Qalaç Məhəmməd qalası
| Qalaç Məhəmməd qalası | |
|---|---|
| Şəhər | Balakən |
| Tikilmə tarixi | XIX əsr |
| Material | daş |
Qalaç Məhəmməd qalası — Balakən şəhəri ərazisində yerləşən tarix-memarlıq abidəsi.[1]
Tarixi
[redaktə | vikimətni redaktə et]Qala XIX əsrdə Balakən camaatının ağsaqqalı olan Qalaç Məhəmməd tərəfindən inşa etdirilmişdir.[1] Ağsaqqalın ərazini ələ keçirən Rusiya İmperiyası ordusuna təslim olmasından sonra Şeyx Şamil qalanı ələ keçirərək yandırmışdır.[1]
Memarlıq xüsusiyyətləri
[redaktə | vikimətni redaktə et]Abidə əyri dördbucaqlı formasına malik qala divarları və divarların əhatə etdiyi ərazinin mərkəzində yerləşən qüllədən ibarətdir. Divarların hündürlüyü iki metrə çatır. İnsan boyu hündürlükdə divarlar boyunca mazqallar yerləşdirilmişdir.[1] Qala divarlarının əhatə etdiyi ərazinin ölçüləri 20 x 50 metrə bərabərdir.[1]
Qalanın mərkəsində yerləşən qüllənin üç mərtəbəsi dövrümüzə çatmışdır.[1] Qüllənin yeganə qapısı yer səviyyəsində yerləşir. Qapının ölçüləri 0.86 x 1.45 metrə bərabərdir.[1] Qüllənin divarlarında da mazqallar yerləşdirilmişdir.[1] Qüllə daha əvvəl beş mərtəbəli olmuşdur.[1]
İstinadlar
[redaktə | vikimətni redaktə et]Ədəbiyyat
[redaktə | vikimətni redaktə et]- Бретаницкий Л., Мамиконов Л. Оборонительные сооружения Закатальского и Белоканского районов (Памятники архитектуры Азербайджана). Баку. 1950. 111–119.
