Təbiət

Təbiət — maddi dünya, elmin öyrəndiyi əsas obyekt. Ətrafımızda gördüyümüz hər bir şey təbiət adlanır. Təbiət 2 yerə bölünür: canlı və cansız.

Cansız təbiət

Qeyri-maddi təbiət - enerjiyə malik olan maddə və fiziki sahə. Onun quruluşu aşağıdakı sıralama ilə gedir : elementar hissəcik, atom, kimyəvi element, planet, ulduz və kainat.

Maddə müxtəlif hallarda ola bilər :qaz, maye, bərk və plazma). Materialist dünyagörüşünə görə hesab edilir ki, qeyri-maddi təbiətin inkişafı canlı təbiətin yaranmasına gətirib çıxarıb.

Cansız təbiəti aşağıdakı şəkildə ayırmaq olar:

• Səma cisimləri (günəş, ay, planetlər, ulduzlar,)
• Hava cisimləri (Bulud, yağış, külək, şeh, qar)
• Yerin quru hissələri (materiklər, qitələr, adalar, yarımadalar, dağlar)
• Yerin sulu hissələri (okeanlar, dənizlər, göllər, çaylar, bulaqlar)

Canlı təbiət

Canlı təbiət — bütün orqanizmlərin cəmidir. Elmdə o 7 növə bölünür: viruslar, protistlər, arxeylər, bakteriyalar, göbələklər, bitkilər və heyvanlar. Canlı orqanizm biosferanın tərkib hissəsi olan ekosistemdə yaşayır. Təkamül nəzəriyyəsinə görə canlı orqanizmin inkişafı insanın yaranmasına gətirib çıxartmışdır.

Canlı təbiəti cansız təbiətdən fərqləndirən 5 əsas xüsusiyyəti qeyd etmək olar. Canlı təbiət

1. Tənəffüs edir;
2. Qidalanır;
3. İnkişaf edir;
4. Çoxalır;
5. Məhv olur.

Mənbə

• http://www.about-nature.ru/ Hər şey təbiət haqqında
• http://www.wwf.ru/ Vəhşi təbiət ümumdünya fondu

Ədəbiyyat

Масштабная гармония Вселенной,Сухонос С.И.,Москва,София,2000 г.