Ölümcül dost (film, 1986)

Vikipediya, açıq ensiklopediya
Keçid et: naviqasiya, axtar
Ölümcül dost
Ölümcül dost (film, 1986).jpg
Orijinal ad: ing. Deadly Friend
Rejissor: Ues Kreyven
Ssenari müəllifi: Roman:
Dayana Henstell
Uyğunlaşdıran:
Brüs Coel Rubin
Operator: Filipp H. Feltrop
Prodüser: Robert Krouford
Patrik Kelli
Robert M. Şerman
Rəssam: Maykl Eliott
Bəstəkar: Çarlz Börnşteyn
Rollarda: Metyu Labortö
Kristi Svenson
Enn Remsi
Çarlz Fleyşer
Janr: Elmi fantastika
İlk baxış tarixi: Flag of the United States.svg 10 oktyabr 1986
Flag of Argentina.svg 11 dekabr 1986
Flag of Australia.svg 1 yanvar 1987
Flag of Germany.svg 12 fevral 1987
Flag of France.svg 21 yanvar 1987
Flag of Japan.svg 28 fevral 1987
Flag of Finland.svg 27 mart 1987
Flag of Portugal.svg 13 fevral 1987
Flag of Spain.svg 27 noyabr 1987
Dil: İngilis dili
Ölkə: Flag of the United States.svg ABŞ
İstehsalçı qurum: Warner Bros.
Filmin növü: Qorxu filmi
Rəng: Rəngli
Vaxt: 92 dəqiqə
İl: 1986
Gəliri: $ 8,988,731 milyon[1][2]
IMDb səhifəsi

Ölümcül dost (ing. Deadly Friend) — 1986-cı ildə ABŞ-da istehsal olunmuş və Dayana Henstellin "Dost" romanının əsasında çəkilmiş elmi fantastika filmidir. Film "Frankenşteyn" filmlərinin yenisinə bənzəyir. Bu film Ues Kreyvenin Qarağac küçəsində qarabasma filmindən sonra çəkdiyi ən yaxşı filmidir. Filmdə robotun səsini "Qarağac küçəsində qarabasma" filmində Həkim Kinq rolunu canlandıran Çarlz Fleyşer səsləndirir.[3]

Seçilmiş sitatlar[redaktə | əsas redaktə]

Filmin seçilmiş sitatları[4] aşağıdakılardır:

  • O sənsiz yaşaya bilmir (ing. She can't live without you)
  • Bəzi insanlara yalnız ölmək yaxşıdır (ing. Some people are just better off dead)
  • Kim qonşuluqdakı qızla oynayır, orada sağ qalan yoxdur (ing. There's no one alive who'll play with the girl next door)
  • Auditoriyada sizi tutan zaman dostunuzu əvvəlcədən götürün! (ing. Grab A Friend before someone in the audience grabs you!)
  • Qarabasmaların hamısı heç də Qarağac küçəsində baş vermir (ing. Not all nightmares happen on Elm Street)

Məzmun[redaktə | əsas redaktə]

Filmin əvvəlində küçə oğrusu maşına girmək istəyir. Lakin onu robot əli boğmağa başlayır. Oğru geri qaçır və yandan maşına pərişan halda baxır. Bu zaman Pol və anası maşına daxil olur. 15 yaşlı Pol Konvey (Metyu Labortö) universitetin ən yaxşı tələbəsidir. Polun BB (Bi-Bi) adında robotu vardır. Bu robot Polun ən yaxın dostudur. Bir müddət keçdikdən sonra Pol Samanta (Kristi Svenson) adlı qıza aşiq olur. Pol, Samanta və Slaym günlərinin çoxunu əyləncələrlə keçirirlər. Onlar Samantanı qısaca "Sem" çağırırlar. Dostlar Elvira Parker (Enn Remsi) adında qocaya nifrət edirlər. Ona görə ki, qoca arvad cavan dostları həmişə təhqir edir. Məhz onların oyun topu qocanın həyətinə düşəndə, qoca topu öz evinə qoyur. Bir gün Hellouin bayramı gecəsində dostlar toplarını geri qaytarmaq niyyətinə düşürlər. Lakin qoca yuxudan oyanır və əlinə silahını götürür. Bu zaman Polun robotu söndürməsinə baxmayaraq Bi-Bi sıradan çıxaraq qəflətən qocanın üzərinə hücum edir. Elvira ona bir neçə dəfə atəş açaraq, onu məhv edir. Bu hadisədən dostlar çox pərişan olurlar.

Bir gün Polun sevdiyi qız Samanta evə qayıdan zaman əvvəldə olduğu kimi atasının hücumuna məruz qalır. Lakin bu dəfə Samanta atası tərəfindən öldürülür. Bundan xəbər tutan Pol dərhal xəstəxanaya gəlir. Xəstəxanada olan zaman eşidir ki, Samantanı xilas etmək mümkün deyil. Ona görə ki, onun beynini bir neçə saat keçdikdən sonra kompyuterdən ayıracaqlar. Bunu eşidən Pol Slaymın yanına gələrək, onun maşınını istəyir. Slaym əvvəlcə razı olmasa da, sonra onunla razılaşır. Pol gizlincə olaraq xəstəxanaya daxil olur. Pol Samantanın bədənini Slaymın maşınında qaçırır. Gecə vaxtı Pol onun üzərində əvvəldə olduğu kimi eyni eksperimenti aparır. Onun beyninin üzərinə çip qoyur. Bu zaman Samantanın ayağı tərpənir. Slaym bundan heyrətlənərək huşunu itirir. Lakin sonra Pol onu ayıldır. Artıq Samanta dirilmişdir. Pol onu Bi-Bi-ni idarə etdiyi pultla idarə etməyə başlayır.

Lakin robotun çatışmazlığı var idi. Bu çatışmazlıq özünü qızda da göstərir. Samantanın yavaş-yavaş huşu yerinə qayıdır. Onun atası tərəfindən necə döyüldüyü, Elviranın Bi-Bi-ni necə məhv etdiyi yadına düşür. Çünki, Samanta artıq yarı Samanta, yarı Bi-Bi robotdur.

Samanta atasının yaşadığı evə gəlir. Bundan qorxan atası qaçmağa başlayır. Lakin Samanta onu boğaraq içində alov olan yerə atır. Pol səhər tezdən Samantanın qaçdığını başa düşür. Onun dalınca bir neçə saat qaçdıqdan sonra bir evdən qara tüstü çıxdığını görür. Pol evə daxil olan zaman Samantanın atasını alov içində meyitini görür. Pol onu kömür olan yerə qoyur və Samantanı yenidən evinə aparır. Pol gecə vaxtı yuxusunda çarpayının içindən Samantanın atasının necə çıxdığını görür. Pol onun yanmış kəlləsini görərək qışqırmağa başalayır. Ayılan zaman Pol bunun bir yuxu oldğunu başa düşür.

Lakin bununla iş bitmir. Samanta qoca arvadı öldürmək niyyətindədir. Samanta qocanın evinə daxil olur. Bundan şübhələnən qoca polislərə zəng edir. Lakin polislər bunun yalan olduğunu fikirləşirlər. Bu zaman Samanta qocanın üzərinə hücum edir. Qocanın ona müqavimət göstərməsinə baxmayaraq, Samanta onun kəlləsini həmin basketbol topu ilə partladır. Bunu görən polislər vahiməyə gəlirlər. Pol isə bunun Samantanın etdiyini başa düşür.

Artıq Slaym bütün bunlara dözə bilmir. Polislərə zəng etmək niyyətindədir. Pol onunla mübahisə etməyə başlayır. Bu mübahisədə Slaym burnundan zədə alır. Samanta isə qaçmağa başlayır. Pol onun ardınca gedir. Pol yolda əvvəldə onu ələ salmağa çalışan, lakin buna icazə verməyən Bi-Bi robotunun qorxutduğu adamla rastlaşır. Həmin adam Polu döyməyə başlayır. Lakin buna Samanta icazə vermir. Bu zaman polislər də Samantanın izinə düşmüşdür. Samanta Polu döymək istəyən adamı polis maşınına çırpır. Samanta evinə qaçmağa, Pol isə onu yenidən izləməyə başlayır. Pol ona yetişən zaman polislər də onlara çatırlar.

Bu müddətdə Samanta insan kimi düşünməyə başlayır. Samanta Polun polislər tərəfindən saxlanıldığını və polislərin ona silah tuşladıqlarını görür. Samanta onların üzərinə hücum edir. Pol ona yetişə bilmir. Bu zaman Samanta polislərin başçısı tərəfindən güllə ilə vurulur və yerə yıxılır. Samanta ölür.

Filmin sonunda həkimlər tərəfindən Samantanın ölü bədəni buz olan yerə qoyulur. Bu zaman Pol yenidən gizlincə peyda olur. Pol onun bədənini ikinci dəfə qaçırmağı qərara alır. Lakin artıq Samantanın beyni ölüdür. Onun bədənini robot idarə edir. Robot Samantanın bədənindən çıxaraq Polu boğur və onu öldürür.

Rollarda[redaktə | əsas redaktə]

Aktyor/aktrisa Rol Orijinal rolun adı Qeydlər
Metyu Labortö Pol Konvey ing. Paul Conway Əsərin baş qəhrəmanı
Kristi Svenson Samanta Prinq ing. Samantha Pringle Polun sevdiyi qız
Enn Remsi Elvira Parker ing. Elvira Parker Tələbələri cana gətirən qoca arvad
Maykl Şarett Tom "Slaym" Tumi (Polun dostu) ing. Tom 'Slime' Toomey Polun ən yaxın dostu
Çarlz Fleyşer BB robotun səsi ing. BB BB robotunun səsini çıxardır
Enn Tvumey Cini Konvey ing. Jeannie Conway Polun anası
Riçard Markus Harri Prinql ing. Harry Pringle Samantanın atası
Rus Marin Həkim Coanson ing. Dr. Johanson Həkim
Cim İşida Həkim ing. Dr. Filmin sonundakı Yapon həkim
Li Pol Serjant Volçek ing. Lee Paul Filmin sonunda Samantanı atəşlə vuran polis
Nensi E. Barr Robot ing. BB Filmin sonunda Samantanın üzü əriyəndə (həmin üzlü adam)

Alternativ versiyalar[redaktə | əsas redaktə]

Warner Bros. kompaniyasl 25 sentyabr 2007-ci ildə DVD-də filmin alternativ və kəsilmiş hissələrini istehsal edib. Filmin alternativ versiyaları[5] aşağıdakılardır:

  • Film ilk dəfə Kanadanın Ontario şəhərində göstərilən zaman Samantanın Elviraya vurduğu "Basketbol ölümü" adlanan səhnəsi göstərilmişdir.

Filmin kəsilmiş hissələri:

  • İlk versiyaya görə, Pol Samantanın atasından fikirləşəndə, onun atasının bütün yanmış bədənini görür. Lakin son versiyaya görə, Samantanın atasının bütün bədəni yox, yalnız yanmış başı göstərilmişdir.
  • Samanta atası ilə mübahisə edən zaman güldanı sındıran zaman üzü böyük planda qanla göstərilir.
  • Pol Samantanın bədəninin baş hissəsini çıxaran zaman üzünün skeletləri görsənməyə başlayır.
  • "Basketbol ölümü" adlanan qəmgin səhnə nisbətən böyük planda göstərilmişdir ki, beyinin divara dağılmış bütün hissələri görsənsin. Qan Samantanın üzünə tökülür.

Filmin bütün kəsilmiş hissələri, VHS formatı və filmin rejissor versiyası Avstraliyada göstərilmişdir.

Maraqlı faktlar[redaktə | əsas redaktə]

  • Filmin sonuna yaxın Samanta Polu döymək istəyən adamı başı üzərinə qaldırarkən, gözucu görmək olar ki, həmin adam nəyinsə üzərində qalıb.[6]
  • Film çəkilən zaman Ues Kreyven həyat yoldaşından Mimi Kreyvendən ayrılmışdır.

Mükafatlar[redaktə | əsas redaktə]

Filmin mükafatları[7] aşağıdakılardır:

İl Mükafat Layiq görülüb Kateqoriya Nəticə
1985 Cavan Aktyor Mükafatı Maykl Şarett Qorxulu Hərəkət Filmində Ən Yaxşı Cavan Aktyor mükafatı Nominasiya
1985 Cavan Aktyor Mükafatı Kristi Svenson Qorxulu Hərəkət və Drama Filmində Favarit Yeniyetmə mükafatı Nominasiya

Saundtrek[redaktə | əsas redaktə]

Filmin musiqiləri Çarlz Börnşteynnə məxsusdur. 2007-ci ildə DVD-də çıxan zaman filmin saundtreklərinə yeni "Interview with Charles Bernstein and Wes Craven" adlı saundtreklər toplusu əlavə olunub. Topluya daxil olan saundtreklər Çarlz BörnşteynUes Kreyvenin müsahibə zamanı səslənirdi.[8][9]

Orijinal saundtrek[redaktə | əsas redaktə]

Əlavə olunmuş yeni saundtreklər[redaktə | əsas redaktə]

Ölkələrdə çıxış tarixi və adı[redaktə | əsas redaktə]

Ölkə Çıxış tarixi Adı Dil
Flag of Azerbaijan.svg Azərbaycan Rəsmi çıxış tarixi yoxdur Ölümcül dost Azərbaycan dili
Flag of the United States.svg ABŞ 10 oktyabr 1986 Deadly Friend İngilis dili
Flag of Argentina.svg Argentina 11 dekabr 1986 Obsesión fatal İspan dili
Flag of Germany.svg AFR 12 fevral 1987 Der tödliche Freund Alman dili
Flag of Australia.svg Avstraliya 1 yanvar 1987 Deadly Friend İngilis dili
Flag of France.svg Fransa 21 yanvar 1987 L'amie mortelle Fransız dili
Flag of Brazil.svg Braziliya 30 aprel 1987 A Maldição de Samantha Portuqal dili
Flag of the United Kingdom.svg Böyük Britaniya Rəsmi çıxış tarixi yoxdur Deadly Friend İngilis dili
Flag of Poland.svg Polşa Rəsmi çıxış tarixi yoxdur Przyjazn na smierc i zycie Polyak dili
Flag of Italy.svg İtaliya Rəsmi çıxış tarixi yoxdur Dovevi essere morta İtalyan dili
Flag of Finland.svg Finlandiya 27 mart 1987 Skräcket som granne Fin dili
Flag of Spain.svg İspaniya 27 noyabr 1987 Amiga mortal İspan dili
Flag of Slovenia.png Sloveniya Rəsmi çıxış tarixi yoxdur Smrt po smrti Sloven dili
Flag of Hungary.svg Macarıstan Rəsmi çıxış tarixi yoxdur Halálos barát və ya Ösztöndíjjal a pokolba Macar dili
Flag of Russia.svg Rusiya Rəsmi çıxış tarixi yoxdur Смертельный друг Rus dili
Flag of Turkey.svg Türkiyə Rəsmi çıxış tarixi yoxdur Ölümcül arkadaş və ya Öldüren Sevgili[10] Türk dili
Flag of Japan.svg Yaponiya 28 fevral 1987 デッドリー・フレンド Yapon dili
Flag of Mexico.svg Meksika Rəsmi çıxış tarixi yoxdur Obsesión fatal İspan dili
Flag of Canada.svg Kanada Rəsmi çıxış tarixi yoxdur L'amie mortelle (fransızca) İngilis dili
Flag of Serbia.svg Serbiya Rəsmi çıxış tarixi yoxdur Smrtonosni prijatelj Serb dili
Flag of Portugal.svg Portuqaliya 13 fevral 1987 O Amigo Mortal Portuqal dili
Flag of Greece.svg Yunanıstan Rəsmi çıxış tarixi yoxdur Thanasimos filos Yunan dili
Flag of Peru (state).svg Peru Rəsmi çıxış tarixi yoxdur Obsesión fatal İspan dili
Flag of Sweden.svg İsveç Rəsmi çıxış tarixi yoxdur Skräcket som granne İsveç dili
Flag of the Netherlands.svg Niderland Rəsmi çıxış tarixi yoxdur Afbeelding gewenst Holland dili

Ədəbiyyat[redaktə | əsas redaktə]

  • Henstell, Diana. "Friend". (New York City, New York, USA), Bantam Books, October 1985, Pg. 323,

İstinadlar[redaktə | əsas redaktə]

  1. Filmin gəliri imdb.com Yoxlanılıb: 27 iyul 2015
  2. Filmin gəliri boxofficemojo.com Yoxlanılıb: 27 iyul 2015
  3. "Ölümcül dost filmi". The Numbers. http://www.the-numbers.com/movies/1986/0DEFR.php. İstifadə tarixi: 27 Avqust 2011.
  4. Ölümcül dost filminin seçilmiş sitatları Yoxlanılıb: 24 sentyabr 2014
  5. Ölümcül dost filminin alternativ versiyaları Yoxlanılıb: 24 sentyabr 2014
  6. Ölümcül dost filmi haqqında maraqlı faktlar Yoxlanılıb: 24 sentyabr 2014
  7. Ölümcül dost filminin mükafatları Yoxlanılıb: 24 sentyabr 2014
  8. Ölümcül dost filminin saundtrekləri Movemusic.com saytında, Yoxlanılıb: 24 sentyabr 2014
  9. Ölümcül dost filminin saundtrekləri Diskogs.com saytında, Yoxlanılıb: 24 sentyabr 2014
  10. Ölümcül dost filmin çıxış tarixi və digər dillərdə adı Imdb.com saytında, Yoxlanılıb: 26 sentyabr 2014

Xarici keçidlər[redaktə | əsas redaktə]