Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 201.138 məqalə mövcuddur.

Həftənin seçilmiş məqaləsi

Frans Kafka — almandilli əşkinazi yəhudisi romançı və hekayə yazarı. XX əsr ədəbiyyatının görkəmli nümayəndələrindən biridir. Realizm ilə fantastika elementlərini birləşdirdiyi əsərlərində əsasən tənha qalmış baş personajlar qəribə, sürrealistik vəziyyətlərlə və başa düşülməyən sosial-bürokratik qüvvələrlə üzləşirlər. Kafkanın əsərlərində yadlaşma, narahatlıq, günahkarlıq və absurdluq kimi elementlərlə qarşılaşmaq mümkündür. Ən tanınmış əsərləri "Çevrilmə", "Məhkəmə", "Qəsr" və "Milenaya məktublar" hesab olunur. Onun əsərlərindəki situasiyaları təsvir etmək üçün ingilis dilinə "kafkavari" sözü daxil olmuşdur. Kafka Bohemiya krallığının (daha sonra Avstriya-Macarıstan imperiyasının tərkib hissəsi, indiki Çexiya Respublikası) paytaxtı Praqa şəhərində orta sinif almandilli yəhudi ailəsində anadan olmuşdur. Vəkil təhsili almış, təhsilini başa çatdırdıqdan sonra sığorta şirkətində işə düzəlmişdir. Bu zaman boş zamanlarında yazmağa başlamışdır. Həyatı boyunca Kafka gərgin və formal münasibət bəslədiyi atası da daxil olmaqla ailəsi və yaxın dostlarına yüzlərlə məktub yazmışdır. Həyatında bir neçə qadın olsa da, heç vaxt evlənməmişdir. 1924-cü ildə 40 yaşında vərəm xəstəliyindən vəfat etmişdir.

(Davamı...)

Həftənin yaxşı məqaləsi

Vitold Zqlenitski — Azərbaycanda fəaliyyət göstərmiş polyak alim, geoloq və xeyriyyəçi. İlk dəfə o, Xəzər dənizinin dibindən neftin çıxarılması təklifini verib. Göstərdiyi fəaliyyətə görə Çar Rusiyası tərəfindən kollej asessoru rütbəsi alıb və Qacar şahı Müzəffərəddin şah Qacar tərəfindən "Şiri-Xurşid" ordeni ilə təltif olunub. Ölümündən sonra bütün sərvətini elm və xeyriyyə fondlarına vəsiyyət edib. Xeyriyyəçilik fəaliyyətinə görə "Polşalı Nobel" adını alıb.

(Davamı...)

Həftənin seçilmiş siyahısı

Masters turniri çempionlarının siyahısı — 1934-cü ildən bəri təşkil edilən illik qolf turniri. Turnirin ilk çempionu Horton Smitdir. Hər il təşkil edilən dörd böyük turnirdən birincisi olan Masters turnirinin son günü aprel ayının ikinci bazar gününə uyğun gəlir. Hər il eyni yerdə (Auqust Milli Qolf Klubu) təşkil edilən yeganə böyük turnirdir. Masters çempionları digər böyük turnirlərdə (Açıq Amerika, Açıq Britaniya, PGA Çempionatı) 5 il ərzində iştirak etmək və Masters turnirində istədikləri zaman iştirak etmək şansını qazanarlar. Masters turnirində birinci yeri əldə edən qolfçu "yaşıl pencəyi"də əldə edir. İlk yaşıl pencəyi 1949-cu ildə Sem Snid qazanmışdır. Bu pencək çempion tərəfindən bir il saxlanılır və sonra geri qaytarılır. Bu turniri birdən çox qazanan oyunçunun vücudunda çox böyük dəyişiklik olmadığı təqdirdə yalnız bir yaşıl pencək qazanacağı mənasına gəlir.

(Davamı...)

Günün seçilmiş şəkli

Xəbərlər

Keçmiş ABŞ Prezidenti Cimmi Karter (şəkildə) 100 yaşında vəfat edib.
Cənubi Koreyanın "Jeju Air" aviaşirkətinə məxsus "Boeing 737-800" təyyarəsi Muan Beynəlxalq Hava Limanında qəzaya uğrayıb, hadisə nəticəsində 179 nəfər həlak olub.
Azərbaycan Hava Yollarına məxsus J2-8243 nömrəli Bakı-Qroznı reysini yerinə yetirən "Embraer 190" təyyarəsinin Qazaxıstanın Aktau şəhərinin 3 km yaxınlığında qəzaya uğraması nəticəsində 38 nəfər həlak olub.

Aktual hadisələr: Suriyada vətəndaş müharibəsi • HƏMAS–İsrail müharibəsi • İsrail–Hizbullah münaqişəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Frans Bekkenbauer, Azər Baxşəliyev, Ferdi Tayfur, Aqneş Keleti, Bəhram Əliyev, Camal Məmmədxanov

Bilirsinizmi?

Xəzər dənizinin dibindən neftin çıxarılması təklifini ilk dəfə Vitold Zqlenitski (şəkildə) vermişdir.
Yezuit missioneri Qaspar Barzeus Səfəvilər imperiyası tərkibində Hörmüz adasının hökmdarı Turanşahı vəftiz etmişdir.
Azərbaycan Xalq Cümhuriyyətinin 4-cü hökumət kabinetində səhiyyə naziri Abram Dastakyan və portfelsiz nazir Xoren Amaspür olmaqla 2 erməni nazir olmuşdur.
Banqladeş hökumətinin istefası ilə nəticələnən etirazların ardınca təşkil olunmuş müvəqqəti hökumətin başçısı Məhəmməd Yunus UNEC rektorunun müşaviridir.
Rusiya imperiyasının I Dövlət Dumasına seçilmiş 5 azərbaycanlıdan biri olan Məmmədtağı Əliyev Şamaxı soyqırımında daşnaklar tərəfindən yandırılaraq öldürülmüşdür.

Tarixdə bu gün

1810 — İstanbul sülh sazişi imzalandı. Sazişə əsasən Osmanlı dövləti Krımı Rusiya imperiyasına verdi.

1810 — Samuel Morze teleqrafı kəşf etdi.

1870 — Vyanada məşhur konsert zalı "Musikverei"nin təntənəli açılışı oldu.

1907 — İtaliyalı pedaqoq Mariya Montessori Romada orta təbəqəli ailələrin uşaqları üçün özünün ilk məktəbini və uşaq bağçasını açdı.

1912 — Nyu-Meksiko ABŞ-ın 47-ci ştatı oldu.

1930 — İosif Stalinin fərmanı ilə SSRİ-də fərdi təsərrüfat sistemi ləğv edildi, eyni zamanda "Yeni İqtisadi Siyasət" dövrünün sona çatdığı elan olundu.

1992 — Azərbaycan torpaqlarının Ermənistan tərəfindən işğalı hesabına Qondarma Dağlıq Qarabağ Respublikasının yaradıldığı elan edildi.

Digər günlər: 5 yanvar – 6 yanvar – 7 yanvar

Arxiv – e-məktub ilə – İlin digər günləri – Haqqında

Hazırda 6 yanvar 2025 (UTC) – Səhifəni yenilə