Yelena Çebanu

Vikipediya, azad ensiklopediya
Jump to navigation Jump to search
Athletics pictogram (Paralympics).svg Yelena Çebanu Athletics pictogram (Paralympics).svg
Elena Chebanu Rio2016b.jpg
Şəxsi məlumatları
Tam adı Yelena İvan qızı Çebanu
Vətəndaşlığı Ukrayna Ukrayna
Azərbaycan Azərbaycan
Doğum tarixi 4 yanvar 1981 (1981-01-04) (38 yaş)
Doğum yeri Xarkov, Ukrayna
İdman növü Athletics pictogram (Paralympics).svg Yüngül atletiкa

Yelena İvanovna Çebanu (d. 4 yanvar 1981; Xarkov, Ukrayna) — Ukrayna əsilli Azərbaycanı təmsil edən yüngül atlet. Yelena Çebanu, 2016-cı ildə baş tutan Rio-de-Janeyro Paralimpiadasında 2 gümüş və 1 bürünc medal, 2017-ci ildə baş tutan IV İslam Həmrəyliyi Oyunlarında isə 2 qızıl medal qazanıb.

Həyatı[redaktə | əsas redaktə]

Yelena Çebanu 1981-ci il 4 yanvarda Ukraynanın Xarkov şəhərində anadan olub.

Karyerası[redaktə | əsas redaktə]

Yelena Çebanu, 2007-ci ildə baş tutan Universiada Oyunlarında bir gümüş və bir bürünc medal qazandı.

Daha sonra Yelena Çebanu, 2015-ci ildə para-atletlərin Dünya Çempionatında mübarizə apararaq, bir gümüş və bir bürünc medala sahib oldu.

XV Yay Paralimpiya Oyunlarında dörd yarışda çıxış edən Yelena Çebanu, birinci olaraq 100 metr məsafəyə T12 qaçış yarışlarında mübarizə apardı.[1][2] O, bələdçisi Hakim İbrahimov ilə birgə, təsnifat mərhələsində 12.24 saniyə nəticə göstərdi və birinci yeri tutaraq yarım-final mərhələsinə vəsiqə qazandı.[1][2] Həmin mərhələdə Yelena Çebanu, finiş həddini 11.81 saniyəyə qət etdi və birinci yeri tutaraq həlledici, final mərhələsinə adladı.[2] 9 sentyabrda baş tutan final qaçışında isə Yelena Çebanu, 11.71 saniyə nəticə göstərdi və qızıl medal qazanan London Paralimpiadasının 2 qat çempionu, Kuba nümayəndəsi Omara Duranddan sonra, 2-ci pilləni tutaraq Rio-de-Janeyro Paralimpiadasının gümüş medalına sahib oldu.[2] Yelena Çebanu həmdə, 11.71 saniyə nəticə ilə yeni Avropa rekordunu müəyyənləşdirdi.[2]

Daha sonra Yelena Çebanu, 200 metr məsafəyə T12 qaçış yarışlarında qüvvəsini sınadı.[3] O, təsnifat mərhələsində finiş həddini 24.16 saniyəyə qət etdi və dörd atlet sırasında birinci yeri tutaraq həlledici, final mərhələsinə vəsiqə qazandı.[3] 12 sentyabrda baş tutan final qaçışında isə Yelena Çebanu, 23.80 saniyə nəticə göstərdi və yarışların çempion olan Kubalı Omara Duranddan, habelə Ukraynalı Oksana Boturçukdan sonra, 3-cü yeri tutaraq XV Yay Paralimpiya Oyunlarının bürünc medalını qazandı.[3]

Sentyabrın 13-də Yelena Çebanu, uzunluğa tullanma T12 yarışlarında mübarizə apardı.[4] O, 5.56 metr nəticəyə imza ataraq 2-ci pilləni tutdu və Rio-de-Janeyro Paralimpiadasının gümüş medalına sahib oldu.[4]

Sentyabrın 15-də isə Yelena Çebanu, 400 metr məsafəyə T12 qaçış yarışlarında qüvvəsini sınadı.[5] O, təsnifat mərhələsində finiş həddini 56.53 saniyəyə qət etdi və üç atlet sırasında, Kuba nümayəndəsi Omara Duranddan sonra 2-ci pilləni tutaraq həlledici, final mərhələsinə vəsiqə qazana bilmədi.[5] Bununla da, 35 yaşlı Yelena Çebanu, XV Yay Paralimpiya Oyunlarını qazandığı 2 gümüş və 1 bürünc medalla başa vurdu.[5]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 "Паралимпиада Рио-2016: Елена Чебану вышла в полуфинал Паралимпийских Игр.  (rus.)". www.azerisport.com. 2017-08-30 tarixində orijinalından arxivləşdirilib. İstifadə tarixi: 8 sentyabr 2016.
  2. 1 2 3 4 5 "Паралимпиада Рио-2016: Елена Чебану завоевала серебряную медаль Паралимпийских Игр.  (rus.)". www.azerisport.com. 2017-08-30 tarixində orijinalından arxivləşdirilib. İstifadə tarixi: 10 sentyabr 2016.
  3. 1 2 3 "Паралимпиада Рио-2016: Елена Чебану завоевала бронзовую медаль Паралимпийских Игр.  (rus.)". www.azerisport.com. 2017-08-30 tarixində orijinalından arxivləşdirilib. İstifadə tarixi: 12 sentyabr 2016.
  4. 1 2 "Паралимпиада Рио-2016: Елена Чебану выиграла свою третью медаль Паралимпийских Игр.  (rus.)". www.azerisport.com. 2017-08-30 tarixində orijinalından arxivləşdirilib. İstifadə tarixi: 14 sentyabr 2016.
  5. 1 2 3 "Паралимпиада Рио-2016: Елена Чебану стала второй в своем гите и не прошла финал Паралимпийских Игр.  (rus.)". www.azerisport.com. 2017-08-30 tarixində orijinalından arxivləşdirilib. İstifadə tarixi: 15 sentyabr 2016.