Şuşa həbsxanası

Vikipediya, azad ensiklopediya
Jump to navigation Jump to search
Şuşa həbsxanası
Şuşa həbsxanası.jpg
Şuşa qalası divarlarının Ağoğlan qapısı tərəfdən Şuşa həbsxanasının görünüşü
Yeri ŞuşaŞuşa şəhərinin gerbi.png Şuşa
Koordinatları 39°46′01″ şm. e. 46°45′23″ ş. u.
Açılma tarixi 1848
Vikianbarın loqosu Vikianbarda əlaqəli mediafayllar
Şuşa həbsxanasının işğaldan azad edildikdən sonra çəkilmiş giriş qapısı

Şuşa həbsxanası — 1848-ci ildə Çar Rusiyası dövründə Şuşa şəhərində inşa olunmuş cəzaçəkmə müəssisəsi.[1] Həbsxana Şuşa qalasının şərq tərəfində yerləşir və qalanın aşağı divarları həbsxanaya söykənir.[2] SSRİ dövründə qapalı tipli cəzaçəkmə müəssisəsi kimi fəaliyyət göstərib.

1992-ci il may ayının 8-də Şuşa şəhəri işğal olunan zaman həbsxana da Ermənistanın nəzarətinə keçmişdir.[3] 2020-ci il noyabrın 8-də Şuşa şəhəri azad edilərkən həbsxanada yenidən Azərbaycanın nəzarətinə qayıtmışdır.[4]

Tarixi[redaktə | mənbəni redaktə et]

1848-ci ildə Rusiya İmperiyası dövründə Şuşa şəhərində inşa edilmişdir. Həbsxana Şuşa qalasının aşağı tərəfində, şərq qapısı yaxınlığında tikilmişdir. Həbsxananın inşa edilməsi zamanı qala divarlarının bir hissəsi və müdafiə qüllələri həbsxana divarları kimi istifadə edilmişdir.[2] Bu zaman Şuşa qalasının Ağoğlan qapısı həbsxanaya giriş kimi dəyişdirilərək yenidən formalaşdırılmışdır.[2]

Şuşa həbsxanası Rusiya İmperiyası və SSRİ hakimiyyəti dövründə ən dəhşətli türmələrdən hesab olunurdu. Sovet hakimiyyəti illərində qapalı tipli cəza çəkmə müəssisə kimi fəaliyyət göstərib. Əsasən ağır cinayət törətmiş məhbusların saxlanma yeri olub.

Şəhər işğal edildikdən sonra həbsxana 1995-ci ildən Qondarma Dağlıq Qarabağ Respublikasıda cinayət törədən şəxslərin saxlanıldığı islah-əmək düşərgəsinə çevrilib.[5]

Qondarma Dağlıq Qarabağ Respublikası zamanı həbsxana 3 rejimdə — qapalı, yarımqapalı və açıq fəaliyyət göstərirdi. Qapalı rejimdə cəza çəkənlərin sayı 33 nəfərdən ibarət olduğu bildirilirdi. Yarımqapalı rejimdə 41, açıq rejimdə isə daha 58 nəfər cəza çəkirdi. Ümumlikdə, həbsxana 350 nəfərin cəza çəkməsi üçün nəzərdə tutulub.

Müasir dövr[redaktə | mənbəni redaktə et]

2020-ci il noyabrın 8-də Şuşa ordumuz tərəfindən azad edilənə qədər həbsxanadakı gizli hücrələrdə azərbaycanlı Dilqəm Əsgərov və Şahbaz Quliyev də saxlanılırdı. 2014-cü il iyulun 11-də Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcər rayonunda öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, Azərbaycan vətəndaşı Həsən Həsənov isə öldürülüb. İşğal altındakı Dağlıq Qarabağda Dilqəm Əsgərov və Şahbaz Quliyev üzərində qanunsuz "məhkəmə" qurublar. "Məhkəmə"nin qərarı ilə Dilqəm Əsgərov ömürlük, Şahbaz Quliyev isə 22 il müddətinə azadlıqdan məhrum edilmə cəzasına məhkum olunub.[6]

Azərbaycan ordusunun əkshücum əməliyyatlarına görə 4 oktyabr 2020-ci ildə Dilgəm Əsgərov və Şahbaz Quliyev saxlanıldıqları Şuşa həbsxanasından Ermənistana aparıblar.[7] Onlarla bərabər digər məhbuslarda şəhər azad edilməmişdən öncə Ermənistana aparılıblar.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. Şuşa türməsindən ən yeni
  2. 1 2 3 Авалов, 1977. səh. 35
  3. Qəhrəmanlı, Gültəkin (15 may 2010). "Ermənilərin "dağlarda toy" əməliyyatı". anl.az. Ədalət. 9–10. İstifadə tarixi: 6 fevral 2019.
  4. Əliyev, İlham (8 noyabr 2020). "Release of the Press Service of the President" (ingilis). Azərbaycan Prezidentinin Administrasiyası. 9 noyabr 2020 tarixində arxivləşdirilib. İstifadə tarixi: 8 noyabr 2020.
  5. Şuşa həbsxanası — Dilqəmlə Şahbazın əsir saxlanıldığı yerdən — VİDEO/FOTOLAR
  6. "Əsirlikdə olan Dilqəm Əsgərovdan məktub: "Ürəyimdə, başımda və sağ ayağımda şiddətli ağrılar var"". www.kanal13.tv. www.kanal13.tv. 16 fevral 2017 tarixində arxivləşdirilib. İstifadə tarixi: 16 fevral 2017.
  7. "Dilqəm Əsgərov və Şahbaz Quliyev Ermənistana aparıldı". teleqraf.com. teleqraf.com. İstifadə tarixi: 8 noyabr 2020.

Ədəbiyyat[redaktə | mənbəni redaktə et]

  • Авалов, Э. В. (1977). Архитектура города Шуши и проблемы сохранения его исторического облика. Баку: Элм.
  • Фатуллаев, Ш. С. (1970). Памятники Шуши. Баку.
  • Саламзаде, А. В. (1964). Архитектура Азербайджана XVI-XIX вв. Баку.

Xarici keçidlər[redaktə | mənbəni redaktə et]