Rustavi

Vikipediya, açıq ensiklopediya
Keçid et: naviqasiya, axtar
Rustavi
Rustavi-mərkəz.jpg
Bayraq Gerb
Bayraq
Gerb
Xəritədə yeri
Rustavi Gürcüstan xəritəsində
Rustavi
Rustavi
Məlumatlar
Ölkə Flag of Georgia.svg Gürcüstan
Bölgə Aşağı Kartli
Əsası qoyulub 1948
Əvvəlki adı Bostanşəhər
Ərazi 60.6[1] km²
Əhali 122 500[2] nəfər (2012)
Əhali sıxlığı 2016 nəfər/km²
İnternet saytı www.rustavi.ge

Rustavi (gürcücə: რუსთავი) — Gürcüstan Respublikasında Kvemo Kartli mxaresinin (tarixi Borçalı mahalı) mərkəz şəhəri. 1948-ci ildə şəhər kimi restrukturizasiya edilmiş Rustavinin tarixi adı Bostanşəhər olmuşdur.

Tarixi[redaktə]

1944-cü ildə hazırda Rustavi şəhəri adlanan ərazidə metallurgiya zavodu inşa edilməyə başlandı.[3] Zavodun inşası başa çatdıqdan sonra 1948-ci ildə bu yaşayış məntəqəsinə şəhər statusu verildi.[3]

Coğrafi mövqe[redaktə]

Respublika tabeli şəhər olan Rustavi Kür çayının sahilində, paytaxt Tiflisdən 25 km. cənub-şərqdə Qarayazı düzündə yerləşir. Coğrafi koordinatları 41° 33' şimal enliyi, 45° 2' şərq uzunluğudur. Rustavi (Bostandərə) şəhərinin sahəsi 61 km² - dir[4] .

Əhali[redaktə]

Rustavi şəhərinin əhalisi[5]
15.1.1959 sa. 15.1.1970 sa. 17.1.1979 sa. 12.1.1989 sa. 17.1.2002 sa. 1.1.2012 r.t.
62 395 98 210 129 084 158 661[6] 116 384 122 500[2]

2002-ci il Gürcüstanda keçirilmiş əhali siyahıyaalmasının nəticələrinə əsasən Rustavi şəhərinin əhalisinin sayı 116.384 nəfər təşkil etmişdir. Ailələrin orta say tərkibi 3,4 nəfərdir. 4-nəfərlik ailələr say baxımdan cəmi ailələrin 28%-ni təşkil edir. Əhalinin 87,8%-i gürcülər, 3,1%-i ruslardır. Hal-hazırda Rustavi şəhərində buranın tarixən ən böyük etnik qrupu olan 4993 nəfər (şəhər əhalisinin 4,3%-i) azərbaycanlı yaşayır. Digər mənbələrdə isə rustavidə yaşayan azərbaycanlıların sayı 14.000 nəfər kimi göstərilir. [7] Statistikaya görə 2006-cı ildə şəhərin əhalisinin sayı 118,2 minə çatmışdır. Rustavi əhalisinin sayına görə TiflisKutaisidən sonra Gürcüstanda 3-cü yeri tutur.

İqtisadiyyatı[redaktə]

Rustavi Gürcüstanın iri ağır sənaye mərkəzi hesab olunur. 1991-ci ildə Gürcüstan dövlət müstəqilliyini elan etdikdən sonra dərin iqtisadi tənəzzül ilə əlaqədar olaraq burada fəaliyyət göstərmiş 118 sənaye müəssisəsindən hal-hazırda cəmisi 3-ü işləyir. Metallurgiya və kimya sənayesi, o cümlədən gübrə və sement istehsalı inkişaf etmişdir. 2010-cu ildə Rustavidə uzun müddət bağlı qalan boru istehsal edən metallurgiya zavodu yenidən fəaliyyətə başlayıb. Yeni istehsal obyektinə 152 milyon dollar sərmayə yatırılıb və Cənubi Qafqaz fəaliyyət göstərən yeganə bu tipli zavoddur. [7]

Mədəniyyəti[redaktə]

Şəhərdə hal-hazırda 25 orta, 2 orta ixtisas, Gürcüstan Texniki Universitetinin və Tbilisi Dövlət Universitetinin filialları, eləcə də 1994-cü ildə əsası qoyulmuş "Rustavi 2" teleşirkəti fəaliyyət göstərir.

İstinadlar[redaktə]

Mənbə[redaktə]