Dursədəf Kərimova

Vikipediya, azad ensiklopediya
Naviqasiyaya keçin Axtarışa keçin
Dursədəf Kərimova
Dursədəf Kərimova 2020-ci il Yay Paralimpiya Oyunlarında
Dursədəf Kərimova 2020-ci il Yay Paralimpiya Oyunlarında
Şəxsi məlumatlar
Tam adı Dursədəf Muxtar qızı Kərimova
Vətəndaşlığı Azərbaycan Azərbaycan
Doğum tarixi (38 yaş)
Doğum yeri Bakı, Azərbaycan
İdman növü Cüdo
Məşqçisi Ramin İbrahimov
Medallar

Paralimpiya Oyunları
Qızıl 2020 Tokio +70 Kq.
Dövlət təltifləri

1-ci dərəcəli "Vətənə xidmətə görə" ordeni

Dursədəf Muxtar qızı Kərimova (23 avqust 1985; Bakı, Azərbaycan) — Azərbaycanı təmsil edən cüdoçu. 2020-ci ildə XVI Yay Paralimpiya Oyunlarının qalibi olub.

Həyatı[redaktə | mənbəni redaktə et]

Dursədəf Kərimova 1985-ci il avqustun 23-də Bakı şəhərində anadan olub. Anası Zülfiyyə Kərimova Azərbaycan Dövlət Pedaqoji Universitetinin (ADPU) dosenti, bacısı Xanım Hüseynova isə cüdoçudur.

Karyerası[redaktə | mənbəni redaktə et]

2019-cu ildə Dursədəf Kərimova Genuya şəhərində (İtaliya) baş tutan Avropa Çempionatının final görüşündə məğlub oldu və gümüş medala sahib oldu. Komanda turnirində də Dursədəf Kərimova qızıl medala sahib oldu.

Dursədəf Kərimova 2021-ci il ərzində beynəlxalq turnirlərdə topladığı reytinq xalları hesabına Paralimpiya Oyunlarına vəsiqə qazandı.[1]

Dursədəf Kərimovanın XVI Yay Paralimpiya Oyunlarının 1/4 final mərhələsi çərçivəsində rəqibi Ukrayna nümayəndəsi Anastasiya Qarni oldu. Həmin görüşdə Dursədəf Kərimova rəqibinə ipponla qalib gəldi və yarım-final mərhələsinə adladı. Bu mərhələdə Dursədəf Kərimova Braziliya nümayəndəsi Me Emmeriç ilə üz-üzə gəldi. Həmin görüşdə də Dursədəf Kərimova ipponla qələbə qazandı və Paralimpiadanın final görüşünə vəsiqə qazandı. Həlledici görüşdə onun rəqibi Qazaxıstan təmsilçisi Zarina Batbatina oldu. Gərgin idman mübarizəsi şəraitində baş tutan görüşdə Dursədəf Kərimova bu səfər də rəqibinə ipponla qalib gəldi və XVI Yay Paralimpiya Oyunlarının qalibi oldu.[2][3]

Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən, XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Dursədəf Muxtar qızı Kərimova 1-ci dərəcəli "Vətənə xidmətə görə" ordeni ilə təltif edildi.[4]

Paralimpiadadan sonra Dursədəf Kərimova 2022-ci ildə Kalyari şəhərində (İtaliya) baş tutan Avropa Çempionatında mübarizə apardı və turniri bürünc medalla başa vurdu.

İstinadlar[redaktə | mənbəni redaktə et]

  1. ↑ Azerisport.com idman portalı. "11 дзюдоистов завоевали лицензии на Паралимпиаду-2020". www.azerisport.com ( (rus.)). 01.09.2022. Archived from the original on 2022-09-22. İstifadə tarixi: 01.09.2022.
  2. ↑ Azerisport.com idman portalı. "Токио-2020: Дурсадаф Керимова выиграла Паралимпиаду, Ильхам Закиев завоевал бронзу". www.azerisport.com ( (rus.)). 01.09.2022. 2022-08-30 tarixində arxivləşdirilib. İstifadə tarixi: 01.09.2022.
  3. ↑ Azerisport.com idman portalı. "Дурседеф Керимова: Еще не осознала, что чемпионка Паралимпиады". www.azerisport.com ( (rus.)). 01.09.2022. 2022-08-28 tarixində arxivləşdirilib. İstifadə tarixi: 01.09.2022.
  4. ↑ Azərbaycan Dövlət İnformasiya Agentliyi. "Azərbaycan Milli Paralimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 6 sentyabr 2021-ci il tarixli Sərəncamı". www.azertag.az ( (az.)). 06.09.2022. 2022-08-05 tarixində arxivləşdirilib. İstifadə tarixi: 05.08.2022.
Mənbə — "https://az.wikipedia.org/w/index.php?title=Dursədəf_Kərimova&oldid=7414498"