Səid Nəcəfzadə
Səid Nəcəfzadə | |
---|---|
| |
Şəxsi məlumatlar | |
Tam adı | Səid Əli oğlu Nəcəfzadə |
Vətəndaşlığı | Azərbaycan |
Doğum tarixi | |
Doğum yeri | Sumqayıt, Azərbaycan |
İdman növü | Yüngül atletika |
Karyera illəri | 2009–h. h. |
Məşqçisi | Vladimir Zayets |
Səid Əli oğlu Nəcəfzadə (14 yanvar 1999; Sumqayıt, Azərbaycan) — Azərbaycanı təmsil edən yüngül atlet. 2020-ci ildə baş tutan XVI Yay Paralimpiya Oyunlarında bürünc medala sahib olub.
Həyatı
[redaktə | mənbəni redaktə et]Səid Nəcəfzadə 1999-cu il yanvarın 14-də Sumqayıt şəhərində anadan olub. 2005–2016-cı illərdə Sumqayıt şəhərində F. Piriyev adına 18 nömrəli tam orta məktəbdə təhsil alan Səid Nəcəfzadə, ali təhsilini 2016–2020-ci illərdə Azərbaycan Dövlət Bədən Tərbiyəsi və İdman Akademiyasında (ADBTİAA) alıb. 2009-cu ildən idmanla məşğul olur. Şəxsi məşqçisi Vladimir Zayetsdir.
Karyerası
[redaktə | mənbəni redaktə et]Səid Nəcəfzadə 2016-cı ilin may ayında uzunluğa tullanma üzrə şəhər çempionatının qalibi oldu.
2019-cu ilin iyul ayında o, Tunisdə baş tutan beynəlxalq turnirdə 6.80 metr nəticə ilə gümüş medala sahib oldu.
2021-ci ilin iyun ayında Səid Nəcəfzadə Polşada baş tutan Avropa Çempionatında 6.96 metr nəticə ilə turnirin qalibi oldu.
2021-ci ilin avqust ayında isə Səid Nəcəfzadə Yaponiyada baş tutan XVI Yay Paralimpiya Oyunlarında mübarizə apardı. Uzunluğa tullanma turnirində Səid Nəcəfzadə 7.02 metr nəticə ilə bürünc medala sahib oldu.
Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Səid Əli oğlu Nəcəfzadə 3-cü dərəcəli "Vətənə xidmətə görə" ordeni ilə təltif edildi.[1]
2024-cü ildə Yaponiyada keçirilmiş dünya çempionatında T12 kateqoriyasında uzunluğa tullanma üzrə yarışda 7,30 metr nəticə ilə qızıl medal qazanmışdır.[2]
İstinadlar
[redaktə | mənbəni redaktə et]- ↑ Azərbaycan Dövlət İnformasiya Agentliyi. "Azərbaycan Milli Paralimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 6 sentyabr 2021-ci il tarixli Sərəncamı". www.azertag.az ( (az.)). 06.09.2022. 2022-08-05 tarixində arxivləşdirilib. İstifadə tarixi: 05.08.2022.
- ↑ "Azərbaycanın daha bir paraatleti Yaponiyada dünya çempionu olub". Oxu.az. 20 may 2024. İstifadə tarixi: 20 may 2024.
- Yaşayan insanlar
- 14 yanvarda doğulanlar
- 1999-cu ildə doğulanlar
- 3-cü dərəcəli "Vətənə xidmətə görə" ordeni ilə təltif edilənlər
- Əlifba sırasına görə idmançılar
- Azərbaycanın paralimpiya atletləri
- 2020 Yay Paralimpiya Oyunlarında yüngül atletlər
- 2020 Yay Paralimpiya Oyunlarında medal qazananlar
- Paralimpiya medalına sahib Azərbaycan idmançıları
- Azərbaycan paralimpiyaçıları