Ramin İbrahimov

Ramin İbrahimov
Şəxsi məlumatlar
Tam adı	Ramin İbrahim oğlu İbrahimov
Vətəndaşlığı	Azərbaycan
Doğum tarixi	2 iyul 1978
Doğum yeri	Ermənistan SSR, SSRİ
İdman növü	Para-cüdo
Medallar Yay Paralimpiya Oyunları Bürünc 2008 Pekin -60 kq. Qızıl 2012 London -60 kq. Dünya çempionatı Qızıl 2007 San-Paulu -66 kq. Bürünc 2010 Antalya -60 kq. Bürünc 2011 Antalya -60 kq. Avropa Çempionatı Qızıl 2007 Bakı -60 kq. Qızıl 2009 Debretsen -60 kq. Gümüş 2015 Odivelas -60 kq. Dövlət mükafatları
2 iyul 2019 tarixində yenilənib.

Ramin İbrahimov (tam adı: İbrahimov Ramin İbrahim oğlu; 2 iyul 1978(1978-07-02)) — Azərbaycanın paraolimpiya cüdoçusu, ikiqat Avropa çempionu (2007 və 2009), Dünya Paralimpiya Oyunlarının qalibi (2007), 2008-ci il Paralimpiya Oyunlarının bürünc mükafatçısı, Londonda keçirilən 2012 Yay Paralimpiya Oyunlarının qızıl medalçısı.

Bioqrafiya

Ramin İbrahimov 2 iyul 1978-ci ildə Ermənistan SSR-də anadan olmuşdur. Doğulduğu vaxtdan İbrahimov görmə qabiliyyətində ciddi irsi xəstəliklərə malik idi. Bununla belə, sağlamlıq imkanlarının məhdudluğu müəyyən edilməzdən əvvəl idmanla məşğul olurdu. Belə ki, o, 10 yaşı olarkən Bakıya gəlmiş və ilk olaraq akrobatika idman növü ilə məşğul olmağa başlamışdır. İki il akrobatika ilə məşğul olduqdan sonra 1990-cı ildən sambo ilə məşğul olmuş, üç dəfə Avropa çempionu ünvanını qazanmışdır. Məşqçisi Şahmar Mustafayev olmuşdur. Hal-hazırda da samboyla məşğuldur.

Ramin İbrahimov 2012 Yay Paralimpiya Oyunlarının mükafatlandırma mərasimində.

2006-cı ildən gözdən əlil paralimpiyaçı kimi fəaliyyətini davam etdirir. Belə ki, daha sonra ağrılar özünü hiss etdirdi və 2006-cı ildə İbrahimov Azərbaycan Milli Paralimpiya Komitəsinə Paralimpiya cüdo komandasına daxil olmaqla əlaqədar müraciət etdi. İbrahimovun bu qərarına 2004-cü il Paralimpiya Oyunlarının qalibi İlham Zəkiyevin qələbəsi təsir göstərmişdi. Həmin ildə Bromma (Fransa) şəhərində keçirilən Dünya çempionatında Ramin İbrahimov Praqadakı 2008-ci il Paralimpiya Oyunlarına lisenziya qazandıran gözdən əlil cüdoistlər arasında bürünc medal qazandı.

Sonradan Ramin İbrahimov Tərlan Poladovla təlim keçdi. 2007-ci ildə İbrahimov Avropa çempionu və San-Pauloda Dünya Çempionatının qalibi oldu. Olimpiya çempionu Nazim Hüseynov və cüdoçu Zülfiyyə Hüseynova Ramin İbrahimovun Braziliyadakı rəqabətə hazırlığında çox kömək etdilər.

Pekindəki Paralimpiya Oyunlarında 60 kiloqram çəki dərəcəsində yarışan İbrahimov müsabiqənin ən yaxşısı hesab olunurdu. Lakin yarımfinalda sonralar paralimpiya çempionu olan Əlcəzairli Mövlud Nouraya uduzdu. Bir dəqiqədən az bir müddətdə İngiltərəli Ben Kvilterdən qələbə qazanan Ramin üçüncü oldu.