Bolnisi
| Bolnisi | ||||||||||
|---|---|---|---|---|---|---|---|---|---|---|
|
||||||||||
| Ölkə | Gürcüstan | |||||||||
| Bölgə | Kvemo Kartli | |||||||||
| Əsası qoyulub | 1818 | |||||||||
| Əvvəlki adı | Katarinenfeld | |||||||||
| Əhali | 11.300 nəfər (2009) | |||||||||
Bolnisi – Gürcüstan Respublikasının Borçalı bölgəsində şəhər, Bolnisi rayonunun inzibati mərkəzi.
Mündəricat |
[redaktə] Tarix
Bolnisi şəhəri azərbaycanlılar tərəfindən tarixən Çörük Qəmərli kimi adlandırılmışdır. Bununla yanaşı rayonun bəzi yerlərində əski türk dilində "Bol və ulus" (çoxmillətli) sözlərinin birləşməsindən yarandığı ehtimal edilən "Bolus" sözü ilə əlaqəli bir çox toponimlərin olması da diqqəti çəkir.
Bolnisi qəsəbə olaraq 1818-ci ildə Katarinenfeld adı altında Çar Rusiyası tərəfindən Qafqaza köçürülmüş almanlar tərəfindən təsis edilmişdir. Gürcüstanda Sovetlər Birliyi qurulduqdan sonra o, Roza Lüksemburqun şərəfinə Lüksemburq adını daşımışdır. Almanların sürgün edilməsindən sonra 1944-ci ildə bölgənin digər şəhərləri kimi buranın da adı dövlət dilinə uyğunlaşdırılaraq Bolnisi şəklinə salınmışdı.
[redaktə] Fiziki-coğrafi mövqeyi
Bolnisi şəhəri Gürcüstanın cənub-şərqində Maşavera çayının üzərində dəniz səviyyəsindən 520-600 metr yüksəklikdə, Rustavi şəhərindən 65 km. qərbdə, paytaxt Tiflisdən isə 63 km. cənub-qərbdə yerləşir. Havanın orta illik temperaturu 12 °C, o cümlədən yanvarda 0,0-0,3 °C, iyulda 23,6 °C, mütləq maksimum temperatur 40 °C, mütləq minimum temperatur -25 °C, illik yağıntı 400-500 mm təşkil edir.
[redaktə] Əhali
Gürcüstanda 2002-ci ildə aparılmış sonuncu əhali siyahıyaalmasının nəticələrinə görə şəhərin əhalisi 2614 ailədə 9938 nəfərdən idarət olmuşdur [1].
1942-ci ildə almanların Sibir və Qazaxıstana sürgün edilərək onların yerinə gürcülərin yerləşdirilməsi və 80-ci illərin sonlarında baş vermiş milli qarşıdurma zamanı aparılmış etnik təmizləmə əməliyyatları ilə əlaqədar olaraq şəhərin etnik mənzərəsi tam dəyişmişdir. Azsaylı erməni ailələləri çıxılmaqla Bolnisi yalnız gürcülərdən ibarət monoetnik şəhərə çevrilmişdir.
[redaktə] Mədəniyyət
Hazırda şəhərdə 3 dövlət ümumtəhsil məktəbi, 1 orta ixtisas məktəbi, 2 kitabxana, 1 teatr, 1 muzey və MV adını daşıyan 1 teleşirkət fəaliyyət göstərir.
[redaktə] İstinadlar
- Gürcüstan Statistika Departamentinin rəsmi internet səhifəsi
- Kvemo Kartli mxaresinin (quberniyasının) rəsmi internet səhifəsi
[redaktə] Həmçinin bax
| Bolnisi rayonu kəndləri |  |
|
|---|---|---|
|
Ölkə: Gürcüstan |
||
