ARB

ARB
19 sentyabr 2016-cı il tarixindən bu günə kimi istifadə edilən nişanə
Ölkə	Azərbaycan
Yayım ərazisi	Azerspace-1 peykinin əhatə dairəsi
Dil	Azərbaycan dili
Baş qərargah	Abbas Mirzə Şərifzadə 2e, Bakı, Azərbaycan
Yaranma tarixi	mart 2014 (test yayımı) 10 may 2014 (07:30 əsas yayım)
Keçmiş adları	Region TV (10 may 2014 - 19 sentyabr 2016)
Şüar	Vətən buradan başlayır! (10 may 2014 - 18 sentyabr 2016) Fərqimizdəyik! (19 sentyabr 2016 - 17 sentyabr 2017) Fərqimizdəyik (18 sentyabr 2017 - 2 sentyabr 2018) Fərqimizdəyik! (3 sentyabr 2018 - h.h.)
Qardaş kanallar	ARB Kəpəz ARB Ulduz ARB Şimal ARB Cənub ARB Şəki EL TV ARB 24 Kəpəz FM ARB Günəş
Sayt	arbtv.az

Azerbaijan Republic Broadcaster və ya qısaca ARB — 10 may 2014-cü il tarixində Bakı şəhərində yayıma başlayan 10-cu ümumrespublika televiziya kanalı.

Tarixçə

14 mart 2014-cü il tarixində "ARB" televiziya şirkəti Milli Televiziya və Radio Şurasının keçirdiyi tenderin nəticələrinə əsasən Azərbaycan üzrə yayım hüququ əldə edib. Beləliklə də, ölkə üzrə yayımlanan ümumrespublika televiziya kanallarının sayı 10-a çatıb.

"ARB" televiziya kanalı müstəqil regional telekanallar – Kəpəz TV (Gəncə), ARB Şimal (Xaçmaz), ARB Cənub (Lənkəran), EL TV (Yevlax), ARB Şəki (Şəki) və ARB 24-ün (Bakı) birgə yaratdığı Azərbaycanda ilk televiziya şəbəkəsidir.

"ARB" Bakı və Abşeron yarımadası ərazisində 37-ci tezlikdə (11 sektor) yayımlanır. Bölgələrdə isə yayım regional telekanalların - ARB Kəpəz, ARB Şimal, ARB Cənub, ARB Aran və ARB Şəki-nin siqnalları vasitəsilə həyata keçirilir. Açıq yayımla yanaşı ARB, Azərbaycanın ilk peyki olan Azerspace 1-in Avropa seqmentində, kabel televiziyası və internet şəbəkəsi vasitəsilə də yayımlanır.

"ARB"-nin yayım və proqram mərkəzi Kəpəz TV-in bazasında yaradılıb və Gəncə şəhərində yerləşir. Mərkəzi xəbər aparatı Azərbaycanın xəbər kanalı - ARB 24-ün əsasında yaradılıb. "ARB"-də yayımlanacaq bütün veriliş və buraxılışlar həm regional telekanallarda, həm də Bakıda yerləşən xüsusi telestudiyada hazırlanır. "ARB"-nin əsas istiqaməti ölkənin siyasi, iqtisadi, sosial və mədəni həyatının işıqlandırılması, habelə Azərbaycanın bölgələrinə xüsusi diqqət ayırmaqdır. Telekanalın əsas proriteti MTRŞ-nın elan etdiyi müvafiq tenderin şərtlərində də olduğu kimi ölkənin regionları ilə bağlı daha dolğun məlumatların çatdırılmasıdır.

Test yayımı müddətində mərkəzi Gəncə şəhərində olan musiqili kanal ARB Ulduz-u yayımlamışdı. 18 aprel 2014-cü il tarixindən etibarən Ailə TV kabel televiziyasından da yayımlanır.

4 may 2014-cü il tarixində isə "ATV Plus" kabel televiziyasının sosial paketinə əlavə edilərək pulsuz yayıma keçmişdir. Daha sonra isə "Azerspace-1" peykində şifrəsiz yayıma keçmişdir.

14 sentyabr 2015-ci il tarixində isə tamamilə 16:9 formatlı təsvir yayımına keçmişdir.

19 sentyabr 2016-cı il tarixində "Region TV" olan telekanalın adı dəyişdirələrək "ARB" olmuşdur.

21 aprel 2020-ci ildə Milli Televiziya və Radio Şurasının qərarı ilə 6 saat müddətində yayımını dayandırıb. Məlumata görə, kanal saat 10:00-dan etibarən tamaşaçılarla müvəqqəti olaraq vidalaşıb. Televiziya saat 16:00-da fəaliyyətini bərpa etdi.

Xatırladaq ki, kanalın yayımının dayandırılmasına səbəb 18 aprel tarixində “Elgizlə izlə” proqramına telefonla qoşulan Xalq artisti Afaq Bəşirqızının qeyri-etik ifadələrə yol verməsi olub.

9 may 2020-ci ildə “Bakıda küləklər əsir” bədii filmində tütün məmulatından istifadə səhnəsinin aşkar şəkildə yayımlanması ilə “Televiziya və radio yayımı haqqında” Azərbaycan Respublikasının Qanununun 40.2.2.-1-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 13 may 2020-ci il tarixli 7/3 nömrəli qərarı ilə ARB-nin yayımı 18 may 2020-ci ildə saat 16:00-dən 17:00-dək 1 saatlıq yayımı dayandırılıb. Telekanal saat 17:00-da fəaliyyətini bərpa edib.

• 

  İndi istifadə edilən loqotip

• 

  Region TV adıyla yayımlandığı müddətdə istifadə etdiyi nişanə

Xarici keçidlər

• ARB | Web
• ARB | YouTube