Firari Mustafa Paşa

Vikipediya, azad ensiklopediya
Naviqasiyaya keçin Axtarışa keçin
Firari Mustafa Paşa
Osmanlı türkcəsi: خليجى داماد مصطفى پاشا
may 1656 – may 1657
(ləqəbi: Qara)
ƏvvəlkiHasəki Mehmed Paşa
SonrakıŞahsüvarzadə Mehmed Paşa
mart 1656 – may 1656
ƏvvəlkiMərzifonlu Mustafa Paşa
SonrakıTopal Kənan Paşa
Şəxsi məlumatlar
Vəfat tarixi 1671
Vəfat yeri
Fəaliyyəti siyasətçi
Uşağı Mehmed Paşa

Firari Mustafa Paşa (v. 1671, Bəsrə, Bəsrə vilayəti, Osmanlı imperiyası) — IV Murad, Sultan İbrahimIV Mehmed səltənətində müxtəlif vəzifələrdə xidmət edən Osmanlı dövlət xadimi, Misir bəylərbəyi.

Həyatı[redaktə | mənbəni redaktə et]

Doğum tarixi haqqında məlumat yoxdur. Əndərunda təlim-tərbiyə edildikdən sonra Sultan Muradın silahdarlığına gətirildi. 1643-cü ildə vəzir rütbəsiylə divana daxil oldu. 1644-cü ildə Diyarbəkir, 1649-cu ildə Bağdad, 1650-ci ildə yenidən Diyarbəkir, 1651-ci ildə isə Hələb bəylərbəyi təyin edildi. Bir il sonra vəzifədən alınsa da, 1653-cü ildə yenidən Hələbə, 1655-ci ildə yenidən Diyarbəkirə təyin olundu. 1656-cı ilin martında kaptan-ı dəryalığa gətirilsə də, həmin ilin mayında bu vəzifəsindən istehfa edərək öz istəyilə Misir bəylərbəyliyinə gətirildi. 1657-ci ilin mayında vəzifədən alındı ancaq sədrəzəm Körpülü Mehmed Paşa tərəfindən haqqında açılan təftişdən qorxaraq qaçıb gizləndi. Sədrəzəmin 1661-ci ildə vəfatının ardından üzə çıxdı və Sultan Mehmed tərəfindən bağışlanaraq Van bəylərbəyi təyin edildi. 1663-cü ildə RumeliŞam, 1664-cü ilin avqustunda yenidən Bağdad, 1665-ci ilin iyununda Anadolu, 1666-cı ildə yenidən Şam, 1667-ci ilin aprelində yenidən Bağdad, 1670-ci ildə isə Bəsrə sancaqbəyi oldu. Bu vəzifədə ikən 1671-ci ildə vəfat etdi. Mehmed Paşa adlı oğlu olduğu məlumdur.

Mənbə[redaktə | mənbəni redaktə et]

  • Sicill-i Osmani IV, səh. 172