Siğnaği

Vikipediya, açıq ensiklopediya
Keçid et: naviqasiya, axtar
Siğnaği
gürc. სიღნაღი
Sighnagi 2009.jpg
Gerb
Gerb
Xəritədə yeri
Siğnaği Gürcüstan xəritəsində
Siğnaği
Siğnaği
Məlumatlar
Ölkə Flag of Georgia.svg Gürcüstan
Bölgə Kaxetiya
Əsası qoyulub 1801-ci il
Ərazi 2 978 km²
Əhali 2 146[1] nəfər (2002)
Telefon kodu +995 99
Poçt indeksi 4200
İnternet saytı www.signagi.com.ge

Siğnaği (gürc. სიღნაღი, IPA: [siɤˈnaɤi]) və ya Sığnaq — tarixi Qızıq mahalında, hazırda Gürcüstan Respublikasının Kaxeti mxaresində yerləşən kiçik şəhər, Sığnaq bələdiyyəsinin inzibati mərkəzidir. 2002-ci ilin rəsmi siyahıyaalmanın nəticələrinə əsasən, 2146 nəfər əhalisi olan Siğnaği ölkənin ən kiçik şəhərlərindən biri sayılır[2]. Siğnaği şəhərinin iqtisadiyyatında şərab, xalça və Gürcüstanın ənənəvi Mtsvadi adlı qidasının istehsalı üstünlük təşkil edir. Bu şəhər və onun ətrafı həmçinin öz landşaft nümunələri və tarixi abidələri ilə də tanınır. Siğnaği bu yaxınlarda fundamental yenidənqurma proqramını keçmiş və Gürcüstanın turizm sənayesinin əhəmiyyətli bir mərkəzinə çevrilmişdi.

Tarix[redaktə]

Şəhərdəki evlərin bir çoxunun ənənəvi gürcü eyvanları var.
Siğnaği bələdiyyəsinin binası

Şəhərin yerləşdiyi müəsir əraziyə hələ paleolit dövründən məskən salınmışdı və Orta əsrlərdə mövcud olmuş Hereti dövlətinin tərkibində idi. Həmçinin bura Kiziki tarix-coğrafi bölgəsinin mərkəzi sayılır. Buna baxmayaraq, yaşayış məskəni kimi Siğnağinin adı XVIII əsrin əvvəlində qeyd olunur (şəhərin adı Sığnaq - yəni sığınacaq sözündən yaranıb). 1762-ci ildə Kartli və Kaxetiya kralı II İrakli şəhərin inşasını başlatmış və Dağıstan qəbilələri tərəfindən baş verən soyğunçu hücumları dayandırmaq məqsədilə müdafiə qalasını ucaltmışdı.

1770-ci ilin siyahıyaalma nəticəsində, şəhərdə əsasən sənətkar və tacirlərdən ibarət 100 ailənin yaşadığı məlum olmuşdu. 1801-ci ildə Gürcüstan Rusiya İmperiyasının tərkibinə daxil edildikdən sonra, Siğnaği (Sığnaq) rəsmi şəhər statusu əldə etmiş və eyniadlı qəzanın mərkəzinə çevrilmişdir; 1802-ci ildə şəhər artıq Tiflis quberniyasının ərazisinə qatılmışdır. 1812-ci ildə, Sığnaq əhalisi Rusiya hakimiyyətinə qarşı Kaxetiyada baş vermiş üsyana qatılmışdır. Qafqaz müharibəsi zamanı, şəhər Dağıstan sərhəddinə yaxın olduğundan, "əhəmiyyətli bir yaşayış məntəqəsi olaraq qəbul olunurdu"[3].

Sovet dövründə ərazisi və əhali sayı sürətlə böyüyən şəhər tezliklə kənd təsərrüfatı mərkəzinə çevrilmişdi. Post-sovet Gürcüstanında baş verən ağır iqtisadi böhran şəhərə mənfi təsir göstərir, lakin bu yaxınlarda Gürcüstan hökuməti və bir sıra beynəlxalq təşkilatlar tərəfindən birgə maliyyələşdirməsi ilə başladılan böyük yenidənqurma layihəsi bölgəyə güclü turist axınına səbəb olmuşdu[4].

Coğrafiya və iqlim[redaktə]

Şəhər 2.978 km² ərazidə yayılmasına baxmayaraq, onun yalnız 24.3% hissəsində sakinlər məskunlaşmışdı[4]. Siğnaği Gürcüstanın paytaxtı Tbilisi şəhərindən təxminən 113 km cənub-şərqdə yerləşir. Siğnaği bələdiyyəsi şəhərin şərq və cənub-qərb tərəfindən eyni bitişik sərhəd yaradır. Siğnaği məhsuldar kənd təsərrüfatı və meyvəçilik regionu sayılan, QanıxQabırrıçayın ayrıcında yerləşən Qombori dağ silsiləsinin şərq ətəklərində yerləşir. Dəniz səviyyəsindən təxminən 790 m yüksəklikdə yerləşən şəhərdən Alazan Vadisinə Böyük Qafqaz dağlarına gözəl bir mənzərə açılır.

Siğnağinin mülayim rütubətli iqlimi var. İlin dörd mövsümü ümumilikdə mülayim soyuq qışı və isti yayı ilə seçilir. Ən aşağı orta temperatur 0,2 ° C yanvar ayında, ən yüksək orta istilik isə 24,3 ° C iyul ayında müşahidə edilir. Orta illik yağıntı miqdarı 602,1-949,7 mm arasında dəyişir.

Mədəniyyət və baxımlı yerlər[redaktə]

Siğnaği və onun ətrafında bir neçə tarixi və mədəni abidələri var; onların hamısı 1975-ci ildən dövlət tərəfindən mühafizə olunub. Şəhər XVIII əsrdə inşa olunmuş istehkam qalıqları ilə əhatə olunur. Siğnağinin mərkəzində Gürcü Ortodoks Kilsəsinə aid iki kilsə qorunub saxlanılır; onlardan biri müqəddəs Georgiyə, digəri isə müqəddəs Stefana həsr edilib. Siğnağidən 2 kilometr məsafədə yerləşən Bodbe monastırı keçmişdə Gürcüstanın həvarisi müqəddəs Nino ilə assosiasiya olunur və bu səbəbdən də yerli sakinlər buranı çox sevir və ziyarət edirlər.

Yerli Etnoqrafik və Arxeologiya Muzeyi, modernləşdirilmiş və "Siğnaği muzeyi" adı ilə müasir standartlara cavab verən sərgi məkanına çevrilmişdir[5]. Siğnaği Gürcüstanda "Sevgi şəhəri" kimi də tanınır.

İstinadlar[redaktə]

  1. Population statistics of Eastern Europe: Georgia — All places: 2002 census — yoxlanılıb: 11.8.2014
  2. The 2002 Census results, p. 47 (PDF format). The Statistics Department of Georgia. Retrieved on April 1, 2007.
  3. Van Halen, Don Juan. Narrative of Don Juan Van Halen's Imprisonment in the Dungeons of the Inquisition at Madrid: And His Escape in 1817 and 1818. New York: J & J Harper, 269.
  4. 4,0 4,1 The official website of Sighnaghi. Retrieved on April 1, 2007.
  5. Signagi Museum. Georgian National Museum. Retrieved on December 14, 2007.
  • Rosen, Roger. Georgia: A Sovereign Country of the Caucasus. Odyssey Publications: Hong Kong, 1999. ISBN 962-217-748-4

Xarici keçidlər[redaktə]

VikiAnbarda Siğnaği ilə əlaqəli mediafayllar var.

Wikivoyage-Logo-v3-icon.svg Wikivoyage-dan Sighnaghi barədə səyahət məlumatları

Koordinatlar: 41°37′ şm. e. 45°55′ ş. u. (G)