Oleq Panyutin

Vikipediya, azad ensiklopediya
Jump to navigation Jump to search
Oleq Panyutin
Oleq Panyutin 2008-ci il Yay Paralimpiya Oyunlarında
Oleq Panyutin 2008-ci il Yay Paralimpiya Oyunlarında
Şəxsi məlumatlar
Tam adı Oleq Viktoroviç Panyutin
Vətəndaşlığı Azərbaycan Azərbaycan
Doğum tarixi (39 yaş)
Doğum yeri Bakı, Azərbaycan SSR
İdman növü Yüngül atletika

Oleq Viktoroviç Panyutin (10 may 1983; Bakı, Azərbaycan SSR) — Azərbaycanı təmsil edən yüngül atlet. 2004 və 2012-ci illərdə baş tutan Paralimpiya Oyunlarının qalibi olub.

Həyatı[redaktə | mənbəni redaktə et]

Oleq Panyutin 1983-cü il mayın 10-da Bakı şəhərində anadan olub.

Karyerası[redaktə | mənbəni redaktə et]

2004-cü ilin sentyabr ayında Oleq Panyutin Yunanıstannın Afina şəhərində baş tutan XII Yay Paralimpiya Oyunlarında mübarizə apardı. 100 və 200 metr məsafələrə qaçış turnirlərində final mərhələsinə vəsiqə qazana bilməyən Oleq Panyutin, uzunluğa tullanma turnirində 7.25 metr nəticə ilə qızıl medala sahibi oldu.

Oleq Panyutin 2005-ci ildə Espoo şəhərində (Finlandiya) baş tutan Avropa Çempionatının qalibi oldu.

Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Oleq Viktoroviç Panyutin "Tərəqqi" medalı ilə təltif edildi.[1]

2008-ci ilin avqust ayında Oleq Panyutin Çində baş tutan XIII Yay Paralimpiya Oyunlarında mübarizə apardı. Oleq Panyutin uzunluğa tullanma turnirində 7.06 metr nəticə ilə bürünc medala sahib oldu.

Oleq Panyutin 2011-ci ildə Krisçorç şəhərində (Yeni Zelandiya) baş tutan Dünya Çempionatında uzunluğa tullanma və üçtəjanla tullanma turnirlərinin qalibi oldu. 2012-ci ildə isə Oleq Panyutin növbəti dəfə Avropa Çempionatının qızıl medalına sahib oldu.

Daha sonra Oleq Panyutin 2012-ci ilin avqust ayında Birləşmiş Krallıqın London şəhərində baş tutan XIV Yay Paralimpiya Oyunlarında mübarizə apardı. Üçtəjanla tullanma turnirində 15.02 metr nəticə ilə qızıl medala sahib olan Oleq Panyutin, 4x100 metr məsafəyə estafet turnirində 42.92 saniyə nəticə ilə bürünc medala sahib oldu.

Azərbaycan Prezidenti İlham Əliyevin 14 sentyabr 2012-ci il tarixli Sərəncamına əsasən XIV Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Oleq Viktoroviç Panyutin "Şöhrət" ordeni ilə təltif edildi.[2]

Azərbaycan Prezidenti İlham Əliyevin 2 fevral 2016-cı il tarixli Sərəncamına əsasən Azərbaycanın Milli Paralimpiya Komitəsinin yaradılmasının 20 illiyi münasibətilə Oleq Viktoroviç Panyutin Azərbaycan Prezidentinin fəxri diplom ilə təltif edildi.[3]

2016-cı ilin sentyabr ayında Oleq Panyutin Braziliyanın Rio-de-Janeyro şəhərində baş tutan XV Yay Paralimpiya Oyunlarında mübarizə apardı. Uzunluğa tullanma turnirində Oleq Panyutin 6.88 metr nəticə göstərdi və Paralimpiadanı yeddinci pillədə başa vurdu.

Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Oleq Viktoroviç Panyutin "Tərəqqi" medalı ilə təltif edildi.[1]

İstinadlar[redaktə | mənbəni redaktə et]

  1. 1 2 Azərbaycan Dövlət İnformasiya Agentliyi. "Azərbaycan Milli Paralimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 6 sentyabr 2021-ci il tarixli Sərəncamı". www.azertag.az (az.)). 06.09.2021. 2022-08-05 tarixində arxivləşdirilib. İstifadə tarixi: 05.08.2022.
  2. Azərbaycan Dövlət İnformasiya Agentliyi. "Azərbaycan Milli Paralimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 14 sentyabr 2012-ci il tarixli Sərəncamı". www.azertag.az (az.)). 30.09.2022. 2022-09-30 tarixində arxivləşdirilib. İstifadə tarixi: 30.09.2022.
  3. Normativ hüquqi sənədlərin vahid internet bazası. "Azərbaycanın Milli Paralimpiya Komitəsinin yaradılmasının 20 illiyi münasibətilə Azərbaycanda paralimpiada sahəsində xidmətləri olan şəxslərin "Azərbaycan Prezidentinin fəxri diplomu" ilə təltif edilməsi haqqında Azərbaycan Prezidenti İlham Əliyevin 2 fevral 2016-cı il tarixli Sərəncamı". www.e-qanun.az (az.)). 30.09.2022. 2022-09-30 tarixində arxivləşdirilib. İstifadə tarixi: 30.09.2022.