Küratağ qalası

Vikipediya, azad ensiklopediya
Jump to navigation Jump to search
Küratağ qalası
Ölkə Azərbaycan Azərbaycan
Şəhər Xocavənd
Yerləşir Düdükçü kəndi
Vəziyyəti xarabalıqları qalıb
Küratağ qalası kilsəsi (Azərbaycan)
Locator Dot2.gif
Küratağ qalası
kilsəsi

Küratağ qalasıXocavənd rayonunun Düdükçü kəndi yaxınlığında, dağlıq ərazidə yerləşən tarix-memarlıq abidəsi.

Yerləşməsi[redaktə | əsas redaktə]

Qala əlçatmaz yüksəkliyə malik ərazidə yerləşir. Üç tərəfdən sıldırım qayalarla əhatə olunmuş, bir tərəfdən isə onu xarici aləmlə əlaqələndirən yol açlmışdır.[1] Qalanın yerləşdiyi ərazidən bütün ətraf ərazilərə nəzarət etməyə imkan verən mənzərə açılır.

Memarlıq xüsusiyyətləri[redaktə | əsas redaktə]

Qala dövrümüzə ciddi dağıntılara məruz qalmış şəkildə çatmışdır. Vaxtilə onun yerləşdiyi ərazidə ağaclar və kollar arasında qala divarları və yarımdairəvi qüllələrin qalıqları görünməkdədir.[1]

Qala divarlarınn inşası zamanı ərazinin relyefi də nəzərə alınmışdır və buna görə də, qala qeyri-səlis dördbucaqlı formasına malikdir. Qalanın ən yüksək hissəsində, iki qüllə arasında giriş qapısı yerləşir. Vaxtilə qala divarları ilə əhatə olunmuş ərazi düzləşdirilmiş relyefə malik olmaqla 300m2 sahəyə malikdir.[1]

Qala ərazisində su saxlancı kimi istifadə edilən geniş hovuz yonulmuşdur. Araşdırılmış keramik boruların istiqamətindən müəyyən edilmişdir ki, su hovuza qalanın cənub tərəfindəki bulaqdan gətirilirmiş.[1]

İstinadlar[redaktə | əsas redaktə]

  1. 1 2 3 4 Мкртчян, 1989. səh. 96

Ədəbiyyat[redaktə | əsas redaktə]

  • Мкртчян, Ш.М (1989), Историко-Архитектурные Памятники Нагорного Карабаха, Ереван

Həmçinin bax[redaktə | əsas redaktə]