Beynəlxalq Münasibətlərin Təhlili Mərkəzi

Vikipediya, azad ensiklopediya
Jump to navigation Jump to search
Beynəlxalq Münasibətlərin Təhlili Mərkəzi
Növü publik hüquqi şəxs
Yaranma tarixi 6 fevral 2019
Rəsmi dili Azərbaycan dili
Mərkəzi Bakı
Fəaliyyət göstərdiyi yer Azərbaycan Azərbaycan
Yarandığı yer Bakı
Qurucusu Azərbaycan Respublikasının Prezidenti
Sədri Fərid Şəfiyev

Beynəlxalq Münasibətlərin Təhlili Mərkəzi — dünyada və regionda baş verən prosesləri təhlil edən, Ermənistan–Azərbaycan Dağlıq Qarabağ münaqişəsinin müxtəlif aspektləri, beynəlxalq münasibətlər və təhlükəsizlik məsələləri ilə bağlı fundamental araşdırmalar aparan, müvafiq məsələlərə dair Azərbaycan Respublikasının mövqeyinin beynəlxalq ictimai, siyasi və akademik dairələrə çatdırılmasında iştirak edən, Azərbaycan Respublikasının dövlət orqanlarını elmi-təhlili materiallarla təmin edən Azərbaycan Respublikasının publik hüquqi şəxsi[1]. Bakı şəhərində yerləşir.

Tarixi[redaktə | əsas redaktə]

Mərkəz Azərbaycan Respublikası Prezidentinin 6 fevral 2019-cu il tarixli, 515 nömrəli Fərmanı ilə yaradılmışdır[2].

Azərbaycan Respublikası Prezidentinin 19 aprel 2019-cu il tarixli, 652 nömrəli Fərmanı ilə "Beynəlxalq Münasibətlərin Təhlili Mərkəzinin Nizamnaməsi" təsdiq edilmişdir[3].

Rəhbərlik[redaktə | əsas redaktə]

Mərkəzə rəhbərliyi Azərbaycan Respublikasının Prezidenti tərəfindən vəzifəyə təyin və vəzifədən azad edilən İdarə Heyətinin sədri edir. Azərbaycan Respublikası Prezidentinin 19 fevral 2019-cu il tarixli sərəncamı ilə Azərbaycan Respublikasının fövqəladə və səlahiyyətli səfiri[4] Fərid Şəfiyev Beynəlxalq Münasibətlərin Təhlili Mərkəzinin İdarə Heyətinin sədri təyin edilmişdir[5].

Mərkəzə ümumi rəhbərlik və nəzarət üç üzvdən ibarət olan İdarə Heyəti tərəfindən həyata keçirilir[3]. Mərkəzin fəaliyyətində və idarəetmədə korporativ idarəetmə standartlarını tətbiq edilir[3].

Maliyyələşməsi[redaktə | əsas redaktə]

Mərkəzin əmlakı nizamnamə fondundan, təsisçinin verdiyi digər əmlakdan, dövlət büdcəsindən ayrılan vəsaitlərdən, fəaliyyətindən əldə etdiyi gəlirlərdən, ianələrdən, qrantlardan, cəlb edilən investisiyalardan və qanuna uyğun əldə etdiyi digər vəsaitlərdən formalaşır[3].

Mərkəzin ilkin nizamnamə fondu 100 min manatdır[3].

Həmçinin bax[redaktə | əsas redaktə]

İstinadlar[redaktə | əsas redaktə]

  1. ""Beynəlxalq Münasibətlərin Təhlili Mərkəzinin yaradılması haqqında" Azərbaycan Respublikası Prezidentinin 2019-cu il 6 fevral tarixli 515 nömrəli Fərmanında dəyişiklik edilməsi barədə Azərbaycan Respublikası Prezidentinin 19 fevral tarixli 530 nömrəli Fərmanı" (azərb.). president.az. 2019-02-19. İstifadə tarixi: 2019-02-19.
  2. ""Beynəlxalq Münasibətlərin Təhlili Mərkəzinin yaradılması haqqında" Azərbaycan Respublikası Prezidentinin 2019-cu il 6 fevral tarixli 515 nömrəli Fərmanı" (azərb.). e-qanun.az. 2019-02-06. İstifadə tarixi: 2019-04-29.
  3. 1 2 3 4 5 ""Beynəlxalq Münasibətlərin Təhlili Mərkəzinin fəaliyyətinin təmin edilməsi haqqında" Azərbaycan Respublikası Prezidentinin 2019-cu il 19 aprel tarixli 652 nömrəli Fərmanı" (azərb.). e-qanun.az. 2019-04-19. İstifadə tarixi: 2019-04-29.
  4. "F.R.Şəfiyevə Azərbaycan Respublikasının fövqəladə və səlahiyyətli səfiri diplomatik rütbəsi verilməsi haqqında" Azərbaycan Respublikası Prezidentinin 22 may 2009-cu il tarixli, 293 nömrəli Sərəncamı. e-qanun.az  (azərb.)
  5. F.R.Şəfiyevin Beynəlxalq Münasibətlərin Təhlili Mərkəzinin İdarə Heyətinin sədri təyin edilməsi haqqında Azərbaycan Respublikası Prezidentinin Sərəncamı. president.az, 19.02.2019  (azərb.)