Papravənd

Vikipediya, açıq ensiklopediya
Keçid et: naviqasiya, axtar
Kənd
Papravənd
Ölkə Azərbaycan
Rayon Ağdam rayonu
Koordinatlar 40°9′30″N 46°50′30″E / 40.15833°N 46.84167°E / 40.15833; 46.84167Koordinatlar: 40°9′30″N 46°50′30″E / 40.15833°N 46.84167°E / 40.15833; 46.84167
Rəsmi dili Azərbaycan dili
Əhalisi 1507 nəfər (1983)
Saat qurşağı UTC+4
Xəritəni aç/bağla
Papravənd is located in Azerbaijan
Papravənd

PapravəndAzərbaycan Respublikasının Ağdam rayonunun inzibati ərazi vahidində kənd.

Kənd 1993-ci il iyunun 26-da Ermənistan Ordusu tərəfindən işğal olunmuşdur.[1]

Tarixi[redaktə | əsas redaktə]

Papravənd Azərbaycan Respublikası Ağdam rayonunun inzibati ərazi vahidində kənddir. Rayon mərkəzindən 20 km şimalda, Ağdam-Ağdərə yolunun üstündədir. Şərqdən Qarapirim kəndi, qərbdən Qalayçılar kəndi, cənubdan Boyəhmədli kəndi, şimaldan isə Ağdərə şəhəriylə əhatə olunmuşdur. Kəndin bir hissəsi dağların ətəyində, qalan hissəsi Gülyataq çayının – sovet dövrü bu çayın adı Cirgiz idi, körpünün kənarına üstündə “Cirgiz çayı” yazılmış bir lövhə də vurulmuşdu – vadisində və düzənlikdədir.

1993-cü il iyun ayının 26-da Papravənd kəndi ermənilər tərəfindən işğal olunub.

Mədəniyyət[redaktə | əsas redaktə]

Kənddə orta məktəb, mədəniyyət evi, iki kitabxana, tibb məntəqəsi, daş karxanası, müxtəlif ticarət-iaşə obyektləri, heyvandarlıq kompleksi var idi. Üç qonşu kəndin – Papravənd, Boyəhmədli və Qarapirim – arsındakı düzənlikdə Papravənd-Boyəhmədli kurqanları(Möhülü təpələri, Əlikişi təpəsi, Molla Mustafa oğlu təpəsi) yerləşir. Kənddən bir kilometr şərqdə son tunc və ilk dəmir dövrünə aid kurqanlar, şərq tərəfdən cəmi 250 metrlik məsafədə isə son tunc və ilk dəmir dövrünə aid olan kurqan (Misir qışlağı) var. Bundan əlavə, kəndin özündə Güllütəpə – 1 yaşayış məskəninin (III – XIII əsrlər) qalıqları, Güllütəpə – 2 çox qədim yaşayış məskəninin (son tunc və ilk dəmir dövrü) qalıqları, müxtəlif dövrlərə aid daş heykəllər olan qədim qəbristanlıq, XVIII əsrə aid məscid və türbə vardır.

Əhalisi[redaktə | əsas redaktə]

1983-cü il siyahıya alınmasına görə, kənddə 1507 nəfər əhali yaşayırdı. Kənd camaatının əsas məşquliyyəti heyvandarlıq, taxılçılıq və üzümçülükdür.

XVIII əsrdə Qarabağ hakimi İbrahixəlil xana tabe olan bəylər arasında Kazım bəy Papravənd də var idi.

Görkəmli şəxsləri[redaktə | əsas redaktə]

  • Akif Nağı — Qarabağ Azadlıq Təşkilatının sədri.
  • Ramiz Abbaslı — Azərbaycan yazıçısı; ingilis, alman və rus dillərindən bədii tərcüməçi.

Şəhidləri[redaktə | əsas redaktə]

  • Faiq Ağayev — Azərbaycanın Milli Qəhrəmanı.
  • Məmədov Taleh Bulud oğlu – ölümündən sonra “İgidliyə görə” medalı;
  • Abbasov Mütalib Əli oğlu – ölümündən sonra “İgidliyə görə” medalı;
  • Quliyev Rizvan Əliş oğlu – ölümündən sonra “İgidliyə görə” medalı;
  • Kərimov Əli Hüseyn oğlu – ölümündən sonra “İgidliyə görə” medalı;
  • Məmmədov Qabil Nəzər oğlu – ölümündən sonra ”İgidliyə görə” medalı;
  • Hüseynov Tohid Qulam oğlu
  • Süleymanov Əfqan Məhəmməd oğlu
  • Süleymanov Əhliqar Həşim oğlu
  • Hümbətov Sahib Mustafa oğlu
  • Qəmbərov Zaur Ağa oğlu
  • Cəfərov Fuad Fərman oğlu
  • Əliyev Vidadi Əlifə oğlu
  • Əliyev Raqub Səfiyar oğlu
  • Əliyev Qənimət Nemət oğlu
  • Qurbanov Rəfail Əkbər oğlu
  • Teymurov Xasay Vəliyəddin oğlu
  • Şükürov Əsəd Şəmil oğlu.

Döyüş meydanında düşmənlə vuruşub həlak olan 18 nəfərdən başqa 12 nəfər də mülki vətəndaş həlak olub.

İstinadlar[redaktə | əsas redaktə]

Ədəbiyyat[redaktə | əsas redaktə]

  1. Ramiz Abbaslı. Umudlu qətliyamı. Papravənd müharibəsi.
  2. Ramiz Abbaslı. Papravənd kəndi. 2017