Minatəmizləmə Agentliyi (Azərbaycan)

Vikipediya, azad ensiklopediya
Jump to navigation Jump to search
Azərbaycan Respublikasının Minatəmizləmə Agentliyi
(ANAMA)
Loqonun şəkli
ANAMA-nın loqosu
Ümumi məlumatlar
Ölkə  Azərbaycan
Yaradılma tarixi 18 iyul 1998
Rəhbərlik
İdarə Heyətinin sədri Vüqar Süleymanov[1]

Rəsmi saytı anama.gov.az

Azərbaycan Respublikasının Minatəmizləmə Agentliyi və ya qısaca ANAMA (ing. Azerbaijan National Agency for Mine Action) — Azərbaycan Respublikası Müharibədən Təsirlənən Bölgələrin Yenidən Qurulması və Bərpası üzrə Dövlət Komissiyası nəzdində fəaliyyət göstərən mina təmizləmə agentliyi və icra orqanı. Agentlik Azərbaycan ərazisindəki minaları zərərsizləşdirmək üçün Azərbaycan Minalardan Təmizləmə Proqramına uyğun bütün lazımi prosedurların həyata keçirilməsinə cavabdehdir. Agentliyin donorları Azərbaycan hökuməti (2,400,000 $) və BMT-nin İnkişaf proqramıdır (160,000 $).[2]

Tarixi[redaktə | mənbəni redaktə et]

Ermənilərin raket hücumundan sonra Gəncədə dağıdılmış yaşayış binasının xarabalıqları arasında dayanan ANAMA əməkdaşı

Azərbaycan Prezidentinin 15 yanvar 2021-ci il tarixli fərmanına əsasən Azərbaycan Respublikası Ərazilərinin Minalardan Təmizlənməsi üzrə Milli Agentliyin əsasında publik hüquqi şəxs statuslu Azərbaycan Respublikasının Minatəmizləmə Agentliyi yaradılıb.[3]

Fəaliyyəti[redaktə | mənbəni redaktə et]

ANAMA öz səlahiyyətləri daxilində Azərbaycan Respublikası vətəndaşlarının minalardan və partlayıcı qurğulardan əziyyət çəkmədikləri bir mühit yaratmağa çalışır. Bu məqsədə çatmaq üçün agentlik minalardan təmizləmə qabiliyyətini artırmağa çalışır. Buna görə də, Azərbaycanda mina əleyhinə fəaliyyətlə əlaqəli tədqiqat-inkişaf prosesini təşviq etmək üçün İnformasiya Texnologiyaları potensialını artırır. Əlavə olaraq, baş ofis, partlayışlar nəticəsində meydana gələn ölümlə nəticələnən qəza və xəsarətlərin sayını azaltmaq, infrastrukturu bərpa etmək və yenidən qurmaq və qida təhlükəsizliyini təmin etmək üçün müəyyən siyasətləri davam etdirir. Bu tədbirlər nəticəsində məcburi köçkünlərin yenidən vətənlərinə qayıda biləcəyi gözlənilir. ANAMA tərəfindən təklif olunan "Partlayıcı Sursatların Təhlükəsinə dair Maarifləndirmə" proqramı, agentliyin qeyd olunan təhlükə altında yaşayan yerli əhali arasında partlayış nəticəsində meydana gələ biləcək təhlükələr barədə biliyi artırmaq üçün qayda və əsasnamələri müəyyənləşdirən strateji hədəflərindən biridir. Agentliyin təhsil proqramı 26-dan çox bölgədə və xüsusilə cəbhə bölgələrinə yaxın ərazilərdə həyata keçirilir.[4][5]

Strukturu[redaktə | mənbəni redaktə et]

ANAMA-nın Bakı şəhərində yerləşən Baş Qərargahı, Füzulidə yerləşən Regional Bazası, Göygöldəki Regional Təlim Mərkəzi, Tərtər, Ağcabədi, Ağstafa və Bakıda yerləşən 4 əməliyyat mərkəzi mövcuddur. Azərbaycanda Mina Təhlükəsilə Mübarizə sahəsində 575 işçi, 6 Mexaniki Minatəmizləmə Maşını və 40 Minaaxtaran İt fəaliyyət göstərir.[6]

Beynəlxalq əməkdaşlıq[redaktə | mənbəni redaktə et]

ANAMA, Minatəmizləmə və Mina Qurbanlarına Kömək üzrə Beynəlxalq Etimad Fondu, Cenevrə Beynəlxalq Humanitar Minalardan Təmizləmə Mərkəzi kimi bir sıra beynəlxalq təşkilatlarla əməkdaşlıq edir. Agentlik, həmçinin Xorvatiya və Sloveniyanın müvafiq dövlət təşkilatları ilə əməkdaşlıq edir. 25 yanvar 2013-cü ildə ANAMA Beynəlxalq Miqrasiya Təşkilatı ilə başqa bir müqavilə imzaladı. Bundan əlavə, Agentlik 1999-cu ildən bəri Birləşmiş Millətlər İnkişaf Proqramı ilə əməkdaşlıq edir.[7][8][9][10]

İstinadlar[redaktə | mənbəni redaktə et]

  1. V.Ə.Süleymanovun Azərbaycan Respublikasının Minatəmizləmə Agentliyinin İdarə Heyətinin sədri təyin edilməsi haqqında Azərbaycan Respublikası Prezidentinin Sərəncamı
  2. "Further Strengthening and Expanding Mine Action Capacity in Azerbaijan Phase V". undp.org (ingilis). 9 aprel 2021 tarixində arxivləşdirilib. İstifadə tarixi: 9 aprel 2021.
  3. "Azərbaycan Respublikasının Minatəmizləmə Agentliyinin yaradılması haqqında". e-qanun.az. 10 aprel 2021 tarixində arxivləşdirilib. İstifadə tarixi: 10 aprel 2021.
  4. "Həyatların Xilası üçün Minaların Təmizlənməsi". BMT-nin İnkişaf Proqramının Azərbaycan Nümayəndəliyi (az.). 16 sentyabr 2019 tarixində arxivləşdirilib. İstifadə tarixi: 10 aprel 2021.
  5. "Partlayıcı Sursatların Təhlükəsinə dair Maarifləndirmə (PSTM) Proqramı - ANAMA". anama.gov.az. 12 avqust 2020 tarixində arxivləşdirilib. İstifadə tarixi: 10 aprel 2021.
  6. "ANAMA haqqında". anama.gov.az. 2021-04-10 tarixində orijinalından arxivləşdirilib. İstifadə tarixi: 10 aprel 2021.
  7. "VISIT OF GICHD DIRECTOR AND TECHNOLOGY OFFICER TO ANAMA".[ölü keçid]
  8. "ANAMA, International Organization for Migration ink cooperation agreement".
  9. "Azerbaijan".
  10. "ITF - ANAMA Memorandum of Cooperation signed in Azerbaijan".

Xarici keçidlər[redaktə | mənbəni redaktə et]