doğum yeri: Flag of Azerbaijan SSR.svg Azərbaycan SSR, Laçın
Vəfatı: 17 mart 1995 (43 yaşında)
Vəfat yeri: Flag of Azerbaijan.svg Azərbaycan, Bakı
Vəfat səbəbi: qətlə yetirilib
Atası: Bəxtiyar Cavadov
Anası: Tamara Cavadova
Uşağı: Laçın Cavadov
Milliyyəti: azərbaycanlı

Rövşən Cavadov Bəxtiyar oğlu — AR Daxili İşlər nazirinin müavini (1993-cü il 10 fevral[1] - 1995-ci il 15 mart[2]), Daxili İşlər naziri vəzifəsinin icraçısı (1993-cü il 17 iyun[3] - 3 iyul[4]).

Həyatı[redaktə]

Rövşən Cavadov 19 oktyabr 1951-ci ildə Laçın rayonunda dünyaya gəlib.[5] 1973-cü ildə Azərbaycan Dövlət Tibb Universitetindən məzun olub. 1973-1976-cı illər arasında DİN Xəstəxanasında cərrah işləyib. 1976-cı ildə Rostov şəhərindəki SSRİ DİN Akademiyasına daxil olub və 1980-ci ildə oranı bitirib.

1980-ci ildə Əfqanıstanda hərbi xidmət üçün müraciət etsə də bu müraciəti anti-kommunist fikirlərinə görə Moskva tərəfindən qəbul edilməyib. 1981-ci ildə Azərbaycanda ilk gizli karate klublarını açmışdır.

1982-ci ildə Gəncə şəhərinə sahə müvəkkili təyin olunub. 1987-ci ildə qardaşı Mahir Cavadovla bərabər Təkamül Partiyasını yaradıb.

Qanlı yanvar hadisələri zamanı tərəfdaşları və tələbələri ilə birgə imkanları daxilində SSRİ qoşunlarına qarşı çıxıb və Gəncə şəhərinə gedərək iri miqyaslı üsyan hərəkatı planlaşdırıb.

Qarabağda baş verən hadisələr zamanı Təkamül Partiyası Rövşən Cavadovun təlimatı ilə hərbi birləşməyə çevrilib. Üzvlərin yerləşdikləri batalyon "OMON" adlandırılıb. İlk dəfə cəmi 60 nəfərdən ibarət batalyonda sonralar 3000 nəfər olub. Bundan sonra Rövşən Cavadov polkovnik hərbi rütbəsi alıb və onun rəhbərlik etdiyi hərbi birləşmə XTPD (xüsusi təyinatlı polis dəstəsi) adlandırılıb. Horadizin erməni işğalından azad edilməsi, Ağdam yaxınlığında 150 nəfərə qədər erməninin əsir götürülməsi, Ağdərənin Heyvalı kəndində erməni düşərgəsinin məhv edilməsində XTPD-nin böyük rolu olub. 1991-ci ildə döyüş meydanında göstərdikləri rəşadətə görə bir sıra XTPD-çi milli qəhrəman adına layiq görülüb.

1993-cü ildə R.Cavadov Azərbaycanın daxili işlər nazirinin müavini təyin edilib. Həmin il onun köməyi ilə Əfqanıstandan 1300 təcrübəli döyüşçü Qarabağa dəvət olunub.

1994-cü ildə XTPD batalyonu xüsüsi Qvardiyaya çevrilib və hakimiyyətə qarşı qiyama qalxıb.[Mənbə göstərin] 1995-ci ildəki mart qiyamı zamanı Rövşən Cavadov qətlə yetirilib, yüzlərlə "OMON-çu" həbs edilib. Bundan bir neçə il sonra onun oğlu Laçın Cavadov müəmmalı şəkildə Moskvada öldürülüb.

Mənbə[redaktə]

İstinadlar[redaktə]

  1. http://e-qanun.az/print.php?internal=view&target=1&docid=8119&doctype=0
  2. http://e-qanun.az/print.php?internal=view&target=1&docid=9225&doctype=0
  3. http://e-qanun.gov.az/files/framework/data/8/f_8444.htm
  4. http://e-qanun.az/print.php?internal=view&target=1&docid=8436&doctype=0
  5. Rövşən Cavadovun bioqrafiyası

Həmçinin bax[redaktə]

Xarici keçidlər[redaktə]