Üzeyir Hacıbəyovun heykəli (Şuşa)

Vikipediya, azad ensiklopediya
Jump to navigation Jump to search
Üzeyir Hacıbəyovun heykəli
2021-ci ildə yenidən bərpa olunmuş heykəlin rəsmi
2021-ci ildə yenidən bərpa olunmuş heykəlin rəsmi
Ölkə Azərbaycan
Yerləşir Şuşa
Heykəltəraşlar Əhməd Salikov, Aslan Rüstəmov, Teymur Rüstəmov, Mahmud Rüstəmov
Tarixi 1985
Vəziyyəti 2021-cü ildə yenidən qoyulub
Material Bürünc

Üzeyir Hacıbəyovun heykəli — 1985-ci ildə azərbaycanlı bəstəkar, musiqişünas-alim, publisist, dramaturq, pedaqoq və ictimai xadim, müasir Azərbaycan peşəkar musiqi sənətinin və milli operasının banisi, Azərbaycan Respublikası himninin bəstəkarı, müsəlman şərqində ilk operanın müəllifi Üzeyir Hacıbəyova doğma şəhəri Şuşada ucaldılmış abidə. Heykəl Şuşa şəhərinin işğalından sonra erməni vandalizminin qurbanı olmuşdur. Şəhər işğaldan azad edildikdən sonra 2021-ci ildə yenidən bərpa olunmuş, avqusun 29-da rəsmi açılışı baş tutmuşdur.[1]

Tarixi[redaktə | mənbəni redaktə et]

1985-ci ildə Üzeyir Hacıbəylinin 100 illik yubileyi münasibətilə Şuşada bəstəkarın heykəli ucaldılmışdı. Heykəltaraş Əhməd Salikov tərəfindən hazırlanan abidə 1992-ci ildə Birinci Qarabağ müharibəsi zamanı erməni vandalizminə məruz qalaraq tamamilə məhv edilib.[2]

Yalnız şəhər işğaldan azad edildikdən sonra heykəlin bərpa edilməsi gündəmə gəlmişdir.

Bərpa edilməsi[redaktə | mənbəni redaktə et]

1985-ci ildə Şuşada Üzeyir Hacıbəylinin heykəlinin açılışı

Azərbaycan Prezidenti İlham Əliyevin tapşırığına uyğun olaraq bəstəkarın yeni heykəli hazırlanıb.

Heykəlin modeli qalmadığından yeni abidə o dövrün mətbuatında dərc olunan və arxivdə saxlanılan fotolar əsasında yaradılıb.[1]

Heydər Əliyev Fondunun dəstəyi ilə bürüncdən hazırlanan heykəl Şuşa şəhərində öz əvvəlki yerində ucaldılıb. Abidə heykəltaraşlar Aslan Rüstəmov, Teymur Rüstəmov, Mahmud Rüstəmov tərəfindən hazırlanıb.[1]

2021-ci il avqustun 29-da Şuşa şəhərində Üzeyir Hacıbəylinin yeni heykəlinin açılışı olub. Azərbaycan Respublikasının Prezidenti İlham Əliyev və birinci vitse prezident Mehriban Əliyeva heykəlin üzərindəki örtüyü götürərək heykəlin açılışını ediblər.[1]

İstinadlar[redaktə | mənbəni redaktə et]