Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 200.466 məqalə mövcuddur.

Həftənin seçilmiş məqaləsi

Rövşən Cavadov — Azərbaycan həkimi, karateçisi, hərbçisi, milliyətçisi, Xüsusi Təyinatlı Polis Dəstəsinin komandiri (1992–1995), Azərbaycan Respublikasının daxili işlər nazirinin müavini (1993–1995). Rövşən Cavadov Bakıda tibb təhsili aldıqdan sonra SSRİ DİN Akademiyasında davam etdirmişdir. O, Əfqanıstan müharibəsi vaxtı cəbhəyə könüllü olmuş, lakin antikommunist fikirlərinə görə onun bu müraciəti hökumət tərəfindən qəbul edilməmişdir. Cavadov bundan sonra Azərbaycanda ilk karate məşq yerlərini açaraq fəaliyyətinə davam etmişdir. Rövşən Cavadov 1980-ci illərin axırlarında siyasi fəaliyyətə başlamış, Qara Yanvar hadisələri zamanı sovet qoşunlarına qarşı göstərdiyi müqavimətdən sonra hərbi fəaliyyətə başlamış və çox keçməmiş hökumət tərəfindən ona polkovnik rütbəsi verilmişdir. Cavadov 1991-ci ilin sonuna qədər respublika XTPD-nin komandanı olmuş, Çaykənd əməliyyatında iştirak etmişdir. O, İsgəndər Həmidov ilə müttəfiq olmuş və Əbülfəz Elçibəyin prezidentliyi dövründə XTPD-yə demək olar ki, qeyri-məhdud nəzarəti ələ keçirmişdi. Onun komandanlığı dövründə XTPD qüvvələri "Goranboy" əməliyyatı əsnasında Ağdərə şəhərinə daxil olmuşdu.

(Davamı...)

Arxiv – Digər seçilmiş məqalələr...

Həftənin yaxşı məqaləsi

SoloTürk — Türkiyə Hərbi Hava Qüvvələrinin təktəyyarəli aerobatika komandası. İlk çıxış xarakterli uçuş 2010-cu ilin sentyabrında həyata keçirilmiş və qrupun ilk ictimai uçuşu 15 aprel 2011-ci ildə baş tutmuşdur. O vaxtdan bəri "SoloTürk" bir neçə milli və beynəlxalq səviyyəli hava şousunda iştirak etmişdir. Çıxış xarakterli uçuşlarda istifadə olunan manevrlərinin əksəriyyəti komandanın özünə xasdır. Komanda xüsusi olaraq rənglənmiş "General Dynamics F-16C Block 30TM" təyyarəsindən istifadə edir. Təyyarələr aviaşoularla yanaşı real döyüş əməliyyatlarında da iştirak edə biləcək vəziyyətdədir. Üç pilot da daxil olmaqla ümumilikdə 13 heyət üzvü var və nəqliyyat təyyarəsi kimi "CASA CN-235M-100" istifadə olunur. "SoloTürk" çıxış xarakterli uçuşlarına görə bir çox mükafata layiq görülmüşdür.

(Davamı...)

Arxiv – Digər yaxşı məqalələr...

Həftənin seçilmiş siyahısı

Nobel mükafatı laureatlarının siyahısı — İsveç Kral Elmlər Akademiyası, İsveç Akademiyası, Karolinska İnstitutu və Norveç Nobel Komitəsi tərəfindən şəxslər və ya təşkilatlara fizika, kimya, ədəbiyyat, sülh və fiziologiya və ya tibb sahəsindəki fövqəladə uğurlarına görə verilir. Nobel mükafatı 27 noyabr 1895-ci ildə İsveç ixtiraçısı, alim Alfred Nobelin vəsiyyəti əsasında təsis edilmiş və ilk dəfə sahibinə 1901-ci ildə təqdim olunmuşdur. İqtisadiyyat üzrə Nobel mükafatı 1968-ci ildə İsveçin mərkəzi bankı olan Sveriges Riksbank tərəfindən təsis edilib və 1969-cu ildən etibarən iqtisadiyyat elminə verilmiş töhfələrə görə təqdim edilir.

(Davamı...)

Arxiv – Digər seçilmiş siyahılar...

Günün seçilmiş şəkli

Xəbərlər

Bakıda keçirilən COP29 (şəkildə) işinə başlayıb.
Donald Tramp prezident seçkilərində yenidən ABŞ Prezidenti seçilib.
Bakı Metropoliteninin sabiq sədri Tağı Əhmədov vəfat edib.
İsrailin Livanın paytaxtı Beyruta hava hücumu nəticəsində Hizbullah lideri Həsən Nəsrullah öldürülüb.

Aktual hadisələr: HƏMAS–İsrail müharibəsi • İsrail–Hizbullah münaqişəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Şahzadə Mikasa, Aleksey Zimin, Marko Anqulo, Şüa Hüseynov, Zülfüqar Rüfətoğlu, Raşid Meklufi

Bilirsinizmi…

... ki, 1208-ci ildə oynanmış bir kemari oyunundan (şəkildə) sonra İmperator Qotoba oyunda istifadə olunan topa saray rütbəsi verib?
... ki, 2013-cü ildə Maykl Qreyvs tərəfindən hazırlanmış çaydan görünüşü səbəbilə Adolf Hitlerə bənzədilmişdir?
... ki, keçmiş hava proqnozu aparıcısı Saya Hiyama verilişlərindəki çıxışlarının populyarlığı səbəbilə "Yaponiyanın hava kraliçası" kimi tanınır?
... ki, ABŞ fotoqrafı Orrin Friman Yaponiyada məskunlaşmış ilk peşəkar fotoqraf olmaqla yanaşı, Yaponiyada ilk fotostudiyanı açmış şəxsdir?
... ki, 2021-ci ildə "Sushiro" tərəfindən Tayvanda keçirilmiş kampaniya zamanı 332 nəfər pulsuz suşi yemək üçün soyadını dəyişdirib?

Tarixdə bu gün

1945 — Təbrizdə "Azərbaycan Xalq Konqresi" təsis edilmişdir.
1959 — BMT-də "Uşaq hüquqları haqqında Bəyannamə" sənədi qəbul edilib.
1979 — Xəstə insanlara ilk dəfə olaraq süni qan köçürülüb.
1985 — Microsoft Windows 1.0. təqdim edilmişdir.
1992 — Azərbaycanla İran birgə komissiyasının 6 noyabrda Bakıda başlayan iclası başa çatıb. İranla Azərbaycan arasında iqtisadi əməkdaşlıq haqqında memorandum imzalanıb.
2003 — İstanbulda yerləşən ingilis səfirliyinə və "HSBC" bankına bombalı hücum təşkil edilib və nəticədə 30 nəfər həlak olub, 450-dən çox insan yaralanıb.
2020 — Ağdam şəhəri Qarabağ atəşkəs bəyanatının şərtlərinə əsasən 27 ildən sonra Azərbaycan Silahlı Qüvvələri tərəfindən işğaldan azad edilib.

Digər günlər: 19 noyabr – 20 noyabr – 21 noyabr

Arxiv – e-məktub ilə – İlin digər günləri – Haqqında

Hazırda 20 noyabr 2024 (UTC) – Səhifəni yenilə

Kömək səhifələri

Vikipediya

Ana səhifə

Vikipediyaya xoş gəlmisiniz!

Vikimedia Fondunun digər layihələri

Naviqasiya menyusu

Ana səhifə

Vikipediyaya xoş gəlmisiniz!

Vikimedia Fondunun digər layihələri

Naviqasiya menyusu

Axtar