Çiləbürt qalası

Vikipediya, azad ensiklopediya
Jump to navigation Jump to search
Çiləbürt qalası
Jraberd Fortress of the Princely House of Atabekians.jpgQala divarlarının dövrümüzə çatmış xarabalıqları
40°14′19″ şm. e. 46°39′48″ ş. u.
Ölkə Azərbaycan Azərbaycan
Şəhər Tərtər
Yerləşir Çiləbürt kəndi
Aidiyyatı Qafqaz Albaniyası
Xaçın knyazlığı
Material daş, əhəng məhlulu
Vəziyyəti xarabalıqları qalıb
İstinad nöm.4041
KateqoriyaQala
ƏhəmiyyətiYerli əhəmiyyətli
Çiləbürt qalası (Azərbaycan)
Locator Dot2.gif
Çiləbürt qalası

Çiləbürt qalası və ya Çaraberd qalasıTərtər rayonunun Çiləbürt kəndində yerləşən tarix-memarlıq abidəsi. Qala, TərtərTurağay çaylarının birləşdiyi yerdə, sıldırım qaya üzərində inşa edilmişdir. Orta əsr mənbələrində qala həm də CraberdÇaraberd adı ilə qeyd edilir.

Çiləbürd qalası ilk dəfə VII əsrin 20-ci illərində xəzərlərin Qafqaz Albaniyasına yürüşləri ilə bağlı Moisey Kalankatlı tərəfindən xatırlanır. Sülh vaxtı Çiləbürt qalası boş və istifadəsiz qalır, yalnız müharibə zamanı əhali qaladan sığınacaq kimi istifadə edirdi.

Qaladan Üç körpə monastırına aparan cığırın altında 1.5 metr diametrə malik tunel vardır. Qala böyük ərazini əhatə edir. Qala divarları daxilində süni düzləşdirilmiş meydançalar, çoxlu sayda tikililərin qalıqları və məzar daşları vardır.

Yerləşməsi[redaktə | mənbəni redaktə et]

Çiləbürt qalası TərtərTurağay çaylarının birləşdiyi yerdə, sıldırım qaya üzərində inşa edilmişdir. İki tərəfdən – şərq və qərbdən - Tərtər və Turağay çayları üzərində vertikal divarlar asılmışdır, sıldırım qayanın cənub tərəfi isə Tərtər çayına enir.[1] Ş. Mkrtçyan qeyd edir ki, qala ətrafında kiçik də olsa düz relyefli ərazi tapmaq mümkün deyildir.[1] Lakin, qalanı əlçatmaz edən yalnız onun möhtəşəm divarları və əlçatmaz sıldırım qayalar deyil. Qala üç tərəfdən çayların coşğun suları ilə əhatə olunmuşdur.[1]

Tarixi[redaktə | mənbəni redaktə et]

Orta əsr mənbələrində qala həm də CraberdÇaraberd adı ilə qeyd edilir. Tarixçi Mxitar Qoş Alban salnaməsi əsərində Arrana yürüşlərdən bəhs edərkən “Çaraberd knyazı və onun qalası”[2] ifadəsini işlədir.

Çiləbürd qalası ilk dəfə VII əsrin 20-ci illərində xəzərlərin Qafqaz Albaniyasına yürüşləri ilə bağlı xatırlanır. Moisey Kalankatlı qeyd edir ki, Alban Katolikosu Viro “Bu böyük ölkənin...o zaman Çaraberd qalasında olan bütün rəhbər kişilərini, hökmdar ailəsindən olan zadəganları, havar rəhbərlərini, kənd ağsaqqallarını, iyerey, dyakon və yazarları...öz yanına çağırdı.”[3]

Sülh vaxtı Çiləbürt qalası boş və istifadəsiz qalır, yalnız müharibə zamanı əhali qaladan sığınacaq kimi istifadə edirdi.[1] Sonuncu dəfə 1789-cu ildə Çiləbürt qalası məlik Məclumun ailəsi tərəfindən sığınacaq kimi istifadə olunmuşdur.[1]

Memarlıq xüsusiyyətləri[redaktə | mənbəni redaktə et]

Qaladan Üç körpə monastırına aparan cığırın altında 1.5 metr diametrə malik tunel vardır.[1] Bu tunel qalanın qarşı tərəfinə, yüksəklik əraziyə aparır.[1] Buradan qalaya keçid etmək qismən rahatdır.

Qala böyük ərazini əhatə edir. Qala divarları daxilində süni düzləşdirilmiş meydançalar, çoxlu sayda tikililərin qalıqları və məzar daşları vardır.[4] Ehtimal ki, qala ərazisində müvəqqəti yaşayış binaları və hərbi düşərgə olmuşdur. Gizli girişin yığılıb-açılan pilləkənləri vasitəsi ilə qayalıqdan Tərtər çayına düşmək mümkündür.[4] Əsrlər boyunca yerləşdiyi havarın əsas müdafiə mərkəzi olan Çiləbürt qalası xırda çığırlar və dağ yolları vasitəsiylə Müqəddəs Yelisey, Ürəkvəng, Üç Körpə, XudavəngGəncəsər kimi dini mərkəzlər, həmçinin 300-dən artıq dağ kəndi ilə əlaqələndirilmişdir.[4]

İstinadlar[redaktə | mənbəni redaktə et]

  1. 1 2 3 4 5 6 7 Мкртчян, 1989. səh. 53
  2. Гош, Мхитар. Албанская хроника (пер. З. М. Буниятова). Баку: Элм. 1960.
  3. Мовсес Каганкатваци, «История страны Алуанк» (в 3-х книгах), Перевод с древнеармянского Ш. В. Смбатяна, Институт древних рукописей им. Маштоца — Матенадаран, Ереван, 1984 г., 87
  4. 1 2 3 Мкртчян, 1989. səh. 54

Ədəbiyyat[redaktə | mənbəni redaktə et]

  • Мкртчян, Ш.М, Историко-Архитектурные Памятники Нагорного Карабаха, Ереван, 1989

Həmçinin bax[redaktə | mənbəni redaktə et]