Tofiq Məmmədov (cüdoçu)

Tofiq Məmmədov
Tofiq Məmmədov Paralimpiya Oyunları 2008 mükafat mərasimində
Şəxsi məlumatlar
Tam adı	Tofiq Faiq oğlu Məmmədov
Vətəndaşlığı	Azərbaycan
Doğum tarixi	10 mart 1980
Doğum yeri	Sumqayıt, Azərbaycan
Məşqçisi	Əhməddin Rəcəbli
Boyu	175 sm
Çəkisi	90 kq
İdman növü	Cüdo
Medallar Yay Paralimpiya Oyunları Gümüş Pekin 2008 90 kq Dünya çempionatı Qızıl Brommat 2006 90 kq Bürünc Sao Paulo 2007 90 kq Qızıl Antalya 2011 90 kq Avropa çempionatı Qızıl Bakı 2007 90 kq Gümüş Debreçen 2009 90 kq Dövlət mükafatları
20 may 2020 tarixində yenilənib.

Tofiq Məmmədov (azərb. Məmmədov Tofiq Faiq oğlu‎) — 90 kiloqrama qədər çəki dərəcəsində mübarizə aparan Azərbaycan idmançısı, 2008 Yay Paralimpiya Oyunlarının gümüş mükafatçısı, 2012 Yay Paralimpiya Oyunları iştirakçısı. 2011-ci il Dünya və Avropa çempionu.

Həyatı

Tofiq Məmmədov 2008-ci ildə keçirilmiş Yay Paralimpiya oyunlarının final qarşılaşması zamanı. (Pekin, 2008)

Məmmədov Tofiq Faiq oğlu 1980-cı ilin 10 mart tarixində Azərbaycan SSR-nin Sumqayıt şəhərində anadan olub. Gənc yaşlarından etibarən Sumqayıt şəhərində yerləşən yerli cüdo məktəblərində hazırlaşmağa başlayıb. 2006-cı ildə Fransanın Brommat şəhərində keçirilən Dünya çempionatında I yeri tutaraq qızıl medal qazanıb.

2007-ci ildə Bakıda keçirilən Avropa çempionatında I yeri tutaraq qızıl medal qazanıb. 2007-ci ildə Braziliyanın Sao Paulo şəhərində keçirilən Dünya oyunlarında III yeri tutaraq bürünc medal qazanıb.

2008-ci ildə Çinin Pekin şəhərində keçirilən Yay Paralimpiya Oyunlarında II yeri tutaraq gümüş medal qazanıb. 2009-cu ildə Macarıstanın Debreçen şəhərində keçirilən Avropa çempionatında II yeri tutaraq gümüş medal qazanıb. 2011-ci ildə Türkiyənin Antalya şəhərində keçirilən Dünya çempionatında I yeri tutaraq qızıl medal qazanıb. 2012-ci ildə Londonda keçirilən Paralimpiya Oyunlarının işirakçısıdır.

2011-ci ildə Azərbaycanda Paralimpiya hərəkatının inkişafı baxımından Azərbaycan Prezidentinin fərmanı "Tərəqqi" medalı ilə təltif edilmişdir. 2016-cı ildə Azərbaycanda Paralimpiya hərəkatının inkişafı ilə bağlı xidmətlərinə görə "Azərbaycan Respublikası Prezidentinin fəxri diplomu" mükafatına layiq görülüb. Şəxsi məşqçisi İbrahim İbrahimov olmuşdur.

Mükafatları

2012-ci ildə Böyük Britaniyanın London şəhərində keçirilmiş sayca XIV Yay Paralimpiya Oyunlarında iştirak edən Azərbaycan yığmasının cüdoçuları. Mərkəzdə İlham Zəkiyev, ən sağda Tofiq Məmmədov.

Sıra	İl	Yarış	Şəhər	Nəticə
1	2008	Yay Paralimpiya oyunları	Pekin	2 Gümüş
2	2011	Dünya Çempionatı	Antalya	1 Qızıl
3	2007	Avropa çempionatı	Bakı	1 Qızıl
4	2009	Avropa Çempionatı	Debreçen	2 Gümüş

Dövlət təltifləri

Mükafat	Tarix	Sərəncam
"Tərəqqi" medalı	2011	Azərbaycanda Paralimpiya hərəkatının inkişafı baxımından Azərbaycan Prezidentinin fərmanı
Fəxri Diplom	2016	Azərbaycanda Paralimpiya hərəkatının inkişafı ilə bağlı xidmətlərinə görə

Həmçinin bax

• Cüdo

Xarici keçidlər

• İdman (4 fevral 2018). "Azərbaycan cüdoçusundan möhtəşəm qələbə: Tofiq Məmmədov bütün rəqiblərinə qalib gələrək qızıl medal qazanıb" ( (azərb.)). sputnik.az. 14 mart 2018 tarixində arxivləşdirilib. İstifadə tarixi: 19 mart 2018.